السلام عليكم ورحمة الله وبركاته :
انا عضوة جديدة جاية اسلم عليكم واكتب اول مشاركة لي في هذا المنتدى الرائع وان كنت من متصفحي المنتدى من فترة طويلة ادخل في الموضوع وهو اني من اسبوعين تقريبا رحت مع اختي لمشغل وكانت الكوافيرة فلبينية فقلت اسألها عن شي يكثف الشعر ويكثره فقالت انتم في السعوديه كثير منكم يكون شعرهم خفيف وهذا كله من الموية حقتكم لأنها تكون حاره بالمره وتسبب تساقط في الشعر وتقول انا يوم جيت السعودية كان شعري اكثر من كذا مرتين وكنت ما اقدر امسكه الا بربطه كبيرة مرة (( بس بصراحه ما شاء الله كان كثير و حلو مادري وش كان قبل )) المهم ادخلت معنا الفلبينية الثانية وايدتها بالكلام وقالت انا بعد ما شفت هالنتيجة صرت اعبي البانيو من اول الليل واذا جاء الصبح تروشت فيه لأنه يكون باااارد وما يأثر على الشعر ...(( لكن احس ان هالطريقة بعيده عن شواربنا لأننا ما نحس اننا تنظفنا الا اذا ضرب علينا الدش ضرب ))
المهم ( ما كاني قلتها قبل ) المهم ...... خلاص خلاص ..... قالت انه فيه شامبو اسمه هورس وهو فلبيني استخدموه كثير من الناس وكثر شعرهم وطال وقالت انه يباع بالبطحاء بـ100 ريال بس انه بسرعة يخلص من السوق لكن انا الى الآن ما اشتريته لأن ما عندنا سواق يشتري لي اياه من البطحاء والله انه مشوار
قلت ما لي الا حبيباتي في المنتدى اللي اكيد فيه احد منهم جرب الشامبو حتى تخبرنا عن مدى فاعية هذا المنتج والنتائج التي تحصلت عليها بعد استخدامه .......(قلبت الأخت فصحى تحاول تصير مثقفة )
المهم انه خلصت السالفه وتراي حاوت اختصر لكن كلما جيت احذف شئ لقيت قدامه( المهم ) وانا مادريت ان سالفتي مهمه الى هالدرجة
(..............اللي هذا اوله ينعاف تاليه ضفي عفشك واقلبي وجهك ولا عاد نشوفك مره ثانيه ======> عادي مجرد تهزيئة بسيطة من المشرفات ) sid [/SIZE][/COLOR]
الروابط المفضلة