بنات واللي يعافيكم لاتطنشوني

[عسولة المنتدى]

السلام عليكم

ودي أعرف الفرق بين حبة البركة والحبة الحلوة ؟؟؟؟؟؟؟؟؟؟؟؟؟؟؟

[ام احمد4]

من صجك ..فى فرق وايد ..الحبة الحلوة لونهاعلى اخضر مايل للاصفر وشكلها بالتقريب مثل الشعير بس صغير..اما حبة البركة فلونها اسود وحبتها مثل السمسم ويستعمل فوق المعجنات

[عسولة المنتدى]

مشكورة أم أحمد بس الحبة الحلوة إنت تقصدين الينسون ماأعتقد أهو ؟؟؟ لأن في وحدة كاتبة من ضمن الوصفات والمحتويات (ينسون + حبة حلوة) معناته هذي غير والثانية غير ؟؟ ياريت تخبريني لو عندج فكرة أكثر

[ام احمد4]

العفو حياج الله ..شوفى حبيبتى الظاهر غلطت بالكتابة وكانت تقصد ينسون +حبة البركة مافى تفسير ثانى
متأكده ان حبة الحلوة هى نفسها اليانسون ...عالعموم ممكن تحطين الاثنين كلهم بهارات للحلويات والمعجنات او تستغنين عن واحد منهم ماأعتقد فى فرق .

[شمس]

الحبة الحلوة هي الكمون

[عسولة المنتدى]

مشكورين حبايبي والله إنكم عسل ... وجزاكم الله خير ... بصراحة ياشمس أتوقع إنه كمون .. لأن شكل الكمون بنفس شكل اليانسون بس على أصغر شوي

[وعود الخير]

حبيبتي ما عاش اللي يفشلج
حبة البركة هي الحبة السوداء أو القزحة ولونها أسود ، أما الحبة الحلوة فهي بالتأكيد اليانسون
وهو ما نستعمله مع الحلويات وكعك العيد.
والكمون مختلف تماما .. ويتخدم للبهارات وخاصة مع تتبيلة السمك.

[زري]

لا حبيباتي اليانسون غير الحلوة

الحلوة الي يخلونه في التمر مع السمسم هذا الحلوة يشبه شكله الكمون بس الطعم غير ويستعملونه في المطاعم بعد اكل المشويات لتعطير الفم


اما الينسون مثل الحلوة بس حبيباته اصغر ويشترونه من الحواج ( مكان بيع الأدوية الشعبية )

[شمس]

الحبة الحلوة هي الكمون

عذراً انا كان قصدي الشمر


وفي هذا الرابط صورتها

http://www.khayma.com/hawaj/herbpic/Main.html

[عسولة المنتدى]

مشكورين وماقصرت أجمعين ... ياأحلى بنات في المنتدى

وشكرا ياشمس على الاهتمام والصور ... تدرين شفت الرابط بس حاطين الحبة الحلوة بروح والشمر بروح معناته الشمر غير عن الحبة الحلوة .. صح ؟؟؟؟