انصحوني كيف اتصرف مع جوزي ؟؟؟؟

[أم جود87]

السلام عليكم كيفكم يا بنات ؟

انا حابة استشيركم بموضوع يمكن تقدروا تفيدوني خصوصا
اللي عندها خبرة بالتعامل مع الزوج .. انا لسه متزوجة من كم شهر
وفي كتير امور بتمر علي وما بعرف كيف اديرها واتصرف فيها ...

اولا انا متزوجة على غربة يعني اهلي ببلد وزوجي ببلد
والصراحة الحق يقال زوجي انسان طيب وبيحاول يعمل كل شي
حتى ما احس بالغربة والملل بس مشكلة زوجي انو كتير كتير كتير
بيغار يعني انا خايفة من المستقبل كيف رح تكون حياتنا مع هالغيرة ...

يعني هو ما بيمنعني مثلا من استخدام النت وبيعرف
بس ما بيرضى اسجل بالمنتديات باستثناء منتدى لكِ هو الوحيد
اللي مسموح لانو اتصفحو وشاف انو فعلا محترم وكلو نساء

بس الفيس بوك ممنوع مع اني كنت بتواصل مع صاحباتي
فيه ومع هيك مشان اختصر المشاكل حذفته وريحت راسي ...

وكان دائما بيطلب مني بيقلي احذفي السكايبي بس
يعني ما اجبرني احذفو تركني عراحتي بهالموضوع وانا
السكايبي بستخدمو كمان للتواصل مع صاحباتي وببعت
منو مسجات لأنو ارخص . المهم مبارح بالليل صارتلي قصة
من حظي السيء

انا من النوع اللي ما بخبي أي شي عن زوجي
يعني دائما لاب توبي مفتوح قدامو ومسنجري مفتوح والموبايل
دائما جنبو والحمدلله هو بعمرو ما بيفكر يفتش او يسأل ابدا

فكان مبارح بالليل اللاب توب مفتوح جنبو وانا بالمطبخ
وللأسف نظام السكايبي سخيف جدا ممكن أي شخص يدور
على كل الناس اللي اون لاين ويطلب يتكلم معك بالصوت

ففي واحد لقا اسمي اون لاين (مع انو انا مو ضايفتو)
واتصل فيني يعني بيطلع صوت انو في حدا بيتصل فيني وكان
اسمو أمير ... فهو عصب وقلي تعي شوف أمير بيتصل فيكي !!
انا كانت ردة فعلي عادية قلتلو اه عادي هدول ناس فاضيين
بيتصلوا بأي حدا اون لاين وهو سكت

بس اتحول عالصامت !! يعني من مبارح بالليل
لحد هاللحظة ما حكا ولا كلمة وكل ما اسألو اشبك بيقلي لا
ما في شي مع انو طالعني عالسوق لانو لازم نشتري برداية
للصالون واخترناها ورجعني عالبيت بس كل هاد وهو ما عم
يحكي الا الضروري جدا

انا ما بعرف كيف اتصرف؟؟؟؟؟؟

هل من الصحيح ارجع افتح معو موضوع السكايبي
ولا انساه؟؟ وكيف بدي اخليه يطلع من صمتو انا رح انفجر ما
بتحمل اضل هيك ما في حدا احكي معاه طول اليوم انا هون
لحالي ما بعرف حدا ولا في حدا من أهلي والله رح انفجر
ما بعرف كيف اتصرف شوروا علي وانصحوني

الله يجزيكم الف خير

اختكم سمر

[@ام الخير@]

