اريد الصفحه التاليه

الحمد لله ان فكرتي اعجبتك وايضا من بعض الهدايا اكسسوارات لجواله مثل الكرسي اللي يوضع عليه بدال ماهو مرمي وايضا اكسسوار يثبت في السياره يوضع فيه الجوال قريب منه بدال مايقعد يدوره وينشغل ولا يالله يطلعه من جيبه



ايضا تحفه فخمه مكتوب عليها شعر او كلام معبر




ومره اهديتله سلسله تعلق على المرايه الاماميه في السياره من الكروم (مايصدا ابدا) ومكتوب عليها اسمه وحرفي

وطبعا كل هذا بمساعدة اخوي حتى الثوب التفصيل سرقتله ثوب زوجي اللي يحبه ومقاسه صح وخليت اخوي يفصله من الاقمشه الجديده عاد هم رجال ويعرفون لبعض والله مايلبس الا هالثوبين اللي فصلتها له اعجبته مرررررررره

واسفه طولت عليك وشكرا

يابنات ايش رايكم في النظارة الشمسية ,انا مفكرة اخذ له نظارة شمسية او جوال والله العالم اني ابختار النظارة لانها ارخص,مين منكم تعرف ماركات جديدة وحلوة.

ايمان علي :فيه تشابه بين زوجي وزوجك بشكل غريب ,العطورات تسبب له حساسية الساعات نفس المشكلة,الاجهزة الالكترونية متوفرة .
جتني فكرة في هذي اللحظة الطابعة قديمة وابيض واسود لو اشتري له وحدة جديدة ملونة,وبكون انا المستفيدة ,اذا طبعت الكيكات بالصور تفتح نفسي (كيد النساء)

نعال هههههههههههه والله شي كيف ضبطي مقاسه

الله يسعدكم مدري ازواجكم شايلن هم الهدايا مثلكم ولا في اسبع نومه

بالتوفيق ياحلى حبوبات

بريتي اشكرج عزيزتي عالافكار الحلوه
شهلاء فكررررررتج رووووووووووووعه والله ما جات في بالي النظاره الشمسيه حتى هو ما غير نظارته من سنه صج انج خطيررررره ويلادورلي على ماركه بس رخيصه
نواعس دامعه مسكين كل عيد يعطيني 500 ريال ودايما يوقلي ابي اخذ لج هديه بس اخاف ما تعجبج ومره بس جابلي طقم ذهب
تدرين كل ما اشوف نعالته (كرمكم الله ) عشان اشوف المقاس ما يبين
بس مره قلتله اخوي شرا نعاله ويبدي يرجعها تبيها قالي كم مقاسه قلتله 9 ونص قالي لا انا مقاسي 10 وما صدقت ثاني يوم رحت واخذت له النعاله ( قصه اخوي تاليف من عندي عشان يقولي كم مقاس رجله )

اهدي له قبله ساخنه من قلب محب ويحمد ربه وخلاص طالما كل شي عنده

فوفو العسل الهديه لها معنى ومكانه ثانيه و الريال يفرح يوم زوجته تهديله الهديه
والهديه مب كل يوم تعطينه الا في المناسبات اما القبل فعادي كل يوم

اشتريله عطر هديه مميزه مرررررررررررررررررررره

انا بعد ابي هدية فكرولي بس انا ماقصرت الافكار اللي قلتوها كلها خذيتها له من قبل والحين فلست افكار

مرة اخذتله قلم ..... وكريستالة تتعلق بسيارته من شواروفسكي (ترى حلللللوة الفكرة ...... جربوها) .... ومرة اخذت له غترة وعطر ..... وساعة غالية اخذتله بعد ..... شنو بقى ؟؟؟ الملابس اخذتله اكثر من مرة ومقاسه صعب مو دايمن القاه ...... شنو بقى ؟؟ موبايل ماينفع لأن موبايله يديد احدث موديل ماينفع يغيره الحين ....


الافكار اللي في بالي الحين يمكن اخذله بوك وميداليته او يمكن افصل له دشداشة بمساعدة الوالد اهوه اللي يعرف حق هالاشياء .. والنظارة الشمسية ماقدر اخذله اخاف ماتطلع حلوة عليه لازم يجربها اول وجذي ماتصير مفاجأة .... والنعال تكرمون مقاس ريلي صعبببببببببب ما اييبون منه Big size والله مرة قعدت ادورله نعال حفيت ولا لقيت افكر بشي ثاني احسن ....

عزيزتي قطوطتي هو ما يحب العطورات وااايد
دانه الكويت ترا فكره النظاره الشمسيه عجبتني وايد شرايج تاخذينله