كتبت بواسطة معمارية مصرية

جزاك الله خيرا يابوسي على الرد ماتعرفيش مستوى سانت فاتيما اللي في العباسية تعليميا ايه؟ ياريت اي حد عنده فكرة يقولي دي تبقى جنب مكتبي على طول وابقى حليت مشكلة المواصلات

بصى يا حبيبتى واللة انا مقدرش اقولك اوى هى اخبارها اية لانى فعلا الى اعرفة ان سانت فاتيما الحجاز احسنهم لكن ما دام انتى قريبة منها حاولى تشوفى اولياء امور واساليهم بس شوفى اولياء امور كتير علشان تتاكيدى من المستوى وربنا يوفقك

لا غالبا ان شاء الله هايقبلوه انا لما كلمتها قالتلى لا طبعا داحنا بناخد كى جى وان من 5سنين وبحد ادنى 4سنين كاملين انما بنتك ماتنفعش بس ممكن تدخليها بيبي كلاس

بصي انا هاقوللك ايه اللى معجبنيش دا من رايي الشخصي انا وزوجى

اولا سالتهم في جزء معين من القران ملتزمة بيه المدرسة كل سنة انهم يخلصوه؟(نظرا لان مسالة حفظ القران في راينا انها لابد ان لاتهمش في مدرسة تعتبر اسلامية والا لو القران كان اخر حاجة يبئا مش اسمها اسلامية خلاص مدرسة خاصة وبس )

المهم ردت عليا قالتلى لااصلنا مش مدرسة ازهرية عشان نحفظ كويس هو احنا بنحفظ اه لكن البيت عليه العامل الاساسي اكتر من المدرسة والبيت الاهم و و و الى اخره من الكلمات المعلبة طبعا انا عارفة كل دة بس زى ماقلتلك وجهة نظرنا مدرسة اسلامية=اهتمام بالقران اولا وبعدها اهتمام بالاخلاقيات الاسلامية وانا اصلا كنت ناوية لو دخلتها فيها مع انها تعتبر بعيدة عنى شوية ومش قريبة والواحد لما بنتى صغيرة كده بيرجح الاقرب لكن لو مدرسة تستاهل واسعارها معقولة خلاص

بس المهم ياستى حاجة تانية والدتى عملت استخارة وراحت تنقل اخويا الصغير فيها واما اعدت تنتظر هى ووالدى دورهم يقولولهم اتفضلو فوجئو بان المدير اما جه المدرسات البنات بيرحبو بيه ويقولوله يابابا ويلسمو عليه زى والدهم فطبعا صدمو بالموقف وهما اصلا اخويا في مدرسة اسلامية بس حسو ان مستواها التعليمى احسن فراحو يشوفوها لقيو كده فانسحبوا عارفة ليه معجبنيش مع ان ممكن ناس كتير تتغاضى عن الحاجات دى لكن معلش دول هايكونو قدوة لبنتى وانا باعلم بنتى انى مقدرش اسلم على غير محارمى بايدى ولا اكلم غير محارمى فازاى هاعلمها وانا اصلا مدخلاها مدرسة انا في وادى والمدرسة في وادى اخر

واللى سمعته كمان من مصدر غير والدتى خااالص ان المدرسات بيبوسو راس المدير لما يدخل معرفش ان كان الكلام دا صح ولا لا بس خلينى ابعد احسن الجواب بيبان من عنوانه مش هاستنى ادخل جوه واشوف

انا دخلت مدارس ازهرسية خاصة ماشفتش مدرس واقف يكلم مدرسة يهزر معاها اصلا فاعجبت جدا بها انما نظام الخلطبيطة دا مايعجبنيش

وفي الاول وفي الاخر دى مجرد اراء شخصية ممكن حاجة تعجبنى ووحدة شايفة انها مش ميزة وممكن حاجة تعيب المدرسة بالنسبالى انتى تشوفيها مش عيب فانتى اعملى استخارة وشوفي اللى ربنا مقدرهولك هو اللى هايكون

بيبوسوا راس المدير !!!!! يا لهوى ههههههههه امال العيال حيبوسوا ايده على كده،،، معقول ؟؟؟
بس حروح باذن الله و اشوف لما ارجع مصر ،، و هى منارة القاهرة الاولاد جنب بتاعت البنات؟؟؟و لافين
معلش تعبتك يا شذى

كتبت بواسطة SOSO72

بيبوسوا راس المدير !!!!! يا لهوى ههههههههه امال العيال حيبوسوا ايده على كده،،، معقول ؟؟؟
بس حروح باذن الله و اشوف لما ارجع مصر ،، و هى منارة القاهرة الاولاد جنب بتاعت البنات؟؟؟و لافين
معلش تعبتك يا شذى

ههههههههههههههههههههههههه على رايك امال العيال هايعملو ايه!!!

