السلام عليكم ورحمة الله وبركاته ......... كيف حالكم يا أخواتي العزيزات ؟
بس بغيت أستشيركم في موضوع بصراحة أهو وايد مهم بالنسبة لي ... والموضوع أهو :
أنا عرسي قريب .... ولما رحت أخيط ثياب العرس ( خيط عشر قطع فقط ) وهم كالتالي : وحده مغربية ... وحده شيفون ... ثنتين ويل ... وخمس قطع قطن أصلي ... وحده مادري كيف شكلها جاي .... المديلات صحيح خفيفة لكن حلوه وأختي قالت لي شي إللي ترتاحي له فصليه .... المهم أنا وافقتها الرأي ... والعبايات بعد نفس الشي تفصيله خفيفه وبصراحة أنا حبيتها .... لما رجعت البيت إتصلت بي أختي الثانية وسألتني عن الثياب والعبايات وكيف خيطهم ... وسمعوا شوه قالت إنتي ليش ما طلبتي المديلات ثقيلة وإنتي ليش ما طلبتي مديل حلو للمغربية تعالي شوفي البنات كيف أثوابهم تعالي شوفي بنت جارتنا كيف مفصله المغربية ( تكشيطة مغربية ) وكيف العبايات فصلتنهم قلت لها وحده من نوع صالونة والثانية خام سعودي قالت لي ليش تفصلي صالونة ... إلخ
باليوم الثاني إتصلت بي صديقتي وبعد عرسها قريب وتستعد له مثلي وسألتني عن الأثواب المهم خبرتها ... قالت لي أنا كل أثوابي فصلتها من الغالي كله غالي ما فصلت شي رخيص ... المهم لما سألتها عن الذهب قالت ما مشتريه وايد ذهب تصدقوا إنها حسرت مهرها كله في المكياج والثياب والإكسسوارات والنعل ... ونست الذهب ... على فكرة أنا ما فصلت ثياب وايده عشان الذهب
بس أبيكم تقارنوا بيني وبين صديقتي صح إللي أنا سويه ولا غلطانه فيه ؟
الروابط المفضلة