السلام عليكم ورحمة الله وبركاته ...

خواتي ...

انا بشرتي كانت ناعمه وزينه ...بس من لقافتي وطفاقتي و خبالي رحت للصالون و ....

شلت شعر وجهي .......

يوم رديت وقلت لرفيجتي قالت لي ورده لييييييش شلتي شعر وجهج ؟؟؟

قلت لها ليش شفيها ؟؟ ..ردت علي وقالت تطلع لج حبووب في وجهج ...

انا خفت و قلت لا ان شاء الله ما تطلع ..وبعد يومين طلعت لي الحبوب بس خفيفه ...

والله اني اعض ايدي من الندم .. sid ..

بشرتي كانت ولا احلى ما فيها شي وصافيه بس خربت ...

سؤالي هو منو شالت شعر وجهها ؟؟ تقول لي اذا الحبوب تروح والا لأ ....

وانا كتبت الموضوع بعد علشان احذركم لا تغلطون نفس غلطتي ...

وخوااتي اتمنى انكم تردون علي ...

اختكم المقهوره والحزينه وررردة ....

لاتشكيلي ابكيلك لانها كانت غلطت عمري من اول ماتزوجت قبل سنة ونص والى الان وانا اعاني من اثارها
بس كمان انا مااتوب اعيد الكره مره ثانيه اذا شعر وجهك خفيف لاتعيديها مرة ثانيه
لان كل مرة تكبر المساحه وتكثر الحبوب

هلا والله بخزامى ...

انا توني سامعه خبر حلوووووو بس ان شاء الله صح ..قالت لي رفيجتي انه الحبوب تروح بعد فتره ..

انا مره وحده وآخر مره ..توووووووووبه بعدها ... شلوون بعد تشيلينها ؟

لا احسن شي تصبغينها يقولون ما تبين ..

ومشكووره يا قلبي على المرور والرد ..

وعليكم السلام ورحمة الله وبركاته

انا بشيل شعر وجهي كل شهرين واكثر شي اذا طولت مرة كل ست اشهر

انا شعر وجه ناعم وخفيف لكنه كثير ويضايق زوجي فلازم اشيلهه واوقات الشعر الخفيف فوق الشقاه اشيلة كل شهر او 3

اسابيع كل ماطلع وماشاء الله ماتطلع لي ولا حبة

هو اهم شي الطريقة اللي بتشيلي فيها الشعر الفتلة كويسة لكن من النادر ماتلاقي احد يسويها ممتازة وبخفة

بعض الكوفيرات بتعملك الفتلة ويومين ثلاثة والشعر طالع خشن لانها ماشالته من جذورده سار كانه محلوق حلاقة

انا افضل شي بالنسبة لي الشمع وبسس مااشيل باي شي غيره لانه في اناواع من الشمع بتكون مضافه لها اعشاب بحرية

وانواع مرطبات فتفيد البشرة والشمع مابيشد البشرة زي الحلاوة فمايجعلها تترهل

واهم شي النظافة لازم تتاكدي بنفسك من نظافة المحل ونظافة الشمع ومكينته الخاصة وماتسستخدم نفس الشمع اكثر من وحدة

وانها تفرد الشمع بادة خشبية خاصة مو بيدها هذا اهم شي لان طبيعة اليد تلقط الجراثيم

وبعد ماتعملك الشمع خلي الكوافيرة تعملك الماسك على طول لانه حيكون في وقت لين ماترجعي البيت وتعملي الماسك

اطلبي منها تعملك على الاقل ماسك ماء الورد والنشاء وفي قناع عن كاريتا للبشرة الحساسة يوضع بعد الشمع بيخلي البشرة

ناعمة ويمنع عنها الالتهابات والحبوب

ولو قمت بهذي الخطوات باذن الله ماتطلع اي حبوب ولو طلعت كم حبة يومين وحتروح على طول باذن الله

الأخت منال كلامك اعطانى أمل لكن أنا مش عارفة ايه الفرق بين الشمع والحلاوة
يا ريت تساعدينى لأنى ما سمعتش عندنا فى مصر عن حد يستخدم الشمع فى إزالة شعر الوجه

يا عمري يا منووووول >> أطيح الميانه على طول

انزين حبيبتي ألحين صار لي جم يوم شايلته وما حطيت الماسك الله ياخذ بليسها ما قالت لي شي ... اذا حطيت الماسك ألحين بيجيب فايده وإلا ماراح يأثر يالغاليه ؟!!

هلا والله بسني إي والله حتى انا ما اعرف الفرق بين الشمع والحلاوه ...

بس اسمع انه فيه ناس يشيلون بالشمع ...

بالنسبة للشمع رح انزل موضوع خاص فيه باذن الله تعالى قريبا

وردة ممكن تستعملي القناع تبع موية الورد والنشاء الان خصوصا لو كنت حاسة ان بشرتك لسا متهيجة

اما اذا الحبوب لساتها موجودة انصحك تحطيلها كريم كيناكومب او فايسودين من الصيدليه رح تخف ومتلتهب عليكِ

اختي وردة
احب انقلك تجربتي يمكنك تفيدك انتي والاخوات
انا دائما كان يطلعلي حبوب بعد الشيل مباشرة بس انا كنت احطلها فيوسيدين فتنشف بسرعه ومؤخرا عرفت وصفه من احدى صديقاتي وهي ( نشا وصفار بيضه) توضع بعد الشيل مباشرة انا جربتها وهي فعلا فعاله جدا لاني حسيت انها ماتطلع حبوب ولو فيه بيكون حبه او اتنين بالكثير .. اتمنى اكون افدت الجميع....وتقبلوا تحياتي..

منال يالغاليه مشكوووووووره وجزااج الله كل خير ...

حلم قلبي مشكووره حبيبتي ويعطييج العافيه على الوصفه وتسلم الانامل

انا اشل كل 3 شهور مرة، بالخيط و عمري ما طلعلي حبوب و لا احمرار و تهيج و شعر وجهي ناعم و خفيف

منال عزيزتي ننتظر موضوعج بفارغ الصبر