سكوت زوجك اختي يعني انه محتار

فهو يثق بك وبتفسيرك لطلب امير

وبنفس الوقت يغار عليك ولا يتحمل الموقف الذي حصل

انصحك اختي ان تدخلي بوضع المخفي حتى لا تتعرضي مرة اخرى لهذه السخافة

واخبري زوجك انك ستفعلي هذا لارضائه


وحاولي ان تبتعدي عن كل ما يقبقه

ما دام دخل المنتدى هنا واعجبه وسمح لك بالتسجيل فيه

فانه سيتعرف عليك اكثر وعلى تصرفاتك في اي مكان ويعلم كم تحترمي نفسك وثقته في قدرتك على التعامل مع المواقف الغريبة ستزداد اكثر

فانا لا ارى انه يشك فيك بل لا يحتمل فكرة تعرضك

لما هو سخيف

اصبري عليه وستجدي ما يسرك ان شاء الله

[الحياة حب]

عزيزتي انت لا تزالين عروس و من حقه ان يغار عليك وكلنا تعرضنا لموقف من المواقف التي لا تنتسى في الشهور الاولى من الزواج بسبب الغيرة .. ومع الوقت سوف يتعرف كل واحد منكما على الاخر بشكل جيد و تصيري أنت تعرفي الدي يرضيه و الي ما يرضيه و تجدي نفسك تتجنبي كل ما لا يرضيه...انصحك عزيزتي بالتقليل من التواصل مع صديقاتك لفترة او حتى لا تفتحي الأنترنت امامه حتى لا تزيدي من غيرته و حتى لا تزيد المشكلة عن حدها و حاولي ان تسترضيه و خليه يحكي عن الشيء الدي يقلقه و يزعجه و لكن بالهدوووووووووء وان لزم الامر ان تقولي انك غلطانة فافعلي...
الله يبارك فيكم

[نور العيون123]

اختي انصحك بلاش لاسكايبي ولا غيره استقرار حياتك الزوجيه ونجاحها

ونجاح علاقتك بزوجك اهم وانت ممكن تكلمي اهلك ع النت كل يوم

وانا لو رجل هعمل زي زوجك لان الدنيا ما عاد فيها امان فشيلي اي حاجه

تثير غيرته وتضايقه وانا اشجعك تفاتحيه واكدي له ان امير هذا ما اعرفه

وما عاد هفتح شيء عشانك الحمد لله انه رزقك زوج متفاهم نعمة كبير

ماشاء الله حافظي عليها انا عايشه في غربه ولا اعرف فيس بوك ولا اي حاجه غيره

ولا بكلم حد ع النت وعايشه وماليه وقتي ولا اشتاق لاحد

منتدي لك لوحده بياخد ساعات منك بدون ما تشعري وفي منتديات نسائيه جميله ايضا

شوفي المنتدي الاسلامي هنا شجعي نفسك على حفظ القران مع الاخوات

واقراي واتعلمي طبخات واشياء اتعرفي على جيرانك او زوجات اصحاب زوجك

اخرجي اتفسحي معاه اقرئي معاه تابعي الاخبار يعني ابحثي عما يشغل وقتك في شيء مفيد

وبتسالي كيف تتعاملي معاه اساليه ما الذي تحبه لافعله وما الذي

لا تحبه لكي لا افعله جهزي مسابقات واسئله حلوة لما يجي اتسلوا بيها

ربنا يوفقك ويسعدك

[خلق الحياء]

زوجي هيك كان اول ايام زواجنا لدرجة كنت حابة اعمل ايميل على الفيس بوك ما كان يرضى اعمله باسمي عملته باسم وهمي وكل صحباتي كانو يضحكوا علي بعد بفترة قدرت اعمل واحد باسمي وطبعا بموافقة زوجي واعطيتو الباسورد كمان مشان ما يشك فيني حبيبتي كل الرجال اول زواجهم بغاروا كتييييير هادا شي طبيعي

[أم جود87]

شكرا على ردودكم يا اخواتي الغاليات هلأ فتحت المنتدى وبقرأ ردودكم وانا ببكي والله لانو رجع من الشغل فتح التلفزيون شوي وبعدين دخل نام بدون ما يحكي ولا كلمة معي وانا ما قدرت ابدأ معو بأي حديث خايفة يخجلني ويكسفني وتنجرح كرامتي بس لما قرأت نصائحكم ارتحت كتير.

