بالنسبة لبريطانيا عنا المدارس بتبدأ من سن ٣ سنوات وبيعطو كل طفل ١٥ ساعة فري بالاسبوع بمعدل تلات ساعات كل يوم وفي ببعض المناطق فول تايم

الإيجابيات كتيرة ماشالله :
التعليم مجاني
اولها انه الطفل أولا وبيعلموه الثقة بالنفس من خلال أشياء كتير بيكافئوه على اقل شي عمله ولسانهم حلو معاه
الخرابيش والصور يلي بيرسمها بياخدو منها وبيعلقوها على الجدار واسمو جنبها لحتى يعتز بالشي يلي عملو
طرق التدريس ممتعة يعني مو صب للمعلومات وبس قدم امتحان نسيها بالعكس بيعطوهم المعلومات بطرق غير مباشرة متل القصص الاغاني بيقولولها ryhmes تجارب صور مناقشات الخ وهاد الشي بيرسخ المعلومات عندهم صغار او كبار

شغلة حلوة عندهم انو مافي رسوب واعادة سنة كاملة هاد الشي بيساعد الطالب والاهل نفسيا وعقليا على التعلم بس بيشوفو المواد يلي ضعيف فيها وبيخلوه يحضرها مع الصف اللي قبلو ومع صفو وبيتابعو تقدمو وكذلك الطالب الشاطر بيشوفو المواد اللي هو ممتاز فيها وبيخلوه يحضر مع الصف اللي اكبر منه

الكتب الموجودة اوراقها خفيفة متل القطن يعني ما بتوجع الضهر لو الطالب حملها وطبعا الكتب للمرحلة الاعدادية وما فوق

السلبيات مافي كتب للابتدائي للأهل يتابعوها بالبيت مع اولادهم بس اوراق عمل خفيفة والحلول تبعها اما من النت او من خلال المعلومات اللي عند الطالب مثلا او يتركو الحل لابداعاتو طبعا فيها قليل من الايجابيات
الاطفال اللي مولودين حتى ١ سبتمبر بتروح عليهم السنة لانو السنة بتشمل الطلاب المولودين بين 1 سبتمبر ل 31 اوغست معناها لو طالب ولد اول سبتمبر اللي بعده بيروح للسنة اللي بعدها وهي كتير مزعجة

بالنسبة لمدارس سوريا
الايجابيات ممزوجة مع السلبيات للأسف
مناهجنا مليئة معلومات قيمة من صف الاول للباكالوريا بس طريقة بعض المدرسين بتخلي الطالب يخلص السنة وما يخلص المنهاج معاه مثلا كتب اللغة الانكليزية ممتازة على الاخير وحتى الانكليز نفسهم ما بيفهمو معلوماتها لانهم ما بيدرسو قواعد ببلادهم فنحن قاعديا اقوى منهم بس للاسف الطالب بيدرس عشر سنين انكليزي وما بيقدر يعمل محادثة وحدة والسبب تركيز المدرس على القواعد والقراءة واهمال المحادثة وكذلك عدم كفاية الحصص للمنهج الموضوع
وحتى مافي مراعاه لمستويات الطلاب يعني بدهم الطالب الكسول والشاطر يكونو متل بعض وهاد الشي بيأثر على مستوى الصف بشكل عام

والتعليم مجاني والكتب مجانية وهاد شي ممتاز بيخلي الفقير والغني يدرس
اساليب التعليم فقيرة جدا والمدارس يلي فيها تعليم متل اوربا وامريكا بتكون غالية وأسعارها نار وهاد الشي بيخلي اللي احوالهم المادية وسط وما تحت ما تقدر تسجل ولادها وتكتفي بالمدارس الحكومية بس
بعض المدرسين الحديثين طبعا بيتخلو عن ضميرهم بالتدريس كرمال الاهل يطلبوهم لدروس خصوصي وهيك بيعود عليهم بالنفع المادي اكتر وهاد الشي حرام لان في طلاب ما بتقدر تدفع لدرس خصوصي وبالذات الاسعار غير طبيعية
طبعا في اساتذة مازال ضميرهم صاحي وبيحرقو حالهم كرمال الطلاب
بس الحق بكلشي على الحكومة لانهم ما بدهم يطورو طرق التعليم والتدريس بس بيغيرو المناهج بين فترة وفترة مو اكتر بس الاسلوب بالتدريس من الستينات للآن نفسه

