مرحبا كيفك دريم ويب شو اخبارك ان شاء اللة بخير
اولا: ما ادايقي نفسك ليش كل هاد الحزن
الموجود بطريقة كتابتك يا عمري المسألة سهلة وبسيطة ومش محتاجة انك تاخدي الموضوع
علي اعصابك كل هالقد ....
بالنسبة لمشكلتك الاولي: وهي وجود مناطق غامقة بالجسم
فياريت تعملي سيرش (بحث) في هذا النتدي وراح تلاقي طرق رائعة ومختلفة لتبيض الجسم وتوحيد لونة ولو ما اتوفقتي قوليلي وراح انقلك عدة خلطات رائعة بس يمكن مكوناتها زحمة شوي وانتي طلبتي شي سهل بس لو بدك اياهم من عيوني احكيلي وراح انزلهم كرمالك.
ثانيا:موضوع وزنك الزائد شوفي عمري المطلوب انك تعملي ريجيم
وتستمري علية ويستحسن يكون مع دكتورة علشان ما يكون غلط ويأثر عليكي سلبيا ولو ما قدرتي انك تعملي او ما تشجعتي للفكرة فعادي عمرة السمنة مش عيب بس يا ريت تعملي ستوب وحاولي ماتزيدي اكتر من هيك .
وعلي فكرة بنت خالتي ماشاء اللة عليها كلبوزة يعني جسمها مليان تقريبا متل وزنك بس ماشاء اللة عليها بتهتم بحالها كتير وبمظهرها وماشاء اللة عليها كل الي يشوفها يقول عنها امورة يعني الجسم المليان مش عيب بس لازم تهتمي بحالك وما تهملي بمظهرك وحاولي تلبسي الالوان الغامقة مشان تعطي جسمك شكل اقل وقللي من لبس الموديلات الي فيها كشكشة او كاروهات لأنها بتعرض الجسم .
اما بالنسبة لأخوانك الي ينادوكي الدبة عادي عمري ماتزعلي ولا تحطي في بالك
انا اخواني بينادوني الدبة مع اني وزني 54 كيلو بس وطولي 160 بس عادي انا مابزعل
بين الاخوات دايما بيكون في اللقاب وتثقيل دم اي واللة صدقيني عادي.
بس انتي لازم يكون عندك ثقة بالنفس.
ثالثا: وهي مشكلة عدم وضع المكياج شوفي يا عمري البنت دايما بتتميز بالجمال والنعومة والرقة فأنتي حاولي انك تتعلمي كيف تحطي ميك اب خفيف متل الكحل والمسكرا و شوية بودرة (روجاجو)
علي الخدود و gloss علي الشفايف راح تكوني امورة كتير ورقيقة وهاد راح يعطيكي لمسة اونثاوية رقيقة جدا
ويا عمري بالفعل اطلعي عالبنات وكيف بيهتمو بحالهم متل قريبتك واجعلي هاد الشي يعطيكي قوة ارادة من انك تغيري من نفسك ومن مظهرك لللأحسن .
وما تعقدي حالك عمري وخلي عندك ثقة بنفسك اولا واخيرا.
واشتريلك شوية ملابس جديدة تكون شيك وعلي الموضة وبناتية انتي بعدك صغيرة عمري فماتعقدي حالك وما تخلي الناس يتغلبو عليكي ويأثرو علي نفسيتك خليكي اذكي واقوي من الجميع واستعيني باللة .
واة صحيح كنت راح انسي العبي رياضة وكتري من الرياضات الي تشد البطن وتقلل من ترهلات الجسم.
وانا اسفة عمري طولت عليكي بالحكي كتير
بس يا رب دايما اسمع عنك سمع الخير وانا بأنتظار اخر اخبارك
ويا رب اكون افدتك
تقبلي تحياتي:اختك ميسون
الروابط المفضلة