يوميات مين ولامين هههه يوم ربيعي ملون مع اطفالي* تجربة رائعة ليوم ملون مع اطفالي *

[جنة الطيور]

السلام عليكم يسعد صباحكون ومسائكم
اترددت كتير اني اشترك ام لا لان عندي اربعة
بس استغليت اني اجاني يوم عطلة زوجي عملت يوم معه ويوم لحالي معهم
واكتر الشغلات فعلا افعلها مع ولادي يوميا لان هاد يومنا انا وياهون
بس طبعا كان في الطلعات كرمالكون ههه وبحكيكلكون النهفات مع الصور طبعا
عملت المسابقة على يومين كرمال يصير في نشاط اكتر وطولو بال عندي
اول شي راح عرفكون على ولادي حمزة حوحو عمره 7سنين الله يحميه
وسارة سوسو عمرها 6 سنين وحسن وحلا حوحو وحوحو ههههه تؤام عمرهم سنيتن و7 شهور
اول ما صحينا طبعا منقول ادعية الصباح جميعا مع وبغرفتهون طبعا
ثانيا حمزة ويارة بيرتبو السراير والثياب يطونها طبعا لازم كل يوم هاد بصراحة انا بحب يعتمدو على حالهون كتير يعني لو مارتبو التخت قبل مايروحو اتركه عقاب قلهون ليرجعو مشان ما يتعلمو يروحو بدون ما يعملوه
معليش المقدمة طويلة يمكن شوي
والان مع الصور

هون سارة بترتب بسريرها

هون خلصت سارة وووديتها للحضانة وحمزة راح لحاله
وحسن وحلا ينظروني في الدار على قناة اطفال
الحضانة تبعد 5 دقائق
وارجعت هون تقريبا كل يومين اقعد العب معهون مشان احفظهون الالوان والاعداد
هاي اللعبة بيحبوها كتير وبيلتهو فيها كتير لان بتعمل اشكال كثيرة

طبعا هون علمتهون يعملو كراسي عجبتهون الفكرة صارو يعملهون

هون عم بيكملو عملهون

طبعا هنن مكيفين وقت بقعد معهون وبلعب
هون جهزوا الكراسي اتفضلو
صاروا بدهون يحطو العابهون عليهون وبالاخير جلسو هنن ههههه

حلا مليت صار بدها تشوف الصور الي بالكتاب وبتساليني ماما شو هاد
ومنعمل صوت كل حيوان كيف
والالوان طبعا هاد احمر روحو جيبو كرة حمراء بنكتو الغرفة كلها بين ما يلاقوها بصندوق الالعاب ههههه

هون طبعا حسن بيغار حوحو افندي
لازم يقرا هو كمان
وبلش بالاسئلة وياويلي لو اتاخرت عليه ههههه

هون حسن بحب لعبة البولينك بحب كلشي شلف يعني يرمي هههه
هنن اكتر بس انا بصفلهون بس هدول

هون حسن عم بيرمي الكرة عليهون

هون عم بحاول يركبهون هو

هون بنتي قلتلها تعي العبي قالتلي عم اشرب قهوة تعي اشربي معي ههه

هون خلص شرب قهوة رحنا العبنا بازل
حلوة كتير وانا بحبها

الان خلصنا من البازلال والوقت ماعاد يخلص ههههه
عطيتهون يرسمو ويلونو وانا عم شوفهون
اذا مراقبتهون بتصير الرسمة على الحيط مشان هيك عيوني عليهون دائما

ارجو عدم الرد

[جنة الطيور]

ابني بيحب كان يشتغل باليسار منضل ياحسن باليمين بيمسك باليمين وبيرد بيرجع بعد دقيتين لليسار ومنرد باليمين وهيك ههههه
هون قررنا نروح نجيب سارة
هون النهفة اني انا ماباخدهون معي بتركهون
بس الشمس طالعة قلتلو لابني انت مشان ام سهيل طالعتلك اليوم
قالتلي بنتي وانا قلتلها انت مشان بنت الاحرار ههههههههه
طبعاهن مو فاهمين شي المهم انهم راحو
انا بقلكون ليش ماباخدهون لان الحضانة بتبعد خمس دقائق بس لبسهون بياخد نصف ساعة هههه
وهون على الطريق صورتهون

