السلام عليكم ورحمة الله وبركاته
بصراحه عندي مشاكل عويصه في جهازي واتمنى انكم تساعدوني
اولها وهي الكارثه اني أول ما أفتح الجهاز مايطلع الاّ سواد وبعد ماتأخذ الشاشه لها كم من كف على راسها تتصدق علي بربع الشاشه وتظهر في الأعلى أو الاسفل وتأبى الاّ بكفوف زياده وكف منا وثاني من هنا وبعد ربع ساعه أو نصف ساعه يهديها الله وترجع طبيعية ولا كأنها سوت شئ
واذا أخذت لها فتره تبدأ ترتعش وكأن عندها شلل رعاشي ومن زود النعومة عندها تقول لاأضغط على لوحة المفاتيح والله احترت معاها تكفون أبغى حل قبل مايطق لي عرق وأكسرها
وثاني مشاكلي مع هل جهاز هو المتصفح الشاطر طبعاً أول ماأطلب اتصال يتصل وما فيه اي مشاكل بس بعد كذا يقعد فتره طويله على بال ما يجي الموقع وأحياناً يتفلسف ويعرض الموقع بالغة التركيه ماأدري وش السر
ولاتسألون عن أعصابي في هذي اللحظه
الله يخليكم ردو علي قبل ما يشيب راسي
ولكم مني دعوة بظهر الغيب
الروابط المفضلة