السلام عليكم
انا حامل في الشهور الاولي و عايزه اطلب من كل السيدات القمرات المصريات اسم دكتوره امراض نساء بس تكون شاطرة جدا جدا و مضمونه بس بأمانه و تكون في القاهره
وكمان انا محتاره و محتاجه رأيكم
انا عايزه اروح لدكتوره لكن الكل يعارض
لآن في رأيهم ان الراجل اشطر من الست و خصوصا في الطب
و كمان ان مفيش داعي اني اخاطر بصحتي و صحه الجنين
و مفيش حاجه اسمها كسوف في الطب و العلاج
بس انا خايفه انو يكون حرام اني اروح لدكتور راجل
بس هي دي المشكلة و ارجو منكم الرد علشان انا محتاره قوي
وشكرا جدا جدا

ان شاء الله تقومي بالسلامة ويرزقك الذرية الطيبة الصالحة
للأسف انا مش من مصر بس حبيت اباركلك

بصي يا حبيبتي انا من اسكندريه يا جميل لو انت من اسكندريه انا ممكن اجبلك اسم دكتوره شاطره وبتراعي ربنا وهي اخت ملتزمه بتحضر معانا بعض الدروس الدينيه وعايزه اقلك حاجه في موضوع امراض النسا والولاده بتكون الدكتوره افضل من الرجل لانها انثي وبتبقي حاسه بمشاكلنا وجربتها لاكن الرجل حيعرف ايه عن جسمك غير اللي قراه في الكتب لاكن الدكتوره حتبقي حاسه بيكي وتعرفي تتكلمي معاها براحتك ومن غير كسوف اما من ناحيه الشرع فمادام في دكتوره متوفره بمعني اخر مادام التخصص ده متوفر فيه دكاتره نساء اي تخصص طبي عموما وتروحي انتي لرجل بيكون عليكي ذنب انا سمعت شيخ في شريط الشيخ اسمه محمد حسين يعقوب قال كده يا حبي وكمان توكلي علي الله واستعيني به مادام في فالتخصص ده دكتوره روحي وتجنبي مواضع الشبهات