بليزززز مساعده احد عنده خلفيه عن الجهاز اللي قبل الاستشوار ..

**أكـــابـر** · 06-07-2005, 12:19 AM

السلا م عليككم ....

تكفون يابنت لك الفززعه ودي اشتري الجهازززز اللي احطه على شعري قبل الاستشوارر ...

مدري تعرفونه يجي مثل القبعه ادخل راسي تحته واشغله ويعطي هواء حار ... وبعدين يصير الشعر ناعم ولما اجي استشوور استشوووور على خفيف مرره ..

طبعاً هوو غير جهاز حمام الزيت ..

اللي عنده خلفيه وش احسن نوع الله يجزاكم خير اكتبوه لي ...

**ربى الشمال** · 06-07-2005, 12:54 AM

حياك الله اخت أكابر
انا شغلات الشعر ما أجيبهم الا من عند نزيه
لان أغراضه مره زينه
بس هالجهاز انا ماجبته أفكر اجيبه
وان شاء الله الي جربوا نوع يفيدونا

**أكـــابـر** · 06-07-2005, 12:03 PM

تسلمين ريتاج بس تدرين انا ماودي بواحد غالي لاني بستعمله استعمال شخصي في البيت ..

بس بمر نزيه اليوم اشوف اللي عنده بس ودي اعرف احسن ماركه ..

**ربى الشمال** · 07-07-2005, 01:20 AM

والله اختي ما عندي فكره بس غريبه ماكوووووووووو احد رد
اذا عرفتي خبريني

***غدي*** · 07-07-2005, 06:27 AM

بسم الله الرحمن الرحيم
السلام عليكم ورحمة الله وبركاته

كيفكم ..؟؟؟

اللي ودي أعرفه ( نزيه ) هذا من ..؟؟؟

وبعدين اللي ترعف محل في مكة تقولي أنا بعد ...

والاّ ترى باقعد أصيح ...

وأبكي ..
حتى تعصرون ثيابكم عصر من كثر دموعي ...

و السلام عليكم ورحمة الله وبركاته

.

**أكـــابـر** · 13-07-2005, 12:20 PM

هلا غدي والله ياقلبي مااعرف بمكه
اما نزيه هذا محل يبيع كل منتجات الشعر والصالونات اي شي تبيه تلقينه عنده ...

ريتاج خلاص شريت امس واحد من محل كوهجي مدري كهوجي رحت لنزيه ولقيت حقه مهوب زين الحراره مرره ضعيفه
خذت واحد من كوهجي هذا ب 350 من سوق الجمله وقال لي يصلح لحمام الزيت بعد ويصلح مجفف ....

بجربه اليوم ان شاء الله ..

**أكـــابـر** · 24-07-2005, 02:11 PM

ريتاج جربته واليوم المره الثالثه اجربها فيها

شوفي حلو عجبني انا اصلن من زمان داخل مزاجي مشغل ساس دام يسوون شعري فيه

الفف شعري برولات كبيره بعدين اقعد تحته مدة ربع ساعه نصف ساعه حسب درجة النعومه اللي ابي

ويطلع حلو بس عاد مهوب ناعم مره زي الاستشوار لا بس عجبني يطلع ملفف ..

**apeel** · 24-07-2005, 02:40 PM

السلام عليكم ورحمة الله وبركاته
عندي سؤال اخت أكابر

هذا الجهاز أول مرة أسمع فية هل هو يغني عن الإستشوار

ولايأثر على الشعر يعني أقصد التقصف
ماأبي أخرب شعري الإستشوار هبل فيني وفي شعري

**محبة القرآن** · 25-07-2005, 12:55 AM

هلا كبووورة...

والله أنك خطيره...
بس تعرفين عاد...شغله أقعد ألفه برولات...وبعدين أجلس نص ساعه ..وبعدين أرجع أسشور ...شغللللللله...!!!!

بس والله 350 حلو السعر مره...

لما أحتاجه بأجي أخذه منك ...ويسير قطيه بينا...

**أكـــابـر** · 25-07-2005, 08:32 PM

هلا عزيزتي شوفي اذا تبين شعرك سايح مره لا مايغني عن الاستشوار بس اذا تبينه ناعم مع لفلفه روعه يسويه لك

محبه هو شغله بس من بغى الدح ماقال اح

بس مهوب شرط استشوره لما افكه يصير الشعر ملفف وحلووووووو

بالسبه لفكرتك حلوه بس مافيش حاجه بلاش باجررره عليك

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: بليزززز مساعده احد عنده خلفيه عن الجهاز اللي قبل الاستشوار ..

أدوات الموضوع

العرض