--------------------------------------------------------------------------------------------------اه يا حبايبي نسيت اقولكوا من خبره اختي هي بتجيب شوز المدرسه هاف بووت عشان الشراب يفضل نظيف من السطح+ كوتشي للمدرسه ---------------------------------------------------------------------------------------------------------------------------------------------------------------

على فكره انا كلمت أور كيدز قالولى ان حاجات المدرسه نزلت و قالولى ان عندهم الشنطه الى ام جورى كانت بتقول عليها الى فيها جراب من الجنب للزمزميه و الزمزميه الى جوا جراب و شخصيات سبيس تون عوزا اروح اشوفهم

مسز عصام وحشاني اوي ..الحمد لله ربنا يوفقك يارب وميرسي علي اهتمامك بموضوع الحضانة
كمان ميرسي لام فري كتيييييييييييييييييييير جداااا بصراحة كانت بترد عليا في اي حاجة كنت بستفسر فيها عن الحضانات

نوجا جوزي سال امبارح في التليفون قالوله ان في حاجات عندهم بس مش كل الشركات وصلت ...فبقول نستني كم يوم كمان عبشان تكون التشكيلة كلها وصلت ولا ايه رايكم .. ولا ممكن تخلص؟؟؟

انا رحت محسن الفيومي وجبت من هناك شوية حاجات زي اقلام وفايلات ( يفضل الفايل يكون بيتفقل ) وشوية رفايع هو عنده كل حاجة وجبت كمان الزمزمية اللي بجراب بس مش عارفة هي دي اللي قصدها عليها ام جوري ولا لا هي الغطا بتاعها بيتشد لفوق عند الشرب وبعدين نضغط عليها تنزل وبس كدة هي ب 27 جنيه ...ياريت لوعندك صورة يا جوجو للزمزمية تحطيها
بالنسبة للشنط في عندهم تشكيلة لحاجات ديزيني زي اللي موجودة في سمير وعلي بس سمير وعلي التشكيلة عنده احلي بكتير والاذواق احسن ..بصراحة ماعجبنيش عنده الشنط وقلت استني اور كيدز

لسه يا نوجا كلمت المدرسه معرفتش اوصل لرد هو فى اى فصل وان شاء الله اللبس هجيبه الاسبوع ده واخلص وبرضه هروح محسن الفيومى والله جوزى قالى امبارح نروح قلتله لا لسه الحاجه مجتش

كوكى طيب الشنط الى فى سمير و على حلوه اجيب منها و لا أور كيدز احسن؟ انا لما سألت فى اور كيدز قالى ان عنده الشنطه و الزمزميه بنفس الشكل و الزمزميه لها مكان فى الشنطه الى فى سمير و على زى كده؟

نشوى انا كمان من امبارح بحاول اكلم المدرسه محدش بيرد عليا !

انتو بتجيبوا الفيلات و الحاجات دى دلوقتى و لا المدرسه بتطلبها مع الطلبات ؟

على فكره يا نشوى الاداره ردت عليا حالا و قالتلى ان مس دينا هى الى مسؤله عن موضوع الفصول فى كاجى بس هى فى اجازه و راجعه الاسبوع الجاى. و قالتلى ان احنا هنجبهم اول يوم و هيرجعوا بالباص
و الله انا خايفه موت من كريم انا مودتهوش حضانه قبل كده ربنا يستر

يا نهار ابيض يا نوجا يعنى دى اول مره يسيبك فيها
ربنا يقويكى انتى معانا فى التجمع صح يبقى ان شاء الله نتقابل اول يوم يا رب نكون فى نفس التوقيت علشان محمد وكريم يتعرفوا على بعض ويلاقى حد يلعب معاه ويصاحبه

انا مش عارفه برضه اجيب من سمير وعلى ولا اور كيدز
لازم نروح نشوف الاتنين ونقارن هو ده الحل
مش بتيجى معانا ليه هناك فى الرغى