كل المعلمات لايبخلون علي مساعدتهم عاجل

**فاعلة خير..** · 30-03-2011, 02:14 AM

ابشري اختي بإذن الله أفيدك
أنا مو مدرسه بس عندي أفكار إن شاء الله تعجبك المهم انتي قولي لي أي مرحله بتدرسين والماده أو موضوع الدرس لأن الأفكار تختلف حسب المواد فيه أشياء تنفع للمواد العلميه واللي فيها مختبرات وفيه أشياء تنفع للمواد النظريه وهكذا..
فالمهم اعرف الماده والدرس إذا قدرتي وبإذن الله أفيدك..

**امrho0of** · 30-03-2011, 12:58 PM

والله ماعندي فكرة بس اظن راح يعطوني مرحلة متوسطة ومواد دين هذا اللي فهمته منهم لانهم محتاجين مدرسات دين وجزاك الله خيرا انتي قولي لي افكار لمواد الدين تصلح لبنات متوسطة لانهم راح يحددون لي الدرس واليوم الثاني اشرحة يعني مافي وقت ومشكورة مرة ثانية على المساعدة

**مديرة المشاريع** · 30-03-2011, 01:06 PM

موفقه

**فاعلة خير..** · 30-03-2011, 10:29 PM

طيب اختي أم رهوفه..
بما إنها مرحله متوسطه فهذي أحسن مرحله والله يوفقك ياااارب وتتثبتين بعد في الوظيفه يااااااارب..
شوفي حبيبتي هذي أفكار لموضوع الدرس تسوينها بسرعه مع البنات وهم يستنتجون الموضوع:
1/ جيبي لوحة فلين وسط موكبيره وارسمي فيها لعبة الحروف اللي نوصلها كلمات(تجي في الجرايد أكيد تعرفيها) وتكون الكلمات اللي يوصلونها البنات سهله وبسيطه والحروف الأخيره اللي تبقى يكونوا منها اسم موضوع الدرس.. سويتها أيام التطبيق واستمتعوا كثييير..

2/ مثلاً اسم موضوعك (الصلاة) جيبي لوحة فلين وسط ومن المكتبة جيبي صور ألعاب أو صور حيوانات أو صور أدوات مطبخ ولصقيها (كل صوره تحتها مربع يكتب فيه حرف الصوره) (مثلاً صورة أرنب + صورة لعبه + صورة صقر + صورة لمبة +........الخ) وفي الأخير لما البنات يكتبوا الحروف يتكون اسم الوضوع الصلاة..

3/ أو لوحه مربعه بها جدول فيه حروف متشابهه تحذف الطالبه كل الحروف المتشابهه ويبقى الحروف المختلفه وتطلع طالبه ثانيه تكون من هذه الحروف اسم الموضوع..

بالنسبة للنشاط آخر الحصة واللي هو عبارة عن اسئله بسيطه عن محتوى الدرس:
1/ اكتبي في البيت أرقام في أوراق صغيره بعدد طالبات الفصل وطبقي كل ورقه , وتكوني عارفه كم رقم كتبتي مثلاً 32 رقم ووزعيها كل طالبه تاخذ ورقه وتفتحها وتشوف رقمها وانتي بعد ذلك اختاري رقم وصاحبته تطلع وتكوني مجهزه لها سؤال في بطاقه وهديه إذا جاوبت ووحده من الأرقام مثلاً بطاقة سؤالها مكتوب فيها (لقد ربحتي جائزة بدون سؤال) وبكذا يفرحون ويتشجعون أكثر..

2/ مثلاً جيبي لوحة فلين كبيره وارسمي فيها جدول الكلمات المتقاطعه (اللي فيها مربعات سوداء) ومن الدرس كوني هذه الكلمات اللي يوصلونا البنات (مثلاً أنا شرحت أيام التطبيق درس عن الجهاز الدوري الدموي فكان من الكلمات (الدم) فكتبت: سائل أحمر يجري في الأوردة الدمويه فتجاوب الطالبه الدم وتقوم تكتب الكلمه وكذا..كل الكلمات اللي تختاريها تكون من الدرس واللوحه كانت منسقه بشكل جميل وعجبتهم جداااااااا وخذتها الأبله)
أهم أهم أهم شي إن اللوحه تكون مرتبه بشكل جميا ومنسق تشد انتباه البنات..

