سؤال لبنات الكويت

**ام بطاح** · 16-10-2003, 09:07 PM

السلام عليكم

انا حابه اني اسأل بنات الكويت عن معرض العطور اللي بدا امس فاي وحده اليوم راحت له تقول شنو شرت او شنو حلو من عطور
من دهونات عود وبخور

منو تعرف وين الاقي عطر نورا من اجمل لاني سألت اجمل وقال خالص
وهل وحده منكم شامته اوعندها ابي اعرف شكله

**مس بيوتي** · 17-10-2003, 08:29 AM

هلا وغلا حبيبتي ام بطاح

المعرض اهوا اللي في ارض المعارض بمشرف
والله بيني وبينج كان يعني يمشي حاله مع اني توقعته احلى لان مافي شي غريب عادي
انا شريت دهن عود الصفا وبخور وايد حلو الدهن العود ترى مميز بصراحه

نورا؟ لا والله ياقلبي ما اعرفه ولا شميته..
بس على فكره العطورات التابعه لأجمل اعتقد ما تلقينهم الا عنده اهوا بس واذا ما لقيت تقدرين تروحين فرع ثاني لأجمل اكيد بتلقينه حبيبتي...

وانتي رحتي المعرض والا لا؟؟

على فكره ام بطاح على طاري أجمل... انا اشتري دايما من اجمل بخور وااااااااايد حلو وايد وايد واحبه ما استغنى عنه.. مكتوب عليه عود مبخر علبته ذهبيه وعليه فطين احمر وازرق جربتيه؟
نصيحه جربيه وايد حلو وخصوصا لما تحطيم دهن عود او حتى عطر وتتبخرين فيه يطله ميه ميه

جربيه ياقلبي وشوفي

تحياتي لج غلاتي
سلام

**حبيبة الكويت** · 17-10-2003, 02:13 PM

وعليكم السلام ورحمة الله وبركاته

لا والله مارحت معرض العطور
بالنسبه لعطر نورا والله حلو بس قوي شوي
عادي مربع صغير ومكتوب عليه نوره ولون الغطاء اخضر مربع

**جورى** · 18-10-2003, 05:36 PM

اليوم رفيجتى تقول عنه الشايع منزل اسعاره فى المعرض عن الاسعار العادية 4 دنانيير تقول شرت وايد اغراض وبالاسعار زينه.....

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: سؤال لبنات الكويت

أدوات الموضوع

العرض