مربى البيتنجان عشقي الدائم لملف البيتنجان

[&قطرة ندى&]

[/CENTER]

الحمدلله والصلاة والسلام على رسول الله وعلى آله وصحبه أجمعين

اليوم يمكن البعض منكم يساغربمن العنوان مربى البيتنجان معقول

انا بقولكم معقول ولذيذ جدا

مممممممممممممم

بصراحة يومها ما لقيت غير نص كيلو بيتنجان صغير جدا فعملتهم

بتمنى تجربوه لانه بعقد والله

كل كيلو بيتنجان كيلو سكر مقابله

ومنحتاج كلس مدوب بالماء وعصرة حامض وبس

منقمع البيتنجان ومنقشره ومنحطه على جنب

مندوب الكلس ومنتركه شوي على جنب حتى يرقد وناخد ماءه

بس يا ريت تكونوا فهمتوا قصدي

ومنحط مية الكلس على البيتنجان ومنتركه ليلة كاملة والحكمة من هذه العملية بانه رح يكون البيتنجان بعد الطبخ مقرمش ولذيذ

واعذروني ما صورت البيتنجان وهو منقومع بماء الكلس لاني وبكل بساطة نسيت

تاني يوم منصفيه ومنغسله كويس جدا وبعدين منحطه بالطنجرة القدر يعني ومنحط عليه السكر

ومنحطه على النار ممكن تحطي فوقه حوالي ربع كوب ماء مش اكتر لانه رح ينزل ماءه

لما يبتدي يغلي حطي عصرة حامض ووطي النار تحته وسيبيه حوالي ساعة او يمكن اكتر

واتركيه ليبرد وتذوقي الذ مربى اكلتيه في حياتك كلها صدقيني

وهاي صحن لعيونكم

يا رب يكون اعجبكم حبيباتي

يلا ناطرة اشوف ردودكم الحلوة وتطبيقاتكم الاحلى

[لالي لافندر]

مربى البادنجان يممييييييي كانت الوالدة الله يرحمها تعملها

هي فعلا مربى مميزة وطعمها رااائع

عاشت الايادي المعدلة على الوصفة الطيبة

بارك الله فيك

[رمانة الكويت]

صحيح غريب هالمربي بس يمكن يطلع حلوو ..

سؤااال ؟؟ شنو اهو الكلس
تسلم الاياااادي

[الشفاعة]

يييييييييييي و الله شهتيني ياه و ان احامل خخخخخخخ

بموت عليه امي الله يخليلي ياها كانت بسوريا دايما بتعملنا ياه بجنن و مافي اطيب منو هو و مربى التين

ياسلالالالالالالالام الله يعطيكي العافية طالع معك بشهي و بس خليني جيب البيتنجان و على التطبيق فورا

بس صعب شوي بدي وقت خخخخ لانو هون انا بغربة و البيتنجان قليل بس رح دور باذن الله

يسلم الايادي بتتلف بحرير و ادعيلي يظبط معي

[الثمال]

تسلم الايادي

[دموع مـهـ جرــا]

اول مرة اسمع بيه
بس اكيد حلو
الله يخليكي ممكن تقوليلي ايش هو الكلس؟

[كربوجة]

والله من لهجتك عرفتك حلبية
تسلم إيديك بنت بلدي
بس عندي سؤال يلي بعرفو إنه لازم يكون البانجان قد عقدة الإصبع
ولازم نحفره حتى نحشيه جوز وقرنفل
طيب بالغربة ما بجي بانجان صغير كتير بقدر أجيب بانجانة وأقطعها وبعدين
أعملها بنفس الطريقة ولا لأ

[كربوجة]

هلق إنتبهت إنك فلسطينية وبألمانيا
أنا كمان بألمانيا من وين جبتي الكلس وشو إسمو بالألماني
ويسلموووووو حبيبتي

[الطاهرة النقية]

تسلم ايدك ام بيسان
اول مرة اسمع فيه
ان شاء الله اقدر اعمله هههههههه

[امامه العتوم]

الله يسلم هالأيادي أول مره بسمع بمربى الباذنجان
يعطيك العافيه احنا بنعمل المقدوس بكون بالجوز والثوم والشطه

جزاك الله خيرا