هذا اللي يحضرني الآن وهي أفكار بسيطه وإذا تبغين بالبوربوينت عرض أو أوراق بس تطبعيها وتوزعيها فبإذن الله أساعدك ..
لي عودة بعد شوي بإذن الله (وما أبغى منك غير تدعين لي بتيسير أموري من حيث لا أحتسب)

**فاعلة خير..** · 30-03-2011, 10:38 PM

شوفي اختي إذا درسك هالأسبوع فأول ماتعطيك المديره اسم الدرس
اكتبي لي هنا على طول واسوي لك عرض بوربوينت تشرحين عليه بالبروجكتر يعني مايحتاج تكتبين في السبورة وأوراق عمل للطالبات توزعيها آخر الدرس على البنات ويحلونها كلهم وبعدين تجمعينها وتصححينها بعدين...بإذن الله يمديني اسوي لك بإذن الله وراح ادخل كل يوم اشوف ردك بإذن الله

**امrho0of** · 31-03-2011, 03:10 PM

الله يوفقك يارب والله مادري كيف اشكرك بجد ساعدتيني الله يحقك لك كل امانيك انا بشرح عند المديرة والمساعدة بس يعني بدون طالبات بس لمدة عشر دقايق تشوف طريقة شرحي بعدين تقرر توظفني اولا وان شاء الله استفيد من افكارك اذا توظفت والحين اذا ماعليك كلافة ابي تساعديني في مقدمة الدرس كيف ابتدي الشرح انا راح يحددون لي يوم الاحد وان شاء الله راح اقولك الدرس عشان تساعديني ومشكورة مرة ثانية

**امrho0of** · 31-03-2011, 03:13 PM

الله ييسر امورك ويرزقك من حيث لا تحتسبين وعلى فكرة انا مااعرف اسوي عروض بوربوينت ولا اوراق عمل اذا ماعندك مانع عادي تساعديني فيها اذا توظفت وتعلميني انا راح ابشرك ان شاء الله اذا توظفت

**فاعلة خير..** · 01-04-2011, 01:22 AM

عااااادي اطلبي وربي يشهد مادخلت إلا لأساعدك لوجه الله
وراح اشرح لك كيف تبدئين..
وابشري بأساعدك في العرض وأوراق العمل والله ياااااارب يجعلها من نصيبك ويوفقك ويوفق كل بنات المسلمين ويرزقهم من حيث لايعلمون.

**فاعلة خير..** · 01-04-2011, 02:07 AM

أولاً خلي لبسك هادي ومرتب وساتر والمكياج خفيف لأن هذا عليه درجات ويقيمونك فيه..

ثانياً من الحين ابدئي استغفري بكثرة كل وقت وانتي جالسه وواقفه وتشتغلين استغفري بكثررررره وادعي بسجودك إن كان فيها خير ييسرها ربي لك ويجعلها من نصيبك وإن كان فيها الشر فيصرفها عنك..

ثالثاً حاولي تكوني هادئه مومرتبكه وخليك واثقه من نفسك ومعك أغراضك جاهزه كلها (أقلام السبوره والمساحه وأوراق عمل فيها كم سؤال واللاب توب إذا عندك وبأسوي لك عرض فيه ودفتر صغير تكتبي فيه أهم نقاط الدرس اللي تشرحيها وخليه مفتوح قدامك عادي عشان تتذكرين وقلم أو مرسم) لازم تكوني محضره الدرس اللي بتعطيك والدرس اللي قبله تقرأين عنه عشان تراجعينه من البنات..

نبدأ بالشرح (أنا بأكتب لك عامي وانتي احفظيه وطبقيه مع نفسك في البيت عشان تتعودين)

قولي للمديره والمساعده أنا بأشرح كأن قدامي طالبات..(طبعاً في الشرح انتي تسألين وتجاوبين عشان مافي بنات)

السلام عليكم ورحمة الله

كيفكم يا بنات؟ يالله طلعوا مادة التوحيد (مثلاً أو اسم المادة اللي بتشرحيها)

وتكتبين التاريخ والحصه والماده على السبوره (ضرووووووري)

يالله يابنات مين فيكم تقولي وش اخذتم في الدرس السابق؟

هاه أنتي؟

أحسنتي عن توحيد الربوبيه وأكيد كلكم عرفتم وش معنى توحيد الربوبيه وماهي أهميتة في حياة كل إنسان..