اختي ام الخير جزاك الله خيرا على ردك انا فعلا فورا حولت للوضع المخفي. بس انا اقتنعت كتير بكلامك انو هو محتار لانو تصرفاتو فعلا مالها الا هالتفسير

اختي الحياة حب شكرا عزيزتي عالنصيحة انا هدفي من اني اخلي كلشي طبيعي قدامو هو انو مايحس لاسمح الله اني بخبي شي عنه بس الظاهر لسه بدي كتير لافهمو

اختي العزيزة عيون الظاهر اني رح اخد بنصيحتك والغي السكايبي كله بس كمان خايفة لو عملت هيك يوسوسله الشيطان اني خايفة من شي مشان هيك حذفته. انا الي خايفه منو هو انو يكون لاسمح الله مفكر اني بعرف هالانسان الله لا يسامحه ولا يسامح كل اللي مل عندهم شغله >الا بنات الناس.

اختي خلق الحياء ان شاءالله يكون جوزي متل جوزك ويتغير مع الوقت. انا ما همني لا فيس بوك ولا غيرو انا بس بدي احس بثقه جوزي العمياء فيني

بارك الله فيكن 

[toma2]

اول شي الله يكملك حملك ع خير
انا حاسه بشعورك لما يكون زوجك زعلان و مش راضي يحكي
لانه مريت فيه كتير
انتي خلي الامور ع حالها و ما تحاولي تجيبي سيرة عن الموضوع و بلا منه السكايبي هالفترة انا زوجي كا يتضايق من الفيس بوك انو بضل شابكه و ما بفضى احكي معه
فصرت ما ادخل كتير حتى اخواتي كانوا يضلوا يسالوا زوجي ليش ما بدخل ع الفيس
لما كان يشبك معهم حتى خلاني هو ادخل و اشبك معهم بعد ما جننوه
و هم يسالوا عني ههههههههههههه
يعني مع البيبي الاول راح يتغير كل شي و بتشوفي

[oum saad]

انا ارى فعل زوجك في محله وانتي اللي غلطانة هو بيغار عليك وهدا شي طبيعي مش يغار كتير كتير زي ما قلتي
انا شايفة انك مهتمة بصحباتك اكثر من حياتك الزوجية
لازم تهتمي بزوجك اكثر من كلشي
وبالنسبة للنت لاتدخلي للمواقع اللي زوجك رافضها عشان ما تفتحي باب المشاكل
لازم تتكلمي مع زوجك على موضوع السكايبي وتحذفيه نهائيا وتتكلمي مع زوجك بهدوء
انا انصحك تهتمي بزوجك وبيتك وبجنينك اللي جاي اكثر من صحباتك ورسائلهم
اعرف ان الغربة صعبة وانا كمان فيها بس مو لازم نفتح للشيطان الباب الواسع عشان يخرب بيتنا
الله يصلح حالك

[SIRINA]

حبيبتي من حق زوجك انه يغار عليك وهذا دليل انه بيحبك

ولكن اختي انا انصحك ان لا تدعي مجالا لهذه الغير بان

تتطور الى شك لانها اذا تطورت اصبح من الصعب ان تغيري

نظرة زوجك وافكاره لذلك حاولي التكلم معه بهدوء وافتحي النت

وهو قدامك وفهميه انه هيك اشيا يتصير واكديلو انك ما بتعملي اشيا

غلط

الله يهديه ويصلحو

[الطاهرة النقية]

حبيبتي معلش هو ادايق واي واحد بمحله رايح يدايق
لهيك سيبيكي من السكايبي والفيس بوك صدقيني اختي والله انا بنصحك نصيحة اخت لاختا
هدول ما بجيبو الا وجع الراس
الله يهدي يارب ويخليكن لبعض