كيفكم حبيباتى
ان شاء الله بخير و صحه و سعاده يا رب
يسعدنى مشاركه الحبيبه حنان البحرين فى موضوعها الرائع
قرأت و شاهدت
طبقنا اليوم طعمه جميل وصحى و مفيد و مناسب للعزائم
هذه الوصفه شاهدتها فى التليفزيون لمنى عامر فى برنامج صحى و مفيد
عجبتنى و جربتها
فراخ محشيه
المقادير
4 صدور فراخ مخليه ( عملت نصف المقدار )
كوب بقدونس مفروم
بصله متوسطه مفرومه
2 فص ثوم مفرى
بواقى قطع من الفراخ مفرومه
بقسماط مطحون
ملح و فلفل و جنزبيل
3 ملاعق زيت
الطريقه
نسيت اصور بواقى الفراخ فى المقادير فصورتها بجوار الفراخ
نشق صدر الفرخه نصفين بالعرض على الا نصل للنهايه ( يظل مشبوك فى بعضه ) و ندقدقه بالشاكوش المخصص لذلك
نخلط باقى المقادير معدا الزيت مع بعض باستخدام الكبه و نضبط الملح و البهار
نفرد الحشو على الصدر كله و نلفه مثل السيوسرول
نلفه جيدا و نقفله بعود الاسنان ( الخله ) او نلفه بالخيط
نشوح الفراخ فى الزيت حتى تتحمر من جميع الجهات
بصله كبيره حلقات
جزره كبيره حلقات
نشوح البصل و الجزر و الثوم مع الفراخ و نضع قليل من الملح و الفلفل
نضع عليهم ماء و نغطى الوعاء و يترك حتى تنضج الفراخ من ثلث الى نصف ساعه
ننشل الفراخ من الصوص و نتركها جانبا حتى تبرد و نزيل الاعواد او الخيط
نصفى الصوص و الخضار بالمصفاه او يخلط بالخلاط
نعجن ملعقه دقيق مع ملعقه من الزبد و نضعها على الصوص على النار و نقلب جيدا حتى يغلظ اى يصبح سميك
تقطع الفراخ شرائح بالورب اى بالميل
نضع الارز فى قالب و نقلبه فى وسط الطبق و نضع حوله الفراخ
نصب الصوص على الارز و الفراخ
طبق سهل و سريع و طعمه لذيذ و شكله جميل
لالالالالا تنسوا الدعاء لاولادى
الروابط المفضلة