طالباتي العزيزات اليوم بإذن الله راح ناخذ درس جديد وأبغاكم أنتم تستنتجون موضوع
الدرس (وتورين المديره اللوحه وكيف البنات عن طريقها يعرفون الموضوع)

يعني درسنا اليوم هو (توحيد الألوهيه) وتكتبين على السبورة الموضوع قدام المديره (لأن هذه نقطه مهمه يشوفون خطك)

ركزوا معي توحيد الألوهيه هو :....................... يعني ........................(تشرحين التعريف)

هاه فهمتم معي؟

طيب أعيد لكم التعريف عشان انتم اللي راح تملّوني وتعيدونه هو : (تعيدالتعريف).........................

يالله من تعيد التعريف؟

أحسنتي بارك الله فيك

طيب يالله مين تعيد كمان؟

ها انتي؟

وتكتبين التعريف عالسبوره..

أحسنتي وفقك الله

وهذا هو درسنا اليوم ..كلكم فاهمين يابنات؟

اللي مو فاهمه تقولي وأعيد لها؟

...طيب الواجب عندكم صفحة.......رقم.....

الحين عندي نشاط وأبغى الكل يشارك (وتورين المديره بطاقات الأسئلة اللي معك والهدايا)

وبكذا انتهى درسنا اليوم و أبغاكم كلكم تراجعون , الحصه الجايه بأسمع لكم ...خلاص؟

(وتورينها أوراق عمل للدرس وتقولين لها تعطينهم في الحصه الجديده يعني الحصه الجايه للبنات تعطينهم أوراق عمل الدرس السابق فهمتي مو في نفس الدرس؟)

( وطول الوقت عرض البور بوينت يكون مفتوح قدامك وتشرحين عليه وإذا حسيتي إنك بتلخبطين فاشرحي بأسلوبك وبعدين وريها العرض وإنه لضيق الوقت ماشرحتي عليه)

((ترى لاتحطين في بالك إن الوقت بس 10 دقايق لأن اختي قالولها كذا وبالعكس طولوا معها لين خلصت شرحها ))

أهم شيء أهم شيء توكلي على الله من قلبك لأن التوفيق من عنده وحده وإحنا بس نقدم الأسباب اللي يلهمنا ربي إياها ... والله يوفقك ويسهل لك اختي ويفتح لك بفتوح العارفين.

**فاعلة خير..** · 01-04-2011, 02:40 AM

اختي سويت لك بطاقات اسئله وورقة عمل بس مو راضيه ترفق معي مدري ليش؟؟

**امrho0of** · 01-04-2011, 01:13 PM

[FONT="Simplified Arabic"[/FONT]والله مادري كيف اشكرك حبيبتي والله ادعي لك من كل قلبي ان الله يوفقك ويرزقك جنات الفردوس الاعلى

**فاعلة خير..** · 01-04-2011, 04:01 PM

هذي اختي بطاقات اسئله سويتها اكتبي فيها الأسئله واطبعيها على ورق إيه فور مقوى من المكتبه وقصيها (وممكن تكتبي في السؤال الثاني مبروك ربحتي جائزة بدون سؤال ) وهذي تشجع البنات..

هنا

[img]http:
//www.rofof.com/dw.png[/img]

**فاعلة خير..** · 01-04-2011, 04:07 PM

وهنا ورقة العمل لنفس الدرس اللي بتشرحينه اكتبي فيها الموضوع (والأسئله على كيفك اكتبي فراغات أو صح وخطأ أو أختاري الإجابه الصحيحه ...اللي تبغين )
هنا

وبإذن الله تعجبك الأوراق وأي طلب أنا حاضره اختي

ودعواتك لي بأن ربي يفرج كربي وييسير أموري.

**امrho0of** · 02-04-2011, 06:08 PM

مشكورة يافاعلة خير وتعبتك معي انا اليوم داومت وقالوا لي المعلمات ان المديرة تهتم اكثر شي في الوقفة والصوت الجهور ومقدمة الدرس بس وقالوا ماله داعي تسوي عروض وتعبي نفسك وان شاء الله اذا توظفت راح اطلب منك المساعدة ام الحين لاتعبي نفسك وتسوي عروض ومشكورة مرة ثانية لو اشكرك من اليوم لبكرة ماراح اوفي حقك

كل المعلمات لايبخلون علي مساعدتهم عاجل

كل المعلمات لايبخلون علي مساعدتهم عاجل

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق