السلام عليكم
كيف حالكم انشالله بخير حبيت افيدكم يابنات بشي يمكن حد فيكم سمع فيه والبعض لا المهم بقولكم القصه انا يوم انولدت من بد خواتي امي حطتلي بردي يعني مررته على جسمي كله المهم هالخطوه لازم اتكون قبل الطفل لايكمل الاربعين تعرفون ان شعر جسمي خفيف جدا وبالذات في المناطق الحساسه وماعندي شعر في الابط مع ان امي سوتلي مره وحده بس (عجل لازم تربون في فرنسا او في الشتا) وللعلم في طريقه يمكن معروفه اكثر بعد امي سوتها لي انج تمسحين حليب صدرج على جسم الطفل كله من يوم ماينولد لمده اربعين يوم وباذات حق الوجه
ام في طريقه تخفف الشعر حق الكبار وانا شفت وحده اردنيه تسويها هي وخواتها وانها بعد ماتنزع الشعر تمسح المنطقه بماء البحر هذي الطريقه تقلل وتنعم الشعر وتأخر ظهوره

هلا ((برمايه))..
الله يعطيك العافية..
طيب ماء البحر مايسبب تهيج للبشرة بعد ازالة الشعر ؟؟ لأنه كله املاح ...
والف شكر
تحياتي لك
ام مالك

حبيبتي رمايه انا قريبا بولد
بس ابي اسال لازم استخدام
البرد او اقدر استغني عنه
بثلج عادي يعني انا اسويه
وهل فيه طرق ثانيه للطفل
حتى مايطلع فيه شعر .

هلا رماية .....مشكورة عيوني على هالوصفة ....بس وش تقصدين بالبردي؟؟؟؟
وتحيــــــــــــاتي

مررررحبا رمايه
فعلا شو تقصدين من البردي؟؟ وضحييلنا اكثر
مشكووووووره
بااي

عزيزتي امجوري اعتقد الثلج ماينفع بس جربي تمسحين جسمها بحليب صدرج بالدات اول سبع ايام وامسحيه على جسمها كله بالذات الوجه اما اذا كدرتي تستمرين لين الاريعين استمري افضل
ماء البحر لايسبب تهيج في البشره بالعكس ينفع حق الحبوب وياخر الشعر
واقصد بالبردي البرد يعني الثلج الي ينزل لما السما تمطر

حبايب البردى هو الثلج اللى ينزل من السما بالشتا لما ينزل المطر عليكم وعندنا بالخليج ينزل بس مو دوم

جزاك الله خيرا على هالمعلومة

البرد معروف انك لو فركتي جسم الطفل فيه ماينبت شعر

وحده اعرفها بنتها عمرها سنتين قالوا لها ماينفع لانها كبيره قالت اجرب مو خسرانه

وسبحان الله نفع معها ماطلع لها شعر من بين عائله تقول الزود عندي بالشعر

بس البحر اول مره اسمع فيه يمكن علشان المويه مالحه ؟؟؟

مو يقولون بعد الحلاوه حطي زيت زيتون وملح وليمون نفس الشئ اتوقع