السلام عليكم ورحمه الله وبركاته
كتير بنفرمت الجهاز وبتتحذف معاه كل البرامج
وكتير بندخل على مواقع ومنتديات وبنحفظ الباسورد على المتصفح ومع اول فرمته للهارد كل اللى بيتحفظ بيضيع ونرجع نحاول نفتكر المعلومات
والمواقع اللى بنحفظها فى المفضله
كل حاجه بتضيع لما بنفرمت الجهاز
دلوقتى ومع الفاير فوكس البورتابل مفيش حاجه هتضيع مهما فرمتنا الجهاز هتفضل المفضله كما هى والمواقع اللى تصفحنا كماهى والباسورد والمعلومات ستظل كما هى
ايه معنى فايرفوكس بورتابل؟؟
معناه اننا مش هنسطبه على الجهاز هيشتغل مباشره بدون تسطيب وبالتالى مش هيشغل مساحه على النظام
طيب انا اتكلمت عن فايدته وعن معنى بورتابل ايه الباقى؟؟؟
الباقى اننا نعرف ازاى نستعمله علشان تفضل حاجاتنا موجوده
هتحملوا الملف عباره عن ملف مضغوط
هنفك الضغط هيطلع فولدر اسمه FireFox Portable
هنحفظه فى اى درايف غير درايف النظام يعنى مثلا نحطه على D او Eاو F او .....
ودا مهم جدا علشان لو حصل فرمتته للنظام يكون الفولدر بعيد عن السى
وبعدها
نعمل نسخه من ايقونه البرنامج على الديسك توب علشان نفتحه منها بسهوله
خلاص كدا هتروحوا على الديسك توب هتلاقو ايقونه الفايرفوكس عليه افتحوا منها المواقع
وبكدا نكون حافظنا على معلوماننا وبياناتنا ومواقعنا المفضله من الضياع
واى استفسارات انا فى خدمتكم
الروابط المفضلة