مرحبا أخواتي الحلوات
ما رح أطول عشان ما تقولون أني أبغى أتعبكن
أولا نبدأ بالشعر
الخلطة مو جديدة قد أنكتبت في المنتدى من قبل بس أنا جربتها وأضفت لها بعض التعديلات
وهي خلطة الحلبة مع زيت عافية أنا أضفت لها نصف كوب محلب وملعقتين قرنفل ناعم وعرشة زيت خروع ( من الصيدلية )
تستخدم 4 مرات في الأسبوع
والله أن شعري صار يهبل بعد ماكان ضعيف خفيف وصار ناعم ولامع
مع العلم أن شعري مو ناعم مرة
الخلطة الثانية للشعر هي قناع يشتخدم مر واحدة في الأسبوع لعلاج الجفاف والتقصف وهي
2/1 حبة أفوكادو ناضجة
2/1 موزة ناضجة جدا
علبة زبادي
صفار بيضتين
تخلط في الخلاط وتوضع على الشعر مو أقل من نصف ساعة وتغسل بالشامبو
وهذي خلطة حنا أنا سويتها وأستفدت منها جدا لأن شعري متشابك ويعذبني في تمشيطه لكن بعد وصفة هالحنا صار سهل التسريح من شعر البنت الي في دعاية صانسلك
والخلطة هي :
كوب حنا + كوب زبادي + نصف كوب سدر + نصف كوب حمام زيت فاشكول ( ويفضل بالعسل ) + صفار بيضة + ملقعة كثيرا ( بعد ماتذوب وتصير مثل الجل ) ضعيها على طول على شعرك
واستخدميها لمدة ثلاثة أيام متواصلة وشوفي النتيجة الحلو بنفسك
آه تعبت خلوني أريح شوي وبعدين أكمل
هالحين أعطيكن غسول للشعر بعد الحمام تغسلين شعرك فيه دائما
وهو غسول البابونج
يعني تغلي قبضة من البابونج في ثلاثة أكواب ماي
ولما تبرد تغسلين فيها شعرك تشقر الشعر وتقويه بعد
ان شاء الله تستفيدون من هالوصفات وتجربونها أهم شي
....... وانتظروا مني وصفات البشرة المجربة
سسسسسسسسسلممممملم
الروابط المفضلة