والله موضوعك ممتاز
للبحث في شبكة لكِ النسائية:
|
والله موضوعك ممتاز
اخواتي حبيت اشاركم لان مدرسة اولادي مدرسة ممتازة
مدرسة الرواد العالمية
ممتازة بكل المقاييس اللغة بيدرسوهم مدرسات اجانب مسلمات والبنات من كي جي بيتكلموا انجليش بيرفكت
الدين اهتمام متميز بالحفظ والادعية والاذكار ومسابقات قرآن وهدايا وجوائز جميلة
المدرسة صارمة في التربية والالتزام بزي المدرسة ونظافة البنات والتزامهم بقواعد المدرسة يعني لا موبايل لا مانكير ولا اي مخالفة مسموحة وده شيء لم يعد موجود
المناهج بيرسون سكوت فريدمان العربي بيدرسوا المنهج السعودي
فيه شيتات مراجعه ومذكرات وانشطة وحب بين المدرسات والطالبات
اسعارها للكي جي 10000 و الابتدائي 13000 بدون باص
لكن في مرونة في التسديد في اي وقت وانت حدد عدد الاقساط مع المحاسب
مدرسة ممتازة جدا واكتر شيء انا حزينة عليه لاني راجعه مصر هو عدم استمرار بناتي في هذه المدرسة الرائعة بارك الله فيهل لكل من فيها من عاملين ومدرسين وطلاب وهداكم لكل مايحبه تعالى ويرضاه
والله الموضوع مهم جدااااااااا
انا رحت مدرسة يارا العالمية والتابعة لمدرسة الورود العالمية وهى مصروفتاها معقولة جدا وهى منهج هندى بس معجبنيش نظام الدراسة عندهم يعنى من شهر ابريل الى شهر مارس يعنى الدراسة 11 شهر والاجازة فى الشتاء تقريبا يعنى عكس الناس كلها .....
كمان رحت مدرسة الهدايا العالمية ... والله يهديهم منتتهى الاهمال والفوضى والله حسيت انى دخلت نادى صيفى مش مدرسة وفى وسط اليوم الدراسى ... والمديرة هندية ...
كمان رحت مدرسة الفلاح العالمية ... بصراحة منتهى النظام والمبنى مخصص انه يبقى مدرسة (يعنى مش عمارة وعاملينها مدرسة زى أغلب المدارس) ولكن لم يعجبنى حاجتين ان المنهج هندى ان أغلب التلاميذ هنود وباكستان وبيتكلموا مع بعض أوردو
والبقية تأتى ..............
السلام عليكم ورحمة الله وبركاته ......
ازيكم جميعااااااااااااااااااااا
الموضوع واضح من عنوانه هنتكلم عن مدارس جدة العالمية واللى مخصصة للأجانب الموجودين بجدة وطبعا ما أكترهم هنا فى جدة ... والمدارس العالمية على كل شكل ولون وكل مدرسة بنظام وبمنهج مختلف ..
انا مثلا ومن حوالى شهر بألف على جميع مدارس جدة تقريبا لأنى ان شاء الله عايزة أقدم لأبنى فى مدرسة عالمية ممتازة ولكن انا عندى شروط لم اجدها حتى الان فى اى مدرسة دخلتها ..... بصراحة تهت واحترت ؟؟؟؟ ايه رأيكم والاخوات اللى فى جدة نفيد بعض ونستفيد .... انا أقدر افيدكم بأسماء وعناوين مدارس عالمية كتييير فى جدة لأنى كنت لا اكتفى بالدليل ولا النت كنت بألف انا وجوزى بالعربية فى الشوارع وكل ما نلاقى مدرسة عالمية أدخل واسأل واشوف شكل الفصول والكتب واتكلم مع المدرسين ... فعندى معلومات عن المدارس ولكن ينقصنى الخبرة لأنه طبعا ابنى الاول هو اللى هأدخله ان شاء الله فمش عندى تجارب عملية ..........
فى انتظار رأيكم فى الموضوع ... علشان نبدأ بأذن الله ونلحق وقت التسجيل
السلام عليكم
ربنا يهديك للخير ان شاء الله
انا السنة الا فاتت كنت فى نفس الحيرة بس الحمد لله دخلت بنتى مدرسة جدة العالمية وهى كويسة هى فى حى الخالدية منهج امريكى
وادارتها ا/انيسة انسانة محترمة جدا بس انا كان حظ بنتى سئ شويا ان مدرسة الكلاس بتاعها اتغيرت كثير وهو ده الكلاس الوحيد الا تغير فيه المدرسة
اختى dolshery .... مشكورة على ردك والحمد لله ان ربنا وفقك للى فيه الخير لبنتك ويارب عقبالى لما أرسي على مدرسة تأسس أولادنا لأن العمر الصغير ده الطفل بيحفظ اى شئ وعقله زى الصفحة البيضاء .
شكلىى كده هأتكلم مع نفسي وأتناقش مع نفسي ..... طيب مش مشكلة بس برده انا مش هأفقد الأمل هأنتظر ردودكم
السلام عليكم يا أم يوسف
انا من مصر بس اخويا فى جدة ... ومدخل ولاده مدرسة الوادى هى انترناشونال
وهى كويسه جدا ام الاولاد بتشكر فيها مدخل فيها اولاده التلاته
واللى اعرفه انها مدرسة بتتبع المنهج البريطانى ... وبتعمل للاولاد اختبار ومقابله عشان تشوف مستواه قبل ماتقبله
ولو الولد دخل ومستواه مش بيتقدم ومش بجيب درجات كويسه بيتبعوا مع ولى الامر
وبيحاولوا مره واتنين وتلاته
ولو مفيش فايده ومفيش تعاون من الاهل ... بيطلبوا من الاهل ينقلوا ابنهم من المدرسة
لان كل الاولاد اللى فيها مستواهم عالى
دى معلوماتى ويارب اكون افدتك
اختى شيماء ..... مدرسة الوادى العالمية بتتبع المنهج البريطانى بس ياترى المنهج البريطانى احسن ولا الامريكى وكمان رحت مدارس بتدرس المنهج الهندى بس بصراحة انا مش بارتاح للهنود خالص والانجليزى بتاعهم مخلوط بالأكسنت بتاعتهم واكيد الاولاد هيتعلموا منهم النطق غلط........... وهل المعلمات الباكستانيات افضل
مازلت ف انتظاركم ..............ز
UP UP UP
الروابط المفضلة