السلام عليكم اخواتى
سأخبركم بخطوات تقومون بها قبل النوم لتصبحون مشرقين وجميلات
ففترة النوم يمكن استغلالها جيدا لننعم بالجمال باذن الله
أولا:عليكى بأخذ حمام دافئ(ليس بشرط ان تغسلى شعرك)وفى هذا الجمام عليكى بالاتى:
1-ان تعملى صنفرة لجسمك(طبعا مش كل يوم)
2-ان تعملى ماسك خفيف لجسمك كله..أنا استخدم صابونه مصنوعة من معادن البحر الميت تباع عندنا فى مصر اسمها(أبو سنبل)راااااااائعة ارغى بها جسمى كله وانتظر لتجف ثم اشطف جسمى فيصبح ناعم ومصقول وصافى اللون
3-ان تدهنى جسمك وهو مبلل بزيت جونسون للأطفال أو جلسرين أو فازلين ثم ينشف بلطف...وأفضله زيت جونسون للأطفال
ثانيا:سخنى شوية زيت من اللى بتستخدميه لشعرك ودلكى به فروة الرأس ولفى شعرك باشارب
ثالثا:سخنى كوب لبن وخذيه فى سريرك
رابعا:هاتى زيت الخروع وادهنى به حواجبك ورموشك
خامسا:هاتى فازلين او جلسرين وادهنى به شفايفك والاماكن الخشنة فى جسمك كاكوعين والركب والكعبين
سادسا:ماتنسيش تدهنى وجهك بكريم ليلى جيد
سابعا:امسكى بكتاب الله لتقراى فيه وانتى تشربين اللبن الدافئ ليكون كلام الله مسك الختام ولا تنسى اذكار قبل النوم التى علمها لنا رسول الله صلى الله عليه وسلم لتنعمى بنوم هاديييييييييييييئ وصحى
وعندما تصبحين من النوم بعد ان تقولى اذكار الاستيقاظ الافضل ان تاخذى حمام تانى لتغسلى شعرك من الزيت وتعملى حمام الكريم بتاعك وتبدأى يوم بجمال وحيوية نشاط
ملحوظة.. طبعا حمام الزيت وغسيل الشعرمش كل يوم عشان شعرك ماينشفش وعشان جوزك مايزهأش من ريحة الزيت
ده اللى بعمله قبل النوم وفعلا باصحى بشرتى ناعمة وجميلة وموردة.... يلا جربوا
الروابط المفضلة