هي بعض الاشياء يلي ببالي والي عودة ان شالله

بالله عليك يا مروة لا تقارني مدارسنا بمدارس الغرب ..................فرق شااااااااااااااااسع وانا قلبي معبي من هذي الناحية استني اتفرغ واجي افرغ قلبي ...

ههههههههههههههههههههه ضحكتيني سهام والله فرق شاسع بس انا فتحت الموضوع بعد مناقشة مع صديقة حول هالنقطة فحبيت اعرف آرائكم

موضوع التعليم ذو شجون أختى الكريمة.

التعليم فى الغرب من الممكن يكون متقدم ومتطور لكن هل يكفى ذلك لبناء شخصية المسلم او المسلمة من الطفولة حتى الجامعة؟!

أنا لا أنفى اعجابى بطرق التدريس فى الغرب وقدرتهم على زرع الثقة بالنفس والابداع فى نفوس الجيل الجديد ولكن فى المقابل هناك هدم واضح وجلى لكل ماهو اسلامى -------مافائدة التعليم المتطور ان لم يبنى شخصية المسلم على اساس التوحيد والاعتزاز بقيمه وتربيته الاسلامية.

ارى انهم نجحوا فى التقدم والتطور ولكن لا ننكر ايضا ان الغرب عبيد لشهواتهم وهذا واضح للعيان وان كانت حضارتهم عظيمة الان فانها زائلة لا محالة .

اختي ام ريمان بارك الله فيك على المداخلة بس خبريني هلق التعليم ببلادنا عم يبني شخصية إسلامية للطفل
ابدا ليس في كل الدول الا ما رحم ربي متل السعودية مثلا بس اغلب دولنا العربية مادة الديانة الاسلامية مادة فقيرة ومافيها متابعة متلها متل الرياضيات والعلوم والعربي الا اذا الاهل اختارو يحطو ابنهم او بنتهم بمدرسة شرعية وهاد الشي اللي اهلي اختارولي ياه ودرست بمدرسة اسلامية شرعية بس البنات اللي بعمري كانو يدرسو بمدارس حكومية كنت تشوفي للاسف العجائب من مكياج وعلاقات مع شباب وافكار ما كنا نعرفها وكتير منهم بدون حجاب وحتى المحجبات شوفي العجب بلبسهم ولحد الان شوفي الحجاب المنتشر ببلادنا يالطيف
برايي التعليم بينقصو التربية من الاهل والدولة تكون اسلامية والمدرسين بيخافو ربهم كمان والمنهج منهج اسلامي

مثل ما قالت الأخوات الايجابيات ..الطرق المستعملة في التعليم

لكن ما أراه سلبي هو تعلمهم بالحفظ و ليس فهم المنطق ...

أو فهم الطريقة التي وجب تتبعهااا للوصول للحل أفضل

بل يعلمونهم بالحفظ المتكرر

هذا غير في بلداننا كنا نتعلم بفهم كيف نصل لحل بطريقة سهلة ....

....

