يابنات أنا ودي اخذ رايكم فيه واحد أحشمه وأقدم له كل ما يبي

ومــــــع ذلك

ما ينفع فيه المعروف ولا يبين فيه

أكيد تسألون وتقولون من هذا ؟؟؟؟

زوجك أوأحد أقاربك ؟

الجواب

هذا واحد مطير عيوني وقاهرني ومضيق صدري sid

ومع ذلك ...... أنا أحبه وأهتم فيه !!!!!!!

شكلي طولت عليكم وشكلكم مليتو.

هـــــــــو باختصار شعري !!!!!!!!

ما عمري صبغته ودائما أزيته والسشوار يمكن مرة في السنة أستخدمه
ومع ذلك دائما خربان ويتساقط بكثثثثثثثثثثثثرة وش رايكم ؟ التساقط شي جديد

انتبهي على طريقة التغذية
انتبهي على اكلك يمكن ما تتغذين عدل
وهناك فيتامين خاص يجب تناوله للمحافظة على صحة الشعر لكني ناسيته
اتذكره واقول لك
انتبهي ايضا على الماء اللي تستحمين فيه لا يكون ساخن جدا
ويمكن ايضا بالوراثة
انتبهي ايضا اذا كنتي دايما مغطية راسك او رابطته طول الوقت( غير لما تكوني خارجه ولابسة الحجاب)
يعني هذا اللي فكرت فيه

انصحك بحمامات الزيت
وخاصه ويللا وفاشكول تراهم اثنينهم حلوين مره للشعر خاصه فاشكول يجيك نوعيات
اختاري المناسب لك وزي ما قالت الاخت التغذيه دورها مهم

ـــــــــــــــــــــــــــــــ

أهلين أختي نور الضحى 00
ماراح أضيف أكثر من اللي قالوه البنات بس أنتبهي إذا ناويه تصبغي ترى يبي يزيد التساقط أكثر وأكثر
وهاذي ترى أزمه معقدتني إلى حد الآن مالقيت لها حل 000

بالفعل اهم شيء التغذيه احيانا يكون الضعف العام هو السبب كمان اعتني به اكثر بحمامات الزيت و جربي استخدمي زيت الحيه صراحه يخليك تحسي كيف يكون الشعر صحي و هو ضد تسلقط الشعر و يعيد نموه

أشكر أخواتي الي قدموا النصائح والمحاولة في الحل .
شكرا يا am-maryoom في الحقيقة أنا أستخدم فيتامين عشان الروماتزم.
وفي المنزل لاأربط شعري كثيرا وأستخدم الماء البارد في غسل الشعر وفي
البرد ماء دافىء, الشي الوحيد هو الأكل مااحب الفواكة ونادرا ماآكل خضار


أختي الفراولة مشكورة وأنا مليت من كثر استخدام حمامات الزيت
خاصة فاشكول بدون نتيجة

أختي أمل أناآخر شي أفكر فيه الصبغة, شعري تالف بدون شي
شلون مع الصبغة!!!!!!!

أم عنود....مشكورة ياأختي بس ياليت تقولين لي عن زيت الحية
أول مرة أسمع فيه؟


أنا جبت خلطة الزيوت الي قريت عنها بالمنتدى وحطيت أمس ربطة الجرجير المطحونة
والكثيرة بعد مع اني سمعت انه لازم الي ياخذها يداوم عليها.

أخواتــــــــــــــــــي مزيدا من النصائح لو سمحتو
للمعلوميه كان بلشتي قصدي شعري طويل وناعم وقوي
ماأدري تأثر مع تكرر الحمل والولادة ولا لا
آسف على الازعاج. وأسأل الله أن يوفقكم لقيام ليلة القدر

هذا زيت يجي داخل قاروره صغيره ببخاخ ( يقطر بالضغط) تضغطين عليه سبع مرات تكفي حق الشعر و هو ينباع في محلات الاعشاب باسم زيت الحيه

نور الضحى انتبهي للتغذيه العلاج من الداخل قبل الخارج

لازم تاخذين اكبر كميه من الفواكه والخضار خصوصا الخس والخيار والتفاح والفجل والجرجير والجزر والثوم والكرنب

انا اقطع الثوم وابلعه مع الروب وبصراحه ما تطلع الريحه (مضمون)

اخلطي الجرجير والثوم ( 2فص ) وقليل ماء وممكن اضافة البقدونس مع نص كوب ماء بالخلاط وصفيه بقطعة قماش لتحصلي على العصير ويسهل عليكي غسله ثم دلكي به شعرك بكميه كافيه واتركيه من ساعه الى ساعه ونص مرتين بالاسبوع وراح يوقف التساقط في الاسبوع الثاني وينبت لك شعر جديد

جربي شامبو اكتيف يوجد بالصيدليه لمنع تساقط الشعر ويوجد ايضا منه منشط وجل ( جربت الشامبو ونفع ) 25 ريال
واستعملي حبوب خميرة البيرة يقوي الشعر والاظافر وللبشرة ايضا( 40ريال

كل هذه الامورمن تجاربي الشخصيه

تحياتي

انا انصحك بزيت الحلبه عليك به انا مثلك شعرى تعبان كلمه تعبان قليله عليه ومثل متقولى لاصبغه ولاا ستشوار الا حاطين حيلنا بهزيوت والحنه ومافى فايده
بس الحين استخدم زيت الحلبه ولاحضت تحسن فيه ويبيله استمرار

أشكر كل من ساهم في الحلول.........
أختي أم العنود زيت الحية هل هو زيت حية ؟(هذا سؤال بايخ)
لكن بما أن الحية محرم أكلها فهل يجوز استخدام زيتها بالادهان
أعتقد انه مايجوز , لكن ان كان أكيد زيت حية أسأل شيخ عنه


التائبة (تاب الله عليك) زيت الحلبة ماله ريحة ؟
وسمعت انه يخشن الشعر صح ولا لا



فنــــــنون الحـــــــلوة
أشكرك على النصيحة , وان شاء الله أجربها.
على فكرة أبي بنتك لولدي, ان كانت طالعة على أمها (الحلوة)


أقول لكل أخت فزت معي

شكرا شكرا شكرا شكرا شكرا شكرا