هون على باب البيت صار العنوان عندكم
هههه

طبعا هون طول الطريق عم نحفظ قل هو الله احد كلها كل ما طلعنا مشوار منرددها لحتى يحفظوها على الاخير
وصلنا الحضانة



هون عم بيسلمو على الطباخين ههه
هلق اخدنا سارة وارجعنا لببيت مشان نمكل اليوم


سارة لازم تاكل كورن فليكس مستحيل ما تاكله طبعا
حطيتلها صح وانا هون بنيم اخواتها لان خلص دورهون الصبح كان قلهون
وبعد الضهر لاخواتهون وبيجي حمزة من المدرسة


هون حسن بدو ينام هو وحلا


الان غفلو الصغار لازم سارة اول نشاط نعملو اني علمهون عربي
وهاد اهم شي طبعا
كتبلتلها كم كلمة عربي قراتلي ياهون وبلشت تكتبهون
وانا عم راقبها وشجعها


بلشت كتابة الله يرضها عليها
هون عم بعطيها نصائح صغري خطك لازم يكون مرتب وحلو
طبعا احياننا بترد واحيانا خلص يعني بدها تكتب لو شو ماصار


هون خلصنا العربي صرت العب معها بهدول الارقام وهيك اشياء بتحب تعملهون سجادة قال صرنا نعمل سجادة وشي وحدة منحطة بغرفتك ووحدة بغرفتنا



طبعا عم علمها الاحرف والارقام عليهون
هون وصل حمزة من المدرسة طلعنا استقبلناه
وابني اول مايوصل فعلا وبامانة بغسل اول شي وبصلي فوووووووورا الظهر فووووووووووووووورا بدون ما قول له
الحمد لله
ما شاءالله




هون عم بصلي


هون عملنا وظيفة الالماني انا وياه
اول شي
بعدين كتبتلو بعض تمارين رياضيات
مشان يحلهون وانبسط فيهون كتير


الان صرنا بسورة عبس عم نحفظها بصراحة انا بحطهون على الكمبيوتر وبيحفظو وانا بسمعلهون
بس اليوم بمااني وعدتهم كون معهون بكلشي اعددت انا معهون
وانا ماسكة قران وهنن قران وعم نقرا سوى ونقول سوى انبسطو كتير بوقتها بس قلتلهون اخرمرة ههههه لان ماعندي وقت كتير لان بطبخ انا بنومة الصغار
هههه
هون لما حطيت على وجه سارة وحمزة هيك صارو يبكو الصغار وحرام ياماما ليش هيك هههه




هون خلصنا حفظ الحمد لله
ورحت طبخت وماخرج يدخلو المطبخ معي ابدا لان كنت مستعجلة كتير
وتركتهم نصف ساعة مسموح بس تلفزيون ونصف ساعة كمبيوتر
لعبو فيهون لما خصلت اجا زوجي واتغدينا
ومنحب كون كلنا على الغداء اعدين سوى


خلصنا غداء وكل يوم كل يوم قلنا لعب ساعة مع الكبار مع ابوهون ننتظره لما يجي مشان نلعب فريقين بلعبة بحبوها كتير
اسمها لعبة الذكاء
اسمها ميموري بالالماني كتير حلوة وبتنشط عندهون الزاكرة
وكتير مسلية
صفيناهون وبلشنا لعب نحن الاربعة
هي عددها 102 ولازم تسحب ورقيتن كل واحد ونرجعهون لمكانهون ونحفظ وين المكان مشان لما يطلعو متل بعض ناخدهون ونفوز


هون عم نسحب


هون طلعو هيك منرد منقلبهون على الاقفى ومنرد واحد تاني بيسحب طبعا لازم نكون حفظنا وين مكانها
هون كل واحد فاز بوحدة فينا


هون عم بيعدو كل واحد اديش جمع لان انا مع ابني وبنتي مع زوجي
وهيك خلصنا اطلعنا بعدها للبرندة ما خرج نصور كنا لان العيلة كلها برى وعملنا مظاهرة ههههه وعملنا نتبة لسارة بدها تاخدها للحضانة معها
عندي طين حطينا وزوجي جايب نبته صغيرة وحطينا على السقاية مكتوب عليها بتنبت وكل يوم سارة عم تسقيها
هون طبعا كل هاد وسحن وحلا بيتفرجو علينا والصبح قلهون طبعا ابوهون بلعبهون العاب بهلوانية صعب تتتصور بخاف على الكميرا هههههه


