السلام عليكم ورحمة الله وبركاتة

أحبكم فى الله

بصو حبيباتى كنت فى رمضان عملت شعرى صبغة وأضاف لى أكسجين بكثرة بدون علمي ويومها وقع كمية مش قليلة من شعرى
وبعدها أهتميت بية وأستخدمت شامبو لتساقط الشعر والقشرة وقصيت جزء منة وبدأت أستخدم سيرم تريس وعملت تحليل أنيميا لأنى قبل رمضان كنت عملت جراحة والهومجلوبين 11 وباخد فيتامينات عامه لتقوية الجسم والدم وفيتامينات للشعر دلوقتى بلاحظ ان أطراف شعرى وجزء من قبل الاطراف جاف وخفيف ولما بسرح شعرى خصوصا وهو مبلول بحس أنة الحمد لله مش بيقع بكثرة لكن ممكن خصلة تقع من الشعر بطوله يعنى بحسها من الجزور خصوصا كلما اقتربت من فروة الرأس

هل هذا طبيعى ولالا؟؟
وأعالج التساقط دة ازاى ؟
وأعالج الجفاف ازاى للشعر ؟؟

للعلم
بستخدم لشعرى شامبو هيد أند شولدرز للتساقط والقشرة وبلسم وأحيانا بعمل حمام كريم
باخد كبسولات بانتوجار مقوى للشعر والاظافر دة تانى شهر ليا
فيتامين عام فيتامكس او فيتو بلس دة برضو يعتبر تانى شهر


ياريت تساعدونى

دعواتكم لى براحة البال الذرية الصالحة