معمول ماقدر أنساه !!! يابنات مكه وجده*&*&*&

[أخت القمر...وبس]

بسم الله الرحمن الرحيم

غالياتي.....

يوم من الأيام كنت عند أختي وجات صديقتها وهي من مكه.... وجابت معاها صحن مليان معمول يجنن ويهبل حتى شكله غريب مو زي المعمول العادي لالالالالا
لكن يشبه في شكله الدونات يعني مدور ومفتوح من الوسط.....

بصراحه طحت فيه اكل حتى الحرمه تطالع فيه مي مصدقه كأني في مجاعه
بس لحد الأن ماقدرت انسى طعمه ولذاذته وشكله ......وقلت لاأختي إسأليها كيف تعمله ؟؟؟

قالت ماعندي إستطاعه أسألها؟؟؟؟ لاإنها ماتعطي وجه !!! وبالذات في الطبخ ماتبغى أحد يسألها..

قلت إمحق من صديقه.
فالله يخليكم إللي تعرف لاتبخل عليه ..
الله يوفقكم ويسعدكم.....

[زري]

سلام حبيبتي ياليت اقدر اساعدك


هل المعمول كان محشي بتمر لو بدون لأن اني عندي مكينة عمل الدونت واعمل فيها مثل الي تقولين عليه بس بدون تمر




يا ليت قدرت افيدك

[أخت القمر...وبس]

ليه كذا ؟؟؟

ولاوحده تعرف معقوووووووووووووووول

زري...يعطيك الف عافيه وشكرا على مشاركتك...

وطبعا المعمول محشي بالتمر....وهو على شكل دونات ...بس مررررررره يجنن..

تحياتي.

[صبا نجد]

اخت القمر

انا معاك انه لذيذ وطعم خيااااااااااااااالي مرررره

تدرين انه فيه منه انواع ** فيه محشي بالتمر في وبنكهة الفانيليا ** وفيه ** بنكهة النسكافيه** يالله النسكافيه مع اني مااطيقها بالحلى الا انها جااايه مع هالمعموووووووول خيييييييييالي بالمره

ونوع ثالث ناسيه والله باايش

بس من جد روعه وهش ؛؛ وانا اعرف من وين ؛؛

هذي ياطويلة العمر مره جاتني وحده للبيت وجايبه معاه صحن المعمول المشكل فكان لذيذ مره فسألتها من وين جيبتيه والا انتي سويتيه >>> بس كنت مستبعده انها تسويه ؛؛ المهم قالت لي هذي وحده تسويه وتبيعه للناس بس ماتبي احد يعرفها ؛؛ انقهرررررت مره منها فقلتها طيب اعطيك الفلوس وانتي جيبه لي ؛؛ رفضت وانتهت الروايه بس الى اليوم ماانسااااااااااااه يالله لذيذ فوق الخيال
بالله اذا عرفتي مين علميني ؛؛ انا قريبه منك؛؛

وسلامتك

[shahdmylife]

مع لأسف ما عندي أي فكرة.

[فشفوشة]

أخت القمر السلام عليكم . أنا بصراحة توي أقرا الموضوع وكأني وكأني توصلت للطريقة خصوصآ بعد الوصف اللي وصفتيه للمعمول . واذا كان هو اللي في بالي فااحنا في الشمال نسميه مبثوث وهو يجي بالتمر ومن فوق مرشوش عليه سكر وطعمو لذيذ وهش . وبالنسبة للطريقة تحتاجين كوب سمن ( سمن أبو شوكة وملعقة ) تذوبينة على النار . وبعدين تجيبين كوب ونصف طحين وتحطينه عليه وتقلبيه جيدآ جيدآ , وادا لقتيه مايع شويه حطي قليل طحين وبعدين خليه يقدح زين يعني يتجانس الخليط مع بعض من غير مايتغير لونه وبعدين انزليه من على النار وخليه يبرد شويه وابدأي بتشكيله , شكليه على حسب الرغبه مثلا خذي قطعه دائريه وحطي التمر جواها وبعدين قفليها وافتحيها من الوسط يعني زي الدونات وهكذا حتى نفاذ الكميه . نسيت أقولك بعد ماتخلصيه ادخليه الفرن لمدة ربع الساعة أو أكثر شوي يعني الين مايحمر من فوق بس لا تخليه يحترق وبعد ماتطلعيه بعد مايبرد رشي عليه السكر الناعم وبكذا نكون خلصنا المبثوث .

[shahdmylife]

أسهل طريقة باشوفها لعمل المعمول..
أنا بكره عمل المعمول لأنه بيغلب..بس حجرب طريقتك يا فشفوشة

[فشفوشة]

أهلين ياشعلة المطبخ سويها وانشاءالله ماحتندمي لأنه هذي ماهي طريقتي طريقة الوالدة الله يحفظها ودايمآ كل عيد تسويها لنا . وبالهناء والعافية .

[البلوره]

اهلين اخت القمر
اعرف وحده تسوي نفس المعمول اللي انتي وصفتيه بالشكل وطعمه صراحه ياخذ العقل ماذقت مثله بس انها تبيعه اذا تحبين أعطيك معلومات أكثر...

[صبا نجد]

البلوره ؛؛ وينك انا ابي ؛؛ بس للاسف انتي بالرياض وحنا بالغربيه مشوار

بس هاتي يمكن نوصي احد من أهلنا