--------------------------
السلام عليكم ورحمة الله وبركاته
قبل كم يوم رأيت تجربة مميزة مثل ما هو واضح بالعنوان
كيف نخلي البيضة بعد ما نسلقها بلون اصفر لكامل البيضة
فـ قلت يا خيولة ما بدهاااش توكلي على الله وجربيها وخلي خواتك في ركن مدرستي يستفيدون
المقادير
بيضة
ماء للغلي
بلوزة
خيطين من خيوط الطيبين << امززح
ناخذ البيضة وندعسها بكم البلوزة ونربط الخيطين مظبووط على طرفينها
لازم نعقد العقدة حتى ما تفلت لانها راح تشوف نجوم الليل
بعدها نمسك الطرفين ونبدأ نقلب البيضة مثل لعبة نط الحبل
المهم ماني عارفة كيف اشرح
شوفو الفيديو حتى تعرفون ترجون البيضة عدل
بعد ما رجينا مظبووووط 5 دقائق
ناخذها ترتاح على النار
نجي الآن لتجربتي العزيزة
اللي من كثر ما ضمنت نجاحها صوّرت خطواتها
للأسف تجربتي باءت بالفشل
جربتها مرتين وكل شوي ازيد الوقت في رجّها
لكن ما نجحت معي صار صفار البيض قاس جداً كأنه كرة بلاستيك
الطعم ما اظنه يفرق لكن قاسي كثيير
بيني وبينكم ما صدقت انها راح تفشل
لكن لي تجربة ثالثة ورابعة حتى تنجح التجربة
انتظر تجاربكم يمكن تنجح التجربة مع البيض الطازج اكثر
لانه اللي استخدمته ما كان طازج
ربّما هو السبب
متشووووقة جداً لتجاربكم
مع الصوره النهائية للبيضة باللوك الجديد لو سمحتو حتى اتحمّس اكثر
مع تحيات الشيف خيولة
في أمان الله
---------------
الروابط المفضلة