مرحبا بالجميع... انا عندي مناسبه وشعري مرررررره ناعم وبغيت اسوي فيه تسريحه اللي هي اني الفو كلوا باللفافات ولكنه ميضبط وكمان لو ممكن تعطوني طريقة تخشين الشعر بالرغوة(الموس) والجل ......




.تحياتييييييييي

ياخويتي البنات في المنتدى يدهرون
يدورون الشعر الناعم وانتي دورين الشعر الخشن

على كل حال00انصحك انك تحطين عليه جل
وبعد كذا تلفينه بالمكر الطويل الاسفنجي
وتخلينه ليله قبل المناسبه00
اتمنى اني اكون افدتك00وياليت تجربينها قبلها عشان
تتاكدين من النتايج

تحياتيييييييييييييييييييي

يا ريت شعري كان نفس شعرج أهئ أهئ.. انا اتمنى ان شعري يكون ناعم.. المشكله مموج.. الحمدلله على كل حال..

شوفي اختي المشكله نفسها كانت عند اختي وكانت تستخدم مكر التجعيد والفافات الأسفنجيه لكن
دون جدوى لحد ما استخدمت لفافات القصدير ونجحت معاها وطريقتها تاخذ قطعه من القصدير
وتلفه على شكل شرائط بطول 6سم وتحط جل او موس على الخصله وتلفها وتخليها من الليل مثلاً
الى النهار وتفكها وقت المناسبه الي راح تحضرها اتمنى اني افدتك,,,,,,,,,,

القمرا مشكورررررررررررررررره على النصيحه بس انا جربت المكر اللي بتقوليلي عليه ..
بس النتيجه انو الشعر بيطلع مو مضبوط يعني لولفيتوكلوا من فوق الى تحت الشعر اللي فوق بيتلف بالمره ومابيضبط... وبعدين انا شعري مابينفع لو الجل بس حجرب الموس(الرغوه)..

************************************************** ********

الحمد لله على النعمه Pink_Rose ويا بختك شعرك مموج يعني بيضبط فيه اللفافات ....(وبنقول ما شاء الله عشان لا تقولي حسدوني....هههههههههه ترى امزح....

************************************************** *******
مرسى الصداقه تسلمين يا عيوني على النصيحه وان شاء الله اجرب طريقتك....

************************************************** ***

انا عندي شي بس بصراحه ما جربته لان شعري ما يبيله ........بس استحم يسوي تسريحات عجيبه ...........
صديقتي شعرها ناعم مرررررررررره وما يجعدها لا جل ولا موس وبعدين حطت على شعرها شي ما تتوقعونه .......
تدرون شنو؟؟؟؟؟؟؟؟؟












بيبسي او كولا اوسفن اب المهم انه مشروب غازي

صراحه الله يعينك

أنا نفسك ما يمديني رايحه حفلى ولا سهره إلا راجعه كأنه شعر بوهنود


الحمد لله على كل حال

لكن تم القضاء على ذلك ورتحت
بوضع 2علب سبريه على الشعر حتى تفرغ تمام وذلك بعد الأنتهاء من عمل التسريحه علشان ما تخرب ههههههههههههههههههههههههه


وتسلممممممممممممين

سمعت طريقة 0000



يقولون انها حلوة ومجربة من وحدة 0000



اهى 0000 بعد غسل الشعر بالشامبو 0000 يوضع البلسم وتحاولين تجعدين شعرك بالبلسم00


وبس 000 تخلينة جذى وتطلعين من الحمام000


انا انصحك انك ما تستعملينها دايما000 لانة البلسم مو زين للشعر000
ترى انا مو مجربتها 00000 بس البنات مدحينها00000

شوفي حبيبتي انا انصحج بانج اتحطين foam على شعرج الي اهيه الرغوه اذا ما عرفتي قصدي
وطريقه استعمالها هي انج بعد ما تطلعين من الحمام اتحطينها على شعرج وبعدين حاولي اتحركين شعرج يعني بالعربي انفشيه وعشان اتزيدين الفلافل لفيه باللفافات لمده كافيه وبعدين فجيه وشوفي الفرق .
على فكره انا استعمل ماركه :loreal studio - fx الماركه هذي حلوه وممزوجه بفيتامين للشعر وانا امجربتها شخصيا ولما احطها اتقولين جنه القطو لاعب ابكشتج
القطو بالكويتي يعني هذا الي يقول مياااو مياااو ( خوش ترجمه بس لا تلوموني لان اذا سافرنا عند ناس من جماعتنا بره الكويت يقولون لي شنو يعني قطو )

طريقتي في اللف هي أذوب قليل من السكر في الماء وبعدين أستخدمة في بل الشعر والفه في البنس ويطلع ولا أحلى وعلى فكرة شعري ناعم