مروا انا ما كنت مميزه لهجتك شوفي سوريا مناهجها متل الاردن منيحه وخصوصا العربي ممتاز جدن كنت احضر دروس التقويه اللي عالتلفزيون الطريقه بالشرح كويسه وحلوه وهي لغتنا اصلا صعبه يعني بجوز اذا بدك تقعدي تلعبي وتزقفي عليها عمرنا ما منخلص كككككككككككك المهم بس بالفعل باقي المواد اللي بحاجه لمنطق حفظ بحفظ وغير مدعومه بالتجارب يختي الرياضيات مشتيه يكون بالثف الاول ابتدائي عداد والا شغله يهد عليها غير اصابعهم وتكون لكل طالب لانه الطفل لما يستعمل المواد غير عن لما يعد براسه او على اصابعه هون من الصف الاول بيعطوهم قطعه مقسمه ل100 جزء عشان يمسكها بايده ويفككها ويشوف كيف عملنا 100 وكل صف فيه عشره وعشر صفوف هاي ميه شافهن ومسكهن بايده هاد كيف بده ينسى والا الجدول تبع الميه لما يشوف تكرار عشره عشرين ثلاثين تحت بعض خلص بيرسخ براسه والعد بالخمسه كمان خمسه صارت عشره وكمانخمسه 15 اللي هي الباترن انا مش متذكره اهتمينا بالباتيرن اللي هي السلسله المنطقيه بما بيتكرر عدد معين او شكل معين بيخلي الطالب يشغل عقله ويحزر شو بيجي بعدين
هل مروا اللغه الانجليزيه ببلادنا القواعد مش اهم اشي باللغه هل احنا هون لما تعلمنا اللغه ما تعلمنا القواعد لأ تعملنا جمل صحيحه ووظفناها الاهم باللغه الانجليزيه اول شي القراءه الصحيحه كيف تقرأ وهاد الشي كتبنا فقيره منه مافيه قواعد للقراءه والفاول واثوات الحروف حسب مواقعها
القواعد الانجليزيه قليله يادوب شو 15 قاعده مثلا لو بكل صف اتعلم الطالب خمس قواعد بسنتين زمان بيفهم شو القصه بس مو هون المهم المهم القراءه عشان يقدر يمسك كتاب ويقرءه اصلا احنا مهملين الكتاب بشكل مش طبيعي هون المطالعه مطلوبه بكل الصفوف بيطالعوا كتب كلاسيكيه وكتب خارج المنهاج ولما الطالب بيقصر بيطلب منه المعلم بروجيكت عشان يعدل مع باقي الصف وبالغالب بيكون كتاب يقرءه ويعمل بحث عليه مو متل مدرسيننا اكتبوا بحث ولا حدى بيقرءه نفس المعلم بحطه بالتراش وهو طالع ولا بيعطيه اهميه ولا بيناقش الطالب فيه
انا عارفه وضعنا صعب عالاخر
عارفه متمنيه الموضوع يطلع للاقسام الثانيه عشان نشوف وين وصل التعليم لان انا افكاري قديمه عن مناهج الاردن مابعرف كيف هل صار هو توقعاتي من فاشل الى افشل بس بلكي اني غلطانه بنص عيني0000000000

ام الريمان والله ياعزيزتي هاد الحكي سمعناه كثير انه التعليم تعبهم يفتقر للروح والاخلاق وووووووووو انهم رح يتهدم مجتمعهم بس على مين منضحك اذا انهدم مجتمعهم بيكون منجتمعنا اندثر من زمان عارفه لولا كتاب الله بيننا كان اكلنا بعض بالحياه هو بس كتاب الله بيننا موقفنا لليوم على رجلينا والاكان الحال مزري اكثر من هيك بمليون مره اعتمادنا كامل بالعلم عالغرب همه اللي بيخترعوا وبينتجوا وبيفكروا وانا بس منوكل طبيخ ومناسف خليها على ربك انا ما بحب اللي بيقلل من القيمه العلميه اللي وصللها الغرب وخصوصا لما نكون نص اغراض بيتنا الللي ما منستغنى عنها من تلفونات وكمبيوترات وبرامج وادوات منزليه وسياراتنا وحتى الميك اب وصبغات الشعر صناعه غربيه الله يهدي المسلمين ياريتنا نرجع للدين ونصير ونتصور اللي منقدر نعمله نربي اولادنا ونعلمهم عشان همه يبنوا اللي وقع واتدمر

غاليتي ام الريمان حياكي الله في منتدانا كلامك صح بس هون الناس بدور علي مدارس عربيه بس علشان الدين وللاسف في نفس المدارس العربيه بتلاقي بلاوي وتحت اسم الدين
يعني ان االشلتر سكول انا مجلوطه منها قبل سنتين وحده قالت انهم بعينوا معلمات اي صف يعني بتكون مخلصه سابع تامين او بتشتغل طباخه بس بدرس !!!!!!! واصحابها باكسنايه وتبعون دين مش عارفه اي دين اذا ما براعوا الله في الدراسه وكمان بستغلوا الناس وحده ارمه راحت اشتغلت عندهم بعطوها الاقل حد وكمان حاططت اولادها معاها بالمدرسه مستواهم نزل وطلبت تقويه صار بدهم مصاري عليها وكمان قررت اخراجهم للمدارس العاديه راحت المديره هددتها قالت اذا ولادك طلعوا انت مطرودهم حسبي الله ونعم الوكيل
مفكرين حالهم بدهم باكستان
استغفر الله العظيم انا بشبههم بمدارس البلاد البكون معينين معلمات بالواسطه واصلا بكونوا ناجحين بالمدارس بالواسطه ولما يصيروا معلمات ببلشوا يهموا الصغار ويبهدلوهم ويضربوهم
انا قلبي ملشان من مدارس العربيه الهون بس العربيه ومن البلاد طبعا مش كل المدارس بعضهم والعندي تجربه سيئه فيها ما بنساهم وما نصح حدي فيهم

مايا أنا أوافقك أن المعلومات يكرروا تدريسها كل سنة و لما يمتحنوا يسألوهم أسئلة مناسبة لعمرهم ,

من النقاط الإيجابية إلى حبيت أحكي عنها أيضا أن الأساتذة لا يعطوا التلاميذ واجبات في العطل عكس البلاد يثقلوا كاهل التلميذ حتى في العطلة
شيء آخر يعلموهم التكلم أم المجموعات الكبيرة من خلال مشاريع العلوم التي يتم عمل معرض لها و تقديمها للأولياء (الزوار)

مروى , التعليم هنا مجاني صحيح لكن بصراحة المدارس الحكومية صعععععععععععععععب أن نضع أولادنا فيها, الفساد الي فيها أراه يتجاوز السلبيات لكن الحمد لله هناك التعليم من البيت و المدارس الإسلامية لكن هذه الأخيرة للأسف في غالب الأحيان غاااااااااااااااااالية و يصعب على الكثير من المسلمين وضع أولادهم فيها
إيجابية كبييييييييييييرة جدا هي الإهتمام بالأطفال ذوي الإحتياجات الخاصة, بصراحة هذه النقطة للآن صعععععععععب أن نجدها في بلداننا

ما بعرف انا عم احكي عن مدارس بريطانيا بشكل عام التعليم الابتدائي ممتاز يعني ما في فساد والاعدادي والثانوي هي بترجع للمنطقة وللأهل
بالنسبة للمدارس العربي متل ما قالت اماني لو الادارة باكستان ما بيعرفو بيفكرو كل العرب فهمانين وبيعرفو يدرسو فبيحطو اساتذة وانسات كيف ما كان واصلا كتبهم ضعيفة عبارة عن قراءة وتركيب حروف بطريقة عجيبة انا درست وتعبوني وما كان المدير يستوعب انو مو هيك التدريس
اما لو المدارس ادارة عربيه فبتكون بعد الضهر وبيدرسو فيها مناهجنا كاملة علوم ورياضيات وعربي والخ يعني بيهلكو الطالب بالدراسة الانكليزية والعربية ومافي مستوى كتير

بالنسبة مايا منهاجنا بسوريا قوي كتير من حيث المعلومات وكتب الانكليزي عنا قوية جدا بشهادة كتير ناس بس العتب على مين بيدرس مثلا بتلاقي كل سنة كتابين كل كتاب ميتين صفحة تقريبا واحد للقراءة والمفردات والتاني للقواعد والتطبيقات يعني كانو عم ندرس قواعد نحو بس بالانكليزي بس للاسف مافي ترسيخ بسبب الكمية وسوء التدريس وضيق الوقت وكمان مافي محادثة لنفهم كيف بدنا نستخدم هالقواعد هي تماما