بناااااااااااااااااات لك الله يعافيكم اللي تعرف شي عن الكثيرا تقولي عن طريقتها وكم ساعة توضع على الشعر وكم مرة تنحط في الأسبوع ولكم مني جزيل الشكر،،،،،،،مع العلم اني سألت وحدة من قريباتي وقالت لي عن طريقة واصفتها زميلة لها بالمدرسة وهي الى الآن مابعد استخدمتها،أرجو من كل وحدة منكم جربتها تقولي عنها بالتفصيل وش بعد النتيجة ومرة ثانية أقولكم مشكورين.

ام ديما مافهمت قصدك........الكثيرا

ام ديما تقصد الكثيراء
يقولون انها وايد مفيدة حق الشعر وتنعمه وتطوله
تاخدين كمية تناسب طول شعرج وتسكبين عليها ماي دافئ وتتركيها الى ان تصبح كالجل لينة

وتحطينها على شعرج من 3 الى اربع ساعات وسلامتج

ان استخدمتها مرتين وما استمريت عليها ...لكن شكلي بارجع استخدمها
الشي اللي لاحظته من استخدامها اول مرة كان النعومة...صراحة تنعم
والطريقة اخذتها من المنتدى:
تاخذين مقدار من الكثيرا وتحطينها في ماء دافي لمدة 4-6 ساعات وبعدين تخلطين عليها حمام زيت (احسن شي فاشكول بالثوم) وتحطينها على شعرك بس يكون مغسول ومنشفته بالمنشفة فقط وتخلينه لمدة ساعتين او اكثر بعدين اشطفيه بالماء فقط

البنات تكلمو عن الكثيرا في عدة مواضيع شوفي هذا الموضوع ان شاء الله يفيدك ..http://205.214.72.161/vb/search.php?...der=descending

اختي ام ديما
انا استخدم الكثيرا من 6 شهور تقريبا استعمل طريقتين وهم
1- آخذ كميه قليلة من الكثيراء على حسب طول شعري وانقعه بكوب ماء لمده 4 او 6 ساعات تقريبا وبعدها افرق شعري واحطه على فروة راسي فقط والبس قبعه بلاستيك على راسي واخليه قد مااقدر بس مو اقل من ساعه.

2- هي نفس الطريقة الأولى بس بعد مايجهز الخليط الناتج اضيف له أي نوع من كريمات حمام الزيت إللي عندي واحطه على فروة الراس وضع كريم حمام الزيت على باقي الشعر واغطيه بقبه بلاستك واخليه قد مااقدر بس مو اقل من ساعه.

ملاحظه:
1- لازم تحطين الكثيرا على شعر نظيف يعني غاسلته قبل يوم
2- ولازم تشطفين شعرج بالماء فقط وماتغسلينه بأي نوع من الشامبو بس بالماااااااااااااااااااااااء فقط.
3- في البدايه كنت اسويه مره بالإسبوع وبعدين مره كل إسبوعين.
4- إسبوع الطريقة رقم 1 والإسبوع إللي بعده طريقة رقم 2
وبإذن الله بتستفيدين في ناس يلاحظون النتيجه من اول مره وناس بعد كم إسبوع على حسب طبيعة الشعر نفسه ومدى قابليته للتغير.
وبالتوفيق

اختي .....الكثيرا ..... ممتازه للشعر ولاحظت ان شعري ما صار يتساقط زي اول

وانا احطها بوميه بالليل والصباح اخلطها مع زيت اللوز ... واحطها على شعري

بس افضل شئ للزيت انك تنامين فيه علشان الجذور تكون مرتخيه مع النوم وهذا اللي سمعته

وجربته وفعلا لاحظت فرق ........ اتمنى انك تجربينها وتقولين لنا النتايج ....

الى الأخت الجنرالة في أحد مايعرف الكثيراء هاذي أشهرمن نارعلى علم.





الى غفرانك الله يعطيك العافية وماقصرت.





الأخت saronah
مشكورة على المعلومات ياعيوني.





الى المشرفة أم غانم:شكرا حبيبتي على الرابط اللي حطيتيه وأقولك كفيتي ووفيتي.




الى القنوعة......جزاك الله ألف خيروأقولك قدها وقدود.



صعبة المنال الله يعافيك على المعلومات وأنا قريبتي طريقتها تشبه طريقتك ومشكورة ياعيوني.

حبيبتي أنا لا أعرف الكثيرا
ما تنسين إحنا من أقطار عربية مختلفة لكل منا لهجته
فهل تصفينها لي لعلي أعرفها بالشكل
ومشكورة ياغالية

حبيبتي ارض الأحلام ادخلي في الرابط اللي وضعته ام غانم اواعملي بحث عن الكثيراء .