تيجى بالسلامة حبيبة البي وربنا يوفقك للي فيه الخير ياارب

لا حبيبتى ولاتعب ولاحاجة عدى اسالى براحتك لا هى بتاعة البنات منفصلة عن بتاعة الولاد خالص دى مبنى ودى مبنى بس قريبين اوى من بعض بينهم شارع حاجة كده مش فاكرة اوى بس عارفة كويس انهم منفصلين تماما

كنت هاديكى النمرة بس لقيت ان دى بتاعة البنات ابئى خدى النمرة من الدليل اما ترجعى ان شاء الله واعرفي العنوان وروحى شوفي ان ارتحتيلها توكلى على الله

عارفة اخويا الصغير دا في تانية اعدادى مش صغير اوى يعنى دا خلاص كبر يعتبر فلما ولى الامر يشوف المنظر دا يخاف طبعا احسن الموضوع كده مايطمنش على ولد في سن المراهقة

كتبت بواسطة eldorry

صباح الخير يازقزوقة و زقزوق بصى يا ستى الامتحان كل 24 يوم تقريبا وفية كراسة متابعة لكن بالنسبة للسلبيات فهى كالاتى هى حاسيت ان كان فية عدم نظام شوية السنة دية و البصات زحمة والدادت كبار فى السن يعنى قليلى الحركة شوية ومش دايما فية دادة فى الحمام انا عارفة ان المعادلة صعبة لكن زى ما فية نقاط ايجابية فية بردة نقاط سلبية ودول اولادنا عايزين لهم احسن حاجة ربنا يوفقك يا زقزوقة وطمنينى عليك ان شاء اللة

جزاكي الله ألف خير يا eldorry

و ان شاء الله أنا هاحاول أروح أشوفها ، قبل ما أستقر ان شاء الله

ادعيلنا بقى

و ربنا معاكي انتي كمان و يوفقك في اختيار مدرسة كويسة باذن الله

كتبت بواسطة muslium

-- زقزوقه قوليلى هى سرور ديه فين بالظبط؟ أعتقد انها بعيده عنى انا فى الرمايه مش كده؟
-- كمان فى حد سمع عن مدرسة المستقبل تجريبى متميز فى العمرانيه؟
ايه رأيكم فيها و العمرانيه ديه فين بالظبط معلش اصل انا لسه جديده فى الهرم

ازيك يا مسلمة يا حبيبتي

وحشتيني يا قمر

بصي ياستي

سرور دية في محطة التعاون - فيصل

اما المستقبل التجريبية المتميزة فهي تبع مجموعة مدارس المستقبل التجريبية المتميزة ، ودي بتبقى مصاريفها أعلى من التجريبي العادي

حوالي 1500 أو 2000 مش عارفة بالظبط

و أنا أسمع عن مدرسة المستقبل التجريبية المتميزة اللي في مدينة نصر انها كويسة جدا ، لأن فيه واحدة صاحبتي مدخلة أولادها فيها و بتشكر فيها قوي ، لكن بصراحة معرفش بتاعة العمرانية دي نظامها ايه ، بس أعتقد انها زيها لأنهم تبع بعض ، بس متهيألي ان كثافتها عالية عشان المنطقة الموجودة فيها

و للأسف أنا معرفش مكانها فين في العمرانية ، و برده معرفش زيك العمرانية فين أصلا ، لأني زيك لسة جديدة على سكان فيصل و الهرم

كتبت بواسطة أم جورى

يا ريت لو حد يعرف مدرسة سانت كاترين الخاصة يقوللى

أم جوري يا سكر

هي مدرسة سانت كاترين اللي انتي تقصديها دي فين ؟

أنا أسمع عن مدرسة اسمها سانت كاترين لغات بس في شبرا

زقزوقه شكرا يا حبيبتى و جزاكى الله خيرا

كتبت بواسطة possy26

بصى يا حبيبتى واللة انا مقدرش اقولك اوى هى اخبارها اية لانى فعلا الى اعرفة ان سانت فاتيما الحجاز احسنهم لكن ما دام انتى قريبة منها حاولى تشوفى اولياء امور واساليهم بس شوفى اولياء امور كتير علشان تتاكيدى من المستوى وربنا يوفقك

شكرا يابوسي بس خلاص انا صرفت نظر عنها لانها مشتركة على طول

ميرسي يا دوري يا حبيبتي علي الرد وربنا يسهل انا حاروح مدرسة المستقبل التجريبية واسال برده وربنا يقدم اللي فيه الخير