السلام عليكم ورحمته وبركاتـــــــــــــــــــــــــــــــــــــــــه اخواتي

طالبتكم طلب بسيط وان شاء الله القى جواب منكم .............

ابي خطوات مكياج بسيط للعيون الواسعة والالوان المناسبه لها

اتمنى تفهمون قصدي وتردووون علي عزيزاتي الله لايحرمني منكم

لاني بصراحه مااتقن مكياج العيون خاصه ف الاعراس وعلى فكره ابي خطوات تركز على مكياج العيون ومع الروج الخفيف هذا يعجبني


ان شاء الله القى ردوووود تفرحني وتنفعني ومابقصر بالدعوات لكم

أنا ماعندي الخبرة الكافية لللإجابة عليك
لكن ....
أنصحك أنك تضعين كحل كامل يعني على العين كلها
وهذي النصيحة من خلال مشاهدتي

أتمنى أني أفدتك

تحياتي ...

هلا اختي 00
في عيون واسعة عادية وفي اخرى جاحضة00
بالنسبة للعيون الواسعة العادية 00
بالنسبة للسهرات ممكن تعملي السموكي وهو من اجمل الرسمات لجميع اشكال العيون ومن اسهل الرسمات 00
اول شي ضعي الكونسيلر وفوقه البودرة الشفافة 00
جيبي كحل اسود غامق او ظل اسود غامق وضعيه على الجفن المتحرك بزاسطة فرشاة مبللة قليلا بالماء 00
ابتعدي قليلا عن الغدة الدمعية اي الزاوية الداخلية للعين 00
ثم دمجي اللون بواسطة الفرشاة الى ان يصل الى بداية الجفن المتحرك 00
ضعى على كامل الجفن المتحرك اللون الاخر مثلا الوردي وحاولي دمجه قليلا مع اللاسود الي وصل لبداية الجفن المتحرك حتى لايكون هنالك خط فاصل بين اللونين00
وضعي اضاءة فضية او لؤلؤية تحت الحاجب مباشرة بعد رسمه وتثبيته00وكذلك ضعي الاضاءة على الغدة الدمعية اي الزاوية الداخلية00
ضعي خط بالفرشاة المشطوفة اسفل الجفن السفلي باللون الاسود ثم ضعي عليه القليل من اللون الوردي 00
وضعي قليل من الجليترالوردي فهو موضة الموسم تحت الجفن السفلي 00
ولاتنسي تكحيل العين بكحل اسود غامق ووضع طبقتين من الماسكرا00
اتمنى افدتك ان شاء الله واي سؤال انا حاضرة 00
وترى التطبيق مرة سهل 00
واذا تبغي رسمة ثانية حاضرة 00

غديـــــــــــــر الشوق شكرا على الرد اختي الغالية وشكرا على التوضيح ماقصرتي وعلى فكره اسمج واااااااااااااايد حلو


منــــــال اشكرج عزيزتي على التوضيح وبصراحة خطواتج سهلة وباين على الطريقة حلوه جدا والالوان بعد مثل اللي افضلها لاني احب اللون الوردي وايد وهو يناسبني جدا........... شكرا غاليتي..........تعبتج وياي وانشالله اجرب الطريقة خطوة بخطوه وتنجح معاي ........



على فكره عيوني وسعها عادي الحمدلله مب



واشكركم مره ثانية والله يرزقكم الجنه اميييييييين يارب

عزيزتى الحب الخالد ترى كنت مثلك ما اعرف احط المكياج باتقان لكن الحين اكتشفت ان اللى يسهل عليك المهمه هى نوع الفرش اللى تستعلميها مع انى كنت استهين فيها بالأول لكنى شريت فرش من ماك وااايد حلوه صج تغريت حطت مكياجى لان الفرش ساعدتني كثير وبعدين عندهم فى ماك شدو اسود اسمه كربون وايد حلو خاصه للطريقه اللى قالت عليها الاخت منال حاليا انا اسويها بسهوله واتمنى انى اكون افدتك ولو بشي بسيط

عزيزتي نوقـــــــــا شكرا على الرد يا الغالية
وعلى فكره افدتيني واااايد لانج ذكرتي اهم خطوه لنجاح مكياج العين وان شاء الله بانتبه لهالخطوه وبغير الفرش وبصراحه انا بس استخدم فرشاتين الاولى اللي هي العصا اللي فوقها مثل القطنه لتوزيع الظل والثانية لنشر الظل ودمجه واتمنى من الاخوات يعرضون لي الفرش الخاصة بامكياج العيون وبكون شاكره لكم جميعا


اشكرج عزيزتي مره ثانية والله يرزقج الفردوس الاعلى يااااااااااااارب


بانتظار ردود اكثر اخواااااتي

كان ودي أني أقدر أنزل الصور عشان أخدمك بس للاسف ماعندي خلفية عن إنزال الصور

لكن الفرش الممتازة تكون مثل فرشاة ( الوان الريشة ) لكن أصغرحجم

أتمنى أن الأخوات ينزلوا الصور وكذلك أني أفدتك


تحياتي ,,,,

غدير الشـــــوق مشكوره اختي جزاج الله خير على الرد وتسلمين

الله يعطيك العافية اختي منال على شرحك لكن عندي سؤالين :

(اول شي ضعي الكونسيلر وفوقه البودرة الشفافة)

وش تقصدين بالبودرة الشفافة.



(جيبي كحل اسود غامق او ظل اسود غامق وضعيه على الجفن المتحرك بزاسطة فرشاة مبللة قليلا بالماء 00
ابتعدي قليلا عن الغدة الدمعية اي الزاوية الداخلية للعين 00
ثم دمجي اللون بواسطة الفرشاة الى ان يصل الى بداية الجفن المتحرك )

ما فهمت ادمج اللون الاسود في البداية مع اي لون.

اشكرك مقدما واعذريني على ازعاجك.

هلاشهلاء البودرة الشفافة من اسمها بودرة شفافة من غير لون بتثبت المكياج وماتغير لون الاساس ولابتبان البشرة باهتة من بعدها 00
وبتلاقيها عند كريولان وهذه اللي استخدمها وعند ماك وممكن عند ميك اب فور ايفر00
واسمها 00
poudre transparente ou invisible

اللون الاسود تدمجيه على الجفن ببعضه يعني توزعيه على الجفن بطبقة او اثنتين اذا احببت الاسود يكون غامق مرة00
واي استفسار حاضرة00