هون عم نسقيها ونشوفها تقولو راح تتطلع بليلة هههه


صارت الساعة السابعة والصنف بلشت حفلة النوم كان يومنا حافل وانا هلكت تصوير ولعب هههه
وهلق تنزيل هههه
خايفة على الصفحة باي كبسة تروح من خوفي
بدها وقت لان كبير
هون عم بيفرشو سنانهم واحد واحد مشان ما يتنتفو هههه


هون الصغار هلق عم بيفرشو سنانهون


هون بنتي طويت ثيابها ولبست بجامتها لتوجه لتختها ومنقرا ادعية المساء وقصة النوم وهنن بختاروها
وبينامو الحمد لله


هون ابني رتب ثيابه كمان ولبس البيجاما بينما زوجي وانا عم نلبس التؤام




بنتي مبسوطة اني اعدة معها بالعادة بتقراها لحالها
عجبتهون الشغلة قال ماما كل يوم صورينا ههههه
هون ابني عم يقرا قصة المانية مشان يصير اسرع وانا اتعلم منه كم كلمة ههه
وبنتي قصة عربي مشان العربي تصير منيحة اكتر


حسن وحلا مستعدين للنوم وللاستماع لابوهون
لان زوجي يدخل الان ويردو وراه ادعية المساء وبوسة النوم والسلام


تم بحمد الله وشكره اليوم الاول لنا الان مع اليوم الثاني عم نسليكون طول اليوم ماراح تملو اليوم ارجو عدم الرد
لازم ابعت اليوم الاول لان عنجد خايفة مايروح تعبي هيك باي كبسة مني
مشان هيك ارجو عدم الرد لنزل اليوم الثاني ان شاءالله
وهو كان برا البيت
لان وعدتهم

[جنة الطيور]

صباح اليوم الثاني صحيت مع الصغار والكبار نايمين مع ابوهون لسى
اعددت لعبتهون وحسن وحلا شكرو كتير خالاتو ام سهيل وبنت الاحرار لان ماما طولت بالها علينا كتير ولعبتنا

هون هاي لعبة خشب كتير حلوة يضعون كل وحدة بمكانها
حلوة كتير استمتعو فيها
بعدين لعبنا بعبة الحيوانات واصواتهون ونسمع ونضحك
وهنن يردو معي


طبعا كنا مستعجلين ولعبنا فورا وصحينا البابا واخواتي وافطرنا ورحنا لحديقة حيوان صغيرةو كتير عبارة عم حمال واحصنة وحمار وخواريف وهنن كيفو طبعا بس انا ما بطيق هيك حيوانات ابدا بضل بعيدة عنهم ههههه






هون عم بيطعموهون ومبسوطين كتير



هون انا مليت قلتلهون قومو نروح لحديقة العاب وبالفعل رحنا وغيرو شكل

هون فقعت بكى لما شافتني عم اعمل هيك بوجهها هههه
حلا عم تلعب
هاد حمزة

صاروا بيشهو من النظافة هههه
كل مين له هواية
سارة بتحب التسلق

حسن بدو يلعب كرة لان حياته الكره

رحنا عملنا فريقين وصرنا نلعب للعصر وارجعنا وولادي كان عندهون درس قران رجعو متاخرين وخلص يومنا وكان كتير حلو
وادولي الله يسعدهون ويحميهون ويجلعهون من الصالحين والمتوفقين اهم الشي
وشكرا لكم وللمسابقة الحلوة وبتمنى تكونو استمتعو بيوميات ولادي وهنن كل حياتي
والف شكر لك ياام سهيل ويا بنت الاحرار جزاكم الله الف خير
لان انبسطتو ولادي كتير

[كربوجة]

ماشاء الله عليك ماعرفتك إنت قاعدة عم تلعبي مع أولادك ههههه
الله يعطيك العافية ويخليلك أولادك والله أربع أولاد بدهم بال طوييييل
كتير إستمتعت بالصور وكتير كان برنامجكم حلو

[♥ نبعة الريحان♥]

