السلام عليكم ورحمة الله
اخواتي الغاليات يارب تكونوا باحسن حال
كنت عايزة اعمل مشروع صغير فالبيت
وهوه تجهيز الاكل للعزومات والحفلات فالمنزل
بس مش عارفه ياريت تدلوني على الطريقه والاسعار هتكون ازاي
ولكم مني جزيل الشكر
لاني فالامور دي مش بعرف خالص
ودعواتكم معايا ربنا يباركلكم
بانتظار ارائكم
تحياتي

المشروع فى اى دولة لان كل دولة ظروفها تختلف عن الاخرى والطرق تختلف
من مكان لاخر فى طريقة العمل والتقديم والمتطلبات للمشروع ايضا

الله يوفقك وييسر أمورك

أنت في أي بلد ؟

انا في مصر في القاهره تحديدا

طيب حبيبتي لو تتعلمي كروشيه وتنفذي

منها ملابس لو للأطفال كبداية

أو تطريز مفارش هاند ميد

شكرا غاليتي عهد بس انا مليش فالتطريز
انا بفضل الله جيده جدا فالمطبخ وحابه يكون ده مجالي بس مش عارفه ازاي
يعني انا عايزة اعمل اكل للحفلات والعزومات المناسبات
كده
بس معرفش ازاي بتبقى الاسعار ازاي اعرف الناس بيه كده
يعني الجزء الاداري فالمشروع

الله يوفقك غلاتي
اتوقع تسوين طبخات انت
تضبطيها و تذوقيها القرايب والمعارف
وتسوين قائمه بمأكولاتك بسعر معقول
عشان تتقبل الناس اسعارك في البدايه
و ممكن اذا مسموح عندكم تروحين لقاعات
الافراح و تحطين عندهم نسخه من القائمه
برقم خاص بك,,

او عن طريق النت ممكن تسوقين لطبخاتك

الله يرزقك

المشكلة فى مصر ان اكلات الافراح تتنوع اصناف كثيرة ما بين المشويات والخضار
والارز والمحاشى بانواعها واللحوم باشكالها المختلفة
وكل منطقة ولها طريقة فى الافراح

انا رايى فى البيت سيكون صعب بدون ان تعملى اتفاق مع احد ممولى الافراح
شاهدت منذ اسبوع فتاة مصرية اسمها ذهب عملت مشروع اكل فى محل صغير
لكنه ناجح بالنسبة كبيرة والمحل صغير جدا جدا حتى السائحيين يأتون اليها
من كل مكان وبدات بسندويتشات خفيفة ثم انتقلت الى مرحلة الطهى الكامل
الى المشويات والى الخضار وغيرة وهى خريجة تجارة خارجية
ولولا شهرة محلها ماكانت ضيفة فى برنامج مصر النهاردة

المشروع سهل لكن حسب منطقتك وحسب امكانياتك

الله ييسر امرك يارب

حبيبتى انتى هاتعملى المشروع دا بمصر ولا بدول تانية حتى اعرف اساعدك بالأسعار
جاوبينى من فضلك لأنى انا بالكويت