سؤال ؟

[اسرار الحياه]

امسي على كل الحلوين المارين على الموضوع

الؤال سبق وان سألته وردت علي ألأخت هند مشكورررره

وهو كيف اصور المشكله الموجوده عندي واعرضها في المنتدى

اهي قالت لي اروووح على Print screen يلي بيكون في اعلى لوحه المفاتيح زين

تم التصوير وقلت لي الصقه فى مكان معين مثل الفوتو شوب او الرسام
بس ماعرفت اي رسام تقصد هل هو البرنامج المعروف او paint الموجود مع البرامج
وبعد مايتم اللصق اشلون انقله للمنتدى (ماكملت لي الشرح )
مثل ماتعرفوني (يبيلي اشوي شغل علشان اتعلم )
رؤوس اقلام ترى ماتفيد فيني (لو سمحتو شرح مفصل لويكون بالصور احسن )
الخبيرات يستعملون هالطريقه

لأني والله يابنات تحدث عندي امور عجيبه وودي اتشوفونها معاي

والشكر الجزيل لكل من يقدم المساعده

اختكم الحزينه (اسرار الحياه)

[leema]

-- أهلين أسرار

الــ paint = الرسّام

بس أوّل قولي لي ... عندك فوتوشوب ؟؟؟

أنتظرك

[اسرار الحياه]

اخت ليما عندي فوتو شوب نزلت البرنامج بس للأسف ماعرف استخدمه
بتفرغ له بعدين لم اكمل التعلم على السويتش (بصراحه احب هالنوع من البرامج)
شفت الأشياء الحلوه يلي يسويها جان اروح انزله عندي
وعندي بعد برنامج اشتريته (يعني مو ملطوووش بفلوسي )
اسمه picture it photo studio
خاص لتعديل الصور و عمل اضافات وبراويز وبطاقات لكل المناسبات وما شابه !!!
بس يختلف عن الفوتو شوب سهل و بسيط (يالله عطينا الحل )
وله بنقعد انسولف عن البرامج (خلك جاهزه بعد فتره نبي معلمه حق الفوتو شوب)

[leema]

-- خلاص ... دام عندك الفوتوشوب ... أكيد أفضل مِن الرسّام

شوفي ...


// أوّل شي .. علشان تصوّري الشّاشة .. بعد تجهيزها... اضغطي زرّ Print Screen مِن لوحة المفاتيح ( زي ما شرحوا لك الأخوات ) _ الله يعطيهم العافية _ ..


// بعدين افتحي الفوتوشوب ...و مِن الشّريط العلوي اضغطي File >>> New .... ( أو اضغطي Ctrl + N ) اختصاراً ... و هذا لفتح حقل عمل جديد ..

// بتطلع لك لوحة ... تطلب منكِ تحديد مقاسات العمل .... اختاري قياسات كبيرة نوعاً ما و اضغطي OK... زي كذا :





// راح يفتح لك حقل فارغ .... ألصقي الشّاشة داخله ... يعني في داخله اضغطي ( Ctrl + V )..


// بتظهر أمامك الآن صورة الشّاشة ....

علشان تقصّي جزء معيّن منها ... استخدمي هذه الأداة من شريط الأدوات عن يسارك .... في تحديد الجزء اللّي تبغيه ..




و بعد التّحديد ... اضغطي على علامة الصحّ الموجودة في الشّريط العلوي عن اليمين علشان يتمّ القصّ :




// و إذا طلعت الشّاشة عند صغيرة ... علشان تشوفيها بوضوح كبّريها بواسطة العدسة :




و علشان تحفظي العمل ....

مِن الشّريط العلوي ... File >>> Save As .... و انتبهي إنّ الحفظ يكون بصيغة Jpg أو Gif


و بسسسسسسسسس ... أي شيء مو واضح ... اسألي

[leema]

أرسلت بداية بواسطة اسرار الحياه
(خلك جاهزه بعد فتره نبي معلمه حق الفوتو شوب)

-- حاااضرين ... أنتِ انوي بس ... و تلاقينا كلّنا هنا معك

بانتظارك

[اسرار الحياه]

مرحبا اخت ليما



التجربه نجحت بالتمام بس اشلون انقل الصوره الى المنتدى
حاولت بكل الطرق بس ماعرفت
جربت ال browse ما صار يمكن الامتداد كبير
جربت التحميل من مكان ثاني بعد ماصار ( وش الحل )

كنت ابيك اتشوفين التصوير بعد الدرس المشرووح من قبلكم




وبعد مايتم اللصق اشلون انقله للمنتدى (ماكملت لي الشرح )

هذا السؤال كان في نهاية الموضوع مشكورررره جدا للمساعده

[leema]

-- أهلين أسرار

وين هالغيبة ؟؟

على البركة نجاح التّجربة

أمّا طريقة الإدراج في المنتدى ...

بعد حفظ الصّورة حمّليها على أيّ موقع ...

راجعي الرّابط التّالي :

http://www.lakii.com/vb/showthread.php?threadid=66432


كم طلع الحجم معك ؟؟

[اسرار الحياه]

ارحب فيك اخت ليما مره ثانيه على التواصل معاي

اختي الحجم هو 710 KB (727,047 bytes)
size on disk 720kb(737-280 byte)

اقول شنو سالفت ها لمعه يلي طالعه
اشلون اتسونها بالفوتو شوب او السويتش
ياريت تعلمونا او تسوووون لنا توقيع اذا ماعليكم كلافه

[leema]

-- 710 ك.ب !!!!!!!!!!

ليش ؟؟!!!

طيّب إيش الامتداد .... متأكّدة إنّك ما حفظتيها على صيغة ملفّ فوتوشوب ؟؟!!

لمّا تحفظيها زي ما شرحت لك من فايل >>> سيف آز ..تأكّدي إنّ الصّيغة Jpg أو Gif ..

و لو خلّيتيها Gif يكون أفضل .. لأن حجمها يكون أقلّ ...

شوفي الصّورة المرفقة .. و تأكّدي إنّك سوّيتي كذا ..

(( الصّورة المرفقة حجمها 10 ك.ب بس ... ؟؟؟!!! ))

*-*-*-*-*-*-*-*-*

[اسرار الحياه]

هلا اختي ليما

بصراحه دار راسي بعد التعب هالموقع حمل لي الصوره لكن شوفي الحجم

حفظت الصوره بصيغة compuseve gif
بس الحجم ظل كما في السابق في حدود 700
بعدين حفظته بصيغة jpeg
صار اشوي اصغر بهذا الحجم 114kb
بصراحه ينني صار لي ازيد من ساعه اشيل وحط
بس قلت يا آنه يا اهو لازم اغلبه

اش رايك

لكن الصوره عجيبه حق العميان