ما شاء الله الله يخلي الج اولاد يلا صرنا 3 من المانيا هههههههه كربوجة وجنة واني
ما شاء لله عليهم احلى ما في الدنيا الاطفال الله يحميهم وفعلا يوم جميل عزيزتي ننتظر جديدك ويومات جديدة مع الاولاد الحلوين

[كربوجة]

ما شاء الله الله يخلي الج اولاد يلا صرنا 3 من المانيا هههههههه كربوجة وجنة واني
ما شاء لله عليهم احلى ما في الدنيا الاطفال الله يحميهم وفعلا يوم جميل عزيزتي ننتظر جديدك ويومات جديدة مع الاولاد الحلوين

أهلين إختي نبعة والله أنا وجنة كنا جيران ومنعرف بعض
بس بعدين أنا إنتقلت علىRegensburg
وإنت وين عايشة بألمانيا

[حنين الياسمين]

بسم الله ماشاء الله
الله يحميلك ياهن ويكونوا من الصالحين المتفوقين يارب
بجد استمتعت كتير يومك حلو ومفيد
وشوقتيني اجي اشوف اولادك عن قريب

[جنة الطيور]

مش معقول عاملة تجمع الماني تقولوا هههههه
اربعة من المانيا اهلا وسهلا فيكون والله يخليكون وهاد من زووقكون
على كل الاحوال الان عندي رياضة برجع وبردلكون
سلام للكل وكل مين شاف المووضع وما رد ههههه

[dr.boosy]

ما شاء الله عليهم ربي يحميهم
استمتعت كتير معاكم ويومين في منتهي الجمال
ربنا يباركلك فيهم يارب ويخليهوملك

[- بنت الأحرار -]

رووووووووووووووعة
تبارك الله عليكِ
إللي ساعة بحكيها لأولادي
شافني وأنا بشوف الموضوع
خلاني أقرأ الموضوع ويركز في كل صورة
صلاح أفندي هههههههههههه
بقولي انا بدي أصير زي الولد هذا أصلي لما أرجع من الروضة >> يسعدك والله انبسطت منه
ومن القران تشجع كثير

وتذكر الألعاب ويييييي هههههههههههههههههه

بجد روعة انتي بكل معنى الكلمة

استمتعت
وحسيت بحركة رائعة
وتسعدلي الأولاد
والله إنك رائعة جنة
ربنا يحميكِ ياااااااااااااااااااااااااااااااااااارب
ويرضى الله عليكِ
يوم ملون رائع وربيعي ملون لأطفالك

[toma2]

الله يخليلك اولادك كتير حلوين الصور
و النشاط واضح من الصور

[-بلسم الجروح-]

هلا والله بالطيور وجنتهم
اشتقتلك كتير
وسألت عنك اكتر
يومك ما شاء الله حلو وبجنن
حسيت شغل اجانب وحركاتهم
ولو هذه المانيا
بس ما شاء الله عنكم جميعا
يوم حافل ورائع
والاروع العبادة بكل اشكالها
الله يحميكم يارب

[جنة الطيور]

ماشاء الله عليك ماعرفتك إنت قاعدة عم تلعبي مع أولادك ههههه
الله يعطيك العافية ويخليلك أولادك والله أربع أولاد بدهم بال طوييييل
كتير إستمتعت بالصور وكتير كان برنامجكم حلو

الله يعافيكي يارب ياكروجة ايه بلعب اكيد بس مو وقت الي عم احكي معك اكيد لا
الله يسلمك يارب

[جنة الطيور]

ما شاء الله الله يخلي الج اولاد يلا صرنا 3 من المانيا هههههههه كربوجة وجنة واني
ما شاء لله عليهم احلى ما في الدنيا الاطفال الله يحميهم وفعلا يوم جميل عزيزتي ننتظر جديدك ويومات جديدة مع الاولاد الحلوين

انت نتتظر يومياتك يالله ما خلصو هههه
ايه والله حلوين بس بدهون شغل كتير الله يحميهون
هلق بقدر عليكون لان نامو الكل الله يحميهون وهلا فيكي نورتي

[جنة الطيور]

بسم الله ماشاء الله
الله يحميلك ياهن ويكونوا من الصالحين المتفوقين يارب
بجد استمتعت كتير يومك حلو ومفيد
وشوقتيني اجي اشوف اولادك عن قريب

اهلين ام عبودة هلا فيكي حبيتي ياريت تