صورة لأحد أفراد الأمن وهو يرتدي الزي المدني لكي يندس
وسط المتظاهرين ويقوم بتشويه صوره الثوار .
::
للى بيسأل اللى فى وزارة الداخلية موجودين هناك ليه ولا هم
غاويين زعزعة الأمن والإستقرار وتشويه صورة الثوار ؟؟؟
أولا هم الغلابة اللى عيالهم ماتت فى أحداث بورسعيد ومش لاقيين حد يدافع عنهم
لأن ماشاء الله الشرفاء فى مصر كتير بيتكلموا لكن تبص لأفعالهم مافيش !
المسئول الأول فى حكاية غياب الامن الداخلية طبعا
عايزين الثوار يرحوا يتظاهروا فين عند كنتاكى مثلا ؟؟؟
وبعدين لو وزارة الداخلية عملت هدنة لحظة عن ضرب الخراطيش والغازات
المسيلة للدموع الثوار حيرجعوا فورا وكذا مرة حصلت الحكاية
ديه ان الثوار هناك كانوا حيرجعوا بس هم رموا غازات تانى يبقى العيب فى مين يا ترى !!!!
شئ تانى وزير الداخلية يطلع يقول مافيش خراطيش بتتضرب بغض النظر عن المصابين
اللى مالهمش عدد المصابين بالخراطيش
هو مين أصلا قالك أن الثوار مسامحين فى الغازات المسيلة للدموع
المحرمة دوليا ولا يسمح بإلقائها الا فى الحروب !
سبحان الله بيصرفوا على ضرب المتظاهرين والثوار أكتر من اللى بيصرفوه على علاجهم !
لأ ويقولوا الشعب والشرطة والجيش إيد واحدة بأمارة إيه ؟؟؟
ياريت نبص للثوار والمتظاهرين على انهم بنى آدمين مش حيوانات بيطالبوا
بأبسط حقوقهم المشروعة ومحدش يقولى يصبروا إحنا تعبنا صبر 30 سنة
وحتى الوعود كاذبة وأول واحد بيضرب المثل بيه المشين راجعوا ماضيه المشرف
من ساعة ما مسك الحكم بعد حبيبه وصديقه مبارك !
الروابط المفضلة