كتبت بواسطة lovely_habeba

صبااح الخير على كل الامهات
هوبة
انوس
ام عمر
كوكى
و كلكم احسن انسى حد
صحيح انتو حتودو اولادكم المدارس بعد العيد و لا المدارس لسة قفلة

هوبة لية سؤال خاص بما ان ابنك فى ليدرز
انا رحت و اتكلمت مع المديرة اعجبت بكلامها
بس قلقت ان يكوون كتير على الاولاد يعنى انجليزى و فرنساوى و تجويد من كى جى
مع العلم انى كنت بدور على مدرسة تكون بتهتم بحتة التجويد دى ودة اللى عجبنى فيها
و كمان الملاعب لسة مكملتش
هل المدرسين بيعاملو مع الاطفال فى الفصل بالعربى ولا انجليش
ولو ليكى اى كومنت بيعملو بية ولا فى الطناااش
يا ترى انتى ابنك عامل اية فيها

معلش طولت عليكو

بس حقيقى هى عاجبة باباها وانا قلقانة منها عشان جديدة ومحدش عارف عنها حاجة

انا شايفة ان المدرسة الجديدة بتحاول تطور نفسها عشان تعمل سمعة كويسة واسم
ومش كتير على الطفل ولا حاجة موضوع الفرنساوى لانة مش منهج جامد اوى لا دة مجرد تمهيد
شوية اغانى فرنساوى
وبيتعلموا اصوات الحروف
اساسيات بسيطة يعنى
وكلة بيحفظة فى الكلاس
مش فى البيت
والتعامل فى الكلاس بالانجليش طبعا
واى ملحوظة بيهتموا بيها طبعا جدا
والصراحة هما زوق جدا فى تعاملهم
فعلا الملاعب لسة مجهزتش
ومبعتولناش على نشاط رياضى اضافى وكنت ناوية اسالهم على الموضوع دة بعد العيد
وانتى والافضل تعملى استخارة وربنا يهيالك الخير
واى استفسار اسالى وانا فى خدمتك

لافلي حبيبة ازيك يا قمر
ان شاء الله نادوية اودي ابني يوم الاحد اللي جاي ان شاء الله اذا ربنا اراد

يا بنات حد ودة ولادة المدارس النهاردة

مرسى يا هوبة انا فعلا حروح ابص عليها مرة تانية و كمان القدس حلوة
و حستخير ربنا و ربنا يقدم اللى فية الخير ان شاء اللة
مرسى على ردك يا قمر و ربنا يحفظلك ابنك و يباركلك فية انتى وديتية المدرسة النهاردة

كوكى احنا الحمد للة
انتى اخبارك اية وازى ابنك
ربنا يحفظهولك و يحمية من كل شر هو و كل اولاد المسلمين ان شاء اللة

ازيكم يا حماعة الظاهر انكم مقعدين ولادكم فى البيت
عبد الرحمن وصل لحرف ال d وعلية كلمتين حفظ وابتدا فى يونت فور فى كتاب ماك ميلان
وفى الماث اخد one-two كتابة وحفظ وكمان اخد الارقام لحد 30 وتدريبات على الجمع
وفى العربى اخد حرف ال خ
وفى الساينس مراجعة على اجزاء الجسم وبياخدوها باغنية حلوة اوى
وفى القران وصل لسورة المسد
ومراجعة على ادعية قبل الاكل وبعد الاكل وعلى الوضوء
ونشيد دينى بس لسة محفظهوش اوى
وكمان اخد حديث يا غلام سمى الله
الظاهر المدرسة فاقت مرة واحدة

سبحان الله

هوبه هي مدرسه ليدرز فين ومصاريفها ايه والباص بتعها

السلام عليكم ورحمة الله وبركاته
دي اول مشاركة ليا في المنتدى وبصراحة انا إشتركت في المنتدى ده بالذات عشان موضوع متابعة الاولاد في سن kg2


انا عندي بنتين توأم في kg2 اسمهم روان و رؤى
هما بيخدوا منهج you and me MACMILLAN
هما اخدوا لغاية تالت وحدة في الكتاب وكل الكلمات اللي في الكتاب اللي في الوحدات دي حفظ كتابة حتى ايام الاسبوع وكلمات الاكل اللي في الوحدة التالتة مع كل الجمل
اللي في STORY اللي في اول كل وحدة
وفي MATH لغاية 50 وكتابة لغاية FOURTEEN حروف
وفي العربي لغاية حرف ج بكل حركة كلمة
بس المدرسة ادتهم اجازة لغاية شهر 3 عشان انفلونزا الخنازير

اناهاطلب منكم طلب انا حامل في التاسع في بنت و عايزه
اسم بنت حلو
عايازاكم ترضو عليا في منهج البنات واسم النونو
انا محتاجةاشتري سي دي الكتاب ومش عارفة منين

سوما بالنسبة للسي دي بتاع ماكميلان في مكتبة اسمها ماكميلان في مكرم عبيد انا معنديش نمرتها بس ممكن تجيبيها من الدليل
وانا للاسف مش هقدر افيدك لان ابني لسه في كي جي 1 بس حاسه ان المنهج كتير اكتر من الحاجلات اللي قالت عليها باقي البنات ...بس موضوع اجازة لغاية شهر 3 دي حاجة جميلة ..ياتري اسم المدرسة ايه؟؟

اسم المدرسة
مدرسة ابن عطاء الله للغات في شارع ناصر الثورة من الهرم