أحلى أخوات فى أجمل منتدى يارب تكونوا جميعاً بألف خير وعافيه
قدمت من قبل ملف تعليمى لعمل التورتات وده اللينك الخاص به
اتمنى انه يكون عجبكم وحاز على رضاكم
النهارده قلت أقدم لكم تورتتين عملتهم فى مناسبتين خاصه بأسرتى الصغيرة
الفكرة فيهم مش فى تكنيك الكيك وطريقته لأنى سبق وقدمته فى اللينك اللى حطيته
لكن الفكرة اللى حقدمها النهارده هى التزيين نفسه
اتمنى انها تعجبكم زى ما عجبت أهل بيتى
نبدأ على بركة الله
دى تورتة اعتمدت فى تزيينها على 3 أِشياء
أولاً بتعملى الكيكة بالطريقه اللى تناسبك سواء أسفنجية او جاهزة أو عادية
ده متروك لراحتك وأختيارك
ثانياً نبدأ فى تجهيز الحاجات اللى حنستخدمها للتزيين
بصراحه أنا اشترتها جاهزة وكان لونها أبيض وضعت عليها ملون غذائى بلون أصفر غامق
وفردتها على سكر بودره وقطعتها بقطاعه على شكل دائره وعملت منها ورده
بالشكل ده
وقطعت كمان دوائر صغيرة كده
وعملت أوراق شجر بالشيكولاته وفكرتها سهله بنسيح شيكولاته خام على حمام مائى
ونجيب أوراق شجر نغسلها كويس وندهنها شيكولاته بواسطه الفرشاه هكذا
ونتركها فترة تجمد فى الفريزر وبعدين نشيل ورق الشجر برفق حنلاقى الشيكولاته خدت نفس الشكل أن شاء الله
نجهز الجناش وطريقته سهله جدا
ومكتوبه فى الملف وهى عباره عن
كوب كريمه خفق ( كريمة لبانى )
قالب شيكولاته (200 جرام)
نسخن الكريمه عالنار ولما تغلى نطفئ ونضيف الشيكولاته ونقلب لحد الشيكولاته ما تدوب ونتركها تبرد تماما لصبها عالكيكه
وأخر شئ الفاكهه وطبعا قطعناها قبل التزيين وجهزناها
كل ده تركناه على جنب ونيجى بقى لمرحله تركيب الكيكه
انا عملت كيكه حجم كبير وقسمتها 3 طبقات وبطنت الصينيه ببلاستيك ووضعت طبقه من الكيك
وطبقه من الكريمه المخفوقه مسبقاً
وبعد ما خلصتها قفلتها بالبلاستيك وتركتها 3 ساعات فى التلاجه
خرجت الكيكه وقلبتها وسويت الكريمه وغلفت وجهها وعملت علامة بالشكل ده على سطح الكيكه بطرف السكين
ونضع بلاستيك على نصف الكيكة قبل صب الجناش البارد هكذا
ونتركها ربع ساعه تتصفى ويتوزع الجناش عالنصف وبعدها ننزع البلاستيك برفق
نتركها ساعه فى التلاجه او ممكن ليله كامله وبعدين نزينها
والصور شارحه مراحل التزيين بالترتيب
هنا الوردة ثبتها بخله اسنان ووضعتها بهذا الشكل
وضعت حواليها اوراق الشجر وزينت بالدوائر هكذا
وقفلت جوانب الجزء الأبيض من التورته هكذا
ووضعت فى أخر زاويه قطعه أناناس كامله هكذا
ودى كانت أول تورتة وعاوزة أقول لكم شويه ملحوظات او بمعنى أدق أخطاء
أنا وقعت فيها
]
أولا
لو الجو حر فى مطبخك يبقى الأفضل تبدأى بتزين الفواكهه قبل الورد وورق الشجر
يعنى نخلى الورده والورق أخر مرحله فى التزيين
ثانياً أنا حاولت ألمع الفاكهه بجلاتين فقط لكن مكنش عندى
فاستخدمت جيلى أناناس فطبعا ظهر لونه أصفر عالكريمه ومكنش ظريف ده من وجهه نظرى
وبكدة ننتقل لتانى تورته
[CENTER]الرجاء عدم الرد الموضوع لم يكتمل بعد
شاركونى مناسباتى بأحلى تزيين لتورتاتى من مطبخ نور الهدى بالتفصيل والصور
[
رد مع الاستدلال
كتبت بواسطة ♥أم عبد الله♥
الروابط المفضلة