اتمنى ماتخذلوني

**عذابه** · 15-11-2002, 01:31 AM

لو سمحتو طلبتكم واتمنى انكم ماتردوني

انا أعاني هاي الفتره من الحبوب في الظهر بكثره وما أعرف شو الحل وصراحه ماعندي وقت اكشف نفسي عند اي طبيب فاتمنى انكم اتساعدوني بأسرع وقت
وتسلمووووووووووووون

**غفرانك** · 15-11-2002, 01:44 AM

الحل هو=
تاخدين ديتول وتخلطينه مع ماي وتشطفين ظهرج بعد كل حمام وراح تشوفين الفرق على فكرة تراه مجرب
ملاحظة الديتول السائل مال التنظيف مو الصبون
كنت اعاني من هالمشكلة من قبل والحين الحمد لله مالهم اثر مع ديتوول كل شي يزول هههه خوش دعاية ولا تنسين تدعيلي

**بارعة** · 15-11-2002, 02:17 AM

ان شاالله ما نخذلك اذا عندنا مساعده...بالنسبه للحبوب وحده اعرفها كانت تعاني من نفس المشكله وحطت على الحبوب كريم كيلي الاحمر وماشاالله الحين ظهرها زي الثلج ما في ولا اثر مع انه كان مليان حبوب...وممكن طريقة ثانية تحطين منقوع المرة لان المرة مطهرة.

**الهايــــــــمه** · 15-11-2002, 03:07 AM

تصدقين عزيزتي
حتى انا عندي نفس المشكله وراجعت اخصائيه جلديه
ومكانك سر
لا واللي يقهر ان بكتفي مثلها
واللي بضهري لو احكها تاكلني
اجل وشلون احط ديتول
بالله حلوها لنا

**أم غانم** · 15-11-2002, 10:36 AM

شوفي اختى عذابه ...تعرفين المره تحصلينها عند العطار ..تضعي القليل تقريبا ملعقتين كبار منها داخل زجاجة ماء صغيره واضيفها لها فنجان ماء الورد ورجيها وتركيها يومين وبعدين استعمليها ....جيبي قطنه وامسحي بها مكان الحبوب واتركيها حتى تنشف استعمليها 3 مرات باليوم .. اختى عندها نفس المشكله وعملتها لها ...والحين احسن من قبل بكثييييييييييييير ...

**بنت بلدها** · 15-11-2002, 02:01 PM

ما قصرو البنات

صج اللهم بارك

كفو وفو

أي شيء ثاني ولا يهمك

تسلمممممين

**عذابه** · 15-11-2002, 02:41 PM

مشكوووورين خواتي وماقصرتو أخت غفرانه وبارعه وهيمانه وأم غانم وبنت بلدها والله الللسان عاجزن عن جكركن
وأن شاء الله بجرب كل الي قلتو وان شاء الله يجيب نتيجه

**عذابه** · 15-11-2002, 02:43 PM

اخت هيمانه يوم اتحطين شي واتحسين بالحرقان اوقفي جدام المكيف (خلي ظهرك امجابل الكيف) أو مكان بارد اخف الحرقان

**الهايــــــــمه** · 15-11-2002, 10:04 PM

مشكووووين ام غانم وعذابه
وجزاكم الله الف خييييييير

**دارينو الحلوة** · 16-11-2002, 01:17 AM

والله صادقات البنات انا جربت منقوع المرة رهيب حق تقشير الحبوب
والديتول بعد حلو سواء هو والا صابونه
لما تتسبحين وتخلصين خففيه بماي وحطيه اخر شي على جسمج رهيب تراه
وبعد انا سمعت عن كريم ريتن Aبس لازم دكتور يشرف عليه
وعلى فكره اعرف صديقه اختي تعالج عند دكتور جلديه يعطيها حبوب تطلع كل الدهون اللي بجسمهااااااااا ويفرزهاا برااااااا
اي خدمه تامرين
دارينوو

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: اتمنى ماتخذلوني

أدوات الموضوع

العرض