طالبتكم
بس موتفـشلوني



أبغي محل يبيع فساتين سهره جاهزه بالدمام أو الخبر
لأن عنانا زواج بعد الأختبارات ومافي وقت أني أخيط

هلا اختي ....
عزيزتي انا ادلك على الأماكن اللي بتحصلين فيها لكن اسماء محلات والله ما احفظ وبعد الفساتين اللي بتحصلينها بتكون اغلبها عارية يعني تحتاجين تعدلينها عند الخياط ... في الواحه محل تحت وفي واحد فوق بعد وسوق الدمام اذا تبين الخياطين انفسهم يبيعون بعض الفساتين والفاتنه والمحلات اللي تتبع له في سوق الدمام وفي الراشد بتحصلين محلين ثلاثة بس في الدور الثاني .. وهذا اللي اتذكرة الحين .. ان شاء الله استفدتي عزيزتي ..

مشكوره أختي أم أسامه
بس ممكن ادليني وين مكان الخياطين في السوق .

العفو عزيزتي .. الخياطين في سوق الدمام من عند باسكن روبنز هذا الشارع يكون هذا في الزاويه ونتي عاد امشي واختاري وبعد تذكرت مجمع الجمعه اللي في الخبر عنده فساتين تهبببببل بس لا تفوتك ونفس الشي يبيلها تعديل .. والله يعينك ..

ما شاء الله أم أسامه ما قصرت جيت برد بس هي علمتك كل شيء
يعطيك العافية أختي

السلام عليكم
اسمعي حبيبتي فيه محل في فؤاد سنتر اسمه مورني حلو ومسوي تخفيض على بعضها
وفيه ارتبل جبنه بعد بس غالي وفيه بالواحه اسمه الحسن بالدور الثاني
بس هذا الي عجبني ا تمنى اني افدتك

مرحبا اختي
في محل البرت الي بالراشد الدور الثاني هذا حلو موب شين
وفي محل بن ضياء الي بالواحه الدور الارضي
وبعد في الواحه في صفه محلات عبد الغفور امين بالدور الارضي محل للفساتين السهرة
وفي محلات في الجمعه سنتر كثيرة مرة مثل ماقالتلك ام اسامه

عيب الجاهز انه كله نفس الموديل عاري مشكوك وياة شال تدفعين 150 او 1000 في جاهز كله نفس الموديل ومايفرق 000حرام
الخياط اوفر واحلى بمليون مرة بس مثل مافهمت منك انو مافي وقت

في شارع الخياطين بالخبر فساتين خياليه احلا من الجاهز للبيع معروضين على واجهات المحلات واظن شارع الخياطين سهل مايضيع بالسويكت
بس ان شالله اكون افدتك بشى

السلام عليكم ورحمة الله وبركاته

اختي فاطمة انا اعتذر لاني من زمان عن النت وتوني اشوف الموضوع, شوفي ياستي, عندك /

1/ فؤاد سنتر زي ماقالت الاخت بدوري فيه ارتبل بس المشكلة فيه ان كل اهل الشرقيه يشترون منه يعني عادي تروحين المناسبة وتلاقين وحده او ثنتين زيك ,
وفيه محلين اذا دخلتي من البوابة الرئيسية تلاقينهم على اليمين وعلى اليسار على طول , وفيه بعد فوق دار سارا وهذا مخصوص للزي الهندي , وجنبه على طول محل دايما انسى اسمه لكن هو فيه حرف شين <<<<<<<<والله من زين الوصف , وله فرع بعد بالراشد بالدور الثاني اللي حول المصلى .

2/ محل ميموزا رائع بس غويلي وهو امام الجمعة ستي سنتر .

3/ ميسان بالراشد وهو فرع لميموزا لكن الملابس الارخص واللي عليها تخفيض كبير تكون عنده .
والراشد عاد مليان ملابس سهره فيه العبد الواحد وفيه البرت ..............

اتمنى اكون افدتك بمشاركتي .

أم أسامة / دندون / بدوري / viva la fiesta / نبت الوسيم

مشكورين كلكم ماقـصرتـو........
أنـشاء الله أطلع خلال ألأسبوع الجاي وألف على المحلات .

الله يعطيكم العافيه.......