المهم ابقولكم السالفه اول وطريقة الحصول على المقادير اربطوه بخيط ماش عجلات
هذا طول الله اعماركن هذا مخلط زيت مع خلطات سريه تخلي شعرك سبيب ويكثره ويطلع اللي مايطلع بالقوه
مقادير الخلطه وانا مسميتها خلطة بارعه السنعه
زيت زيتون الخاص بالشعر مقداركاس
زيت خروع الاصلي مقداركاس
زيت جوزالهند الاصلي مقدار كاس
زيت المحلب الاصلي مقدار نصف كاس
زيت الحبه السودا الاصلي مقدار قليل لانه غالي
زيت سمسم الاصلي مقدار كاس
ذولي اللي ينباعون بالكيلو هاه فهمتن
عسل اصلي مقدار 5ملاعق
كحشت سدر تكبينه على الخلطه
كحشت نعناع يابس وتنسفينه على الخلطه
كحشت شعير محموس ومطحون بعد تكبينه على الخلطه
كحشت محلب مطحون تكبينه على الخلطه
عاد نجي للخلطه السريه وهي البليه وشلون تأخذينها
روحي انتي وبوكم الله يخليه لس لمطعم واطلبوا بروست وهمن عاد يجي معه سلطة ثوم لاتأكلونه غبيه بشنطتك ولا من شاف ولامن دري وروحي حطيها على خلطتك ورجيها ورجيها ورجيهــــــــــــــــــــــا وهمن رجيها لمين تدوخ وحطيه في مكان دافي خليه يومين عشان تخمر بس اخاف يسكرن القميلات ويصيبهن ادمان
وبعدين لاجيتي تلطين راسك بالزيت على هونك دلكيه بشويش ودلكيه لمين يجيك النوم
همن يابعدي لفيه بفوطتن مغطوطه بماء فاتر لفي شعيراتك همن لابردت حطيه ثانيه ولابردت عاد مهب بتله اجدعيه ولفيه بغطاءبلاستك لمده نص ساعه حتى يعرق
همن روحي للحمام لاتنسين تاخذين اهديماتك وادخلي الحمام عاد طولتنه مابقى الا اجي واحممكن
نجـــــــي لنتائــــــــــج عشان بس تطمنون
قسمن بالله انه رااااااائعه ومجرررربه اقولكم عن اللي اخذوها من وجربوها
1- هذي جارتي ام ناصر شعرها منعدم من الشامبو واشهب وناشف واخذت مني تقول ان المدرسات سئلوني وش حاطه بشعرك صاير يتنثر ويلمع لمع والله هذا اللي حاصل
2-اختي استعملته وانهبلت تقول طلع شعري يتنثرررر ويلمع
3- وكثير اللي جربوه يدعولي
4- وانا يامحاسيكم والله انه ممتاز زوجي يشوف اللمعه يقول مزيته شعرك والله ان هذا ماقال
طبعاً وش اللي حادني احلف بس ابي اطمنكم وانامن زمان مستعملته وقلت ماراح اقولكم حتى اشوف نتائجه
الروابط المفضلة