عزيزتي انا ايضا اؤيد رأي ايمو في الاسئلة وان عن نفسي فضلت مدارس العائلة المقدسة (الجزويت) لابني يعني مصاريفها مش غالية ولكن مش رخيصة بس مستوى الاولاد هناك راقي كما ان التربية هناك شديدة جدا
وبعدين لازم علشان تختاري المدرسة لازم تركزي على بعض النقاط الهامة منها مقدار المصاريف اللغة التي تريدين لطفلك ان يجيدها كما مستوى دخلك يجب ان يتوافق مع مستوى المدرسة بمعنى عند ابني في المدرسة في مساوة يعني كل الاولاد مصروفها جنية واحد في اليوم
للاسف الموضوع مش سهل ومحتاج تفكيرجامد منك ربنا يوفقك

شكراً ايمو و narmar على الرد اتاخرت فى الرد لان كان عندى ظروف وما دخلتش من وقت ما كتبت الموضوع

انا بصراحة محتارة فى المدارس جدا و مش عارفة اى حاجة عن نظام المدارس لان دى اول مره ادخل مدرسة لانه ابنى الكبير

هو ولد و انا افضل ادخله مدرسة مختلطة مش بحب مدارس الولاد من غير اختلاط
و انا ساكنة فى مدينة نصر يعنى مناطق التجمع و الرحاب و مصر الجديدة ممتازين بالنسبة ليا
و انا فكرت فى IG بس مش عارفة عنها حاجة لو عندكوا معلومات ياريت
انا بس حابه الالماني علشان حاسه نا فى اتجاه ناحيته و انه المستقبل و التميز
بس حابه يبقى مدرسة عادية مش اسلامية او مسيحية علشان تكون مختلطة

ياريت كمان تقولولى اختبارات القبول عبارة عن ايه ؟

شكرا بجد على اهتمامكم

وعليكم السلام ورحمة الله وبركاته


بالتوفيـــــق يآرب ..

السلام عليكم ورحمة الله وبركاته

اخواتي لي سؤال عاجل ارجو من اخواتي المصريات ان يفيدوني لاني لي فترة محتارة واود ان استقر على مدرسة لابنتي تتوفر فيها المميزات التالية:

اولا ان يكون التعليم اسلامي وفصل الاولاد عن البنات واخلاق المدرسات جيدة

ثانيا:طبعا ان يكون مستوى التعليم مرتفع واللغة جيدة

بعد بحث كثير استقريت على ثلاث مدارس شكرها لي بعض الاصدقاء وهي الغد المشرق واليوم ان شاء الله ساذهب بابنتي لاجراء الانترفيو؟اود ان اعرف معلوماتكن عنه وهل هو فعلا يخرج جيل اسلامي وبنفس الوقت مستوى التعليم ممتاز.زالواقع انني ارتحت اليه ولكن المشكلة اخشى الايقبلو ابنتي لانها السنة الجديدة ستكون 4 سنوات الاشهر وسمعت انهم يأخذون من سن اكبر ولاادري هل الانترفيو صعب وماذا يسألون فيه؟

مدرسة طلائع الكمال معلوماتي عنها بسيطة ولكن يكفي انها اسلامية ومن لديه اي تجربة بها اتمنى ان يفيدني لان التقديم ان شاء الله في اول ستة وهل هي لغات فقط ام عربي ولغات؟

المدرسة الاخيرة هي الطلائع وهي في المهندسين لم تعجبني كمظهر خارجي للمدرسة ولم ادخلها ولكن سمعت انهم يدرسون موسيقى فهل المدارس الاسلامية جميعا يدرسون موسيقى ام هذه فقط؟
اتمنى فعلا حبيباتي من لديها اضافة عن المدارس السابقة والتعليم فيها جيد والاهتمام بالدين وحفظ القران في مصر الجديدة او مدينة نصر ان يفيدني جزاكم الله خيرا

ملحوظة..مامعلوماتكن عن سمارت في القرية الذكية؟وماهي مصاريف الدفع في الكي جي؟

حبيبتي انت حاصره نفسك في المدارس دي بس ليه فيه مدارس تانيه حلوه واسلاميه وفيه مدارس بنات بس بس انت ساكنه فين ورنجك كام؟

اهلا حبيبتي نورتي موضوعي بالنسبة للمدارس دي بصراحة هي اللي سمعت عنها انها اسلامية ومعرفش اسلامية غيرها لو عندك اسماء مدارس تانية في مدينة مصر او مصر الجديدة اكن لك شاكرة انا سمعت ايضا عن مدرسة امجاد في المعادي بس طبعا بعيدة عني والرنج للسعر اي سعر مش مشكلة قولي من 3 لعشرة مثلا المهم مدرسة كويسة والتعليم فيها مجرب ومضمون وبنفس الوقت اسلامية

بصي الازهري تاجان_ الاندلس_العد المشرق_ البخاري /اسلاميه الفاروق_السيده عائشه_ ابو زهره)عربي(_

ازيك يا ام يمنى بصي انا حصدمك بالي حقولو دة بس الغد المشرق من لسان اصدقاء ليا بيشتغلو فيها وسبحان الله هما ميعرفوش بعض يعني مش حقولك متفقين اجمعت الاراء على انها مدرسة مش حلوة تعليميا وكئيبة جدا ومعاملتهم للاطفال مش ظريفة والله اعلم وعلى فكرة هي ازهر لازم حبيبتي تحددي اذا عاوزه ازهر ولا اسلامي بس لان في فرق كبير
طلائع الكمال ارض الجولف انا ساكنة جنبها وبشوف الصبيان بينطو من فوق السور والبنات مطلعة قميصها برة وفكة الكرافت منظر لهو اسلامي ولا حتى حضاري انما تعليميا ايه مش عارفة لو عاوزة ازهري تاجان سمعت عنها خير لو عاوزة اسلامي بدون موسيقى مش حتلاقي غير امجاد للاسف تاخد سن بنتك انا ساكنة في ارض الجولف مصر الجديدة وقدمت في امجاد بعد لفة طويلة جدا جدا

ازيك ام فريده فعلا امجاد تحفه بس قفلو التقديم الانترناشونال ب 20_من خبرتك قوللنا على اللفه

شوفي عندك الفاروق بتاخد سن كبير جدا ومش حقدر استنى كل ده والنزهة مش قد كدة تعليميا والسيدة عائشة مستواها مش كويس وانا مش عاوزة ازهري خالص وطلائع الكمال زى ماقلت قبل كدة ومنارة الفاروق مشكلة السن برضوا منارة الايمان معجبتنيش المديرة بتقولي احنا مش مدرسة اسلامية احنا مدرسة لغات وكان مدرسة اسلامية دي حاجة عيب ونور بتفصل من 4 ابتدائي وانا عاوزة فصل من الاول او بالكتير من اولى ابتدائي كمان مشكلة الموسيقى ملقتش غير امجاد وجنى دان هما اللي بيدو اناشيد بالدف فقط جنى دان امريكان وانا مش عاوزة امريكان يبقى مافيش غير امجاد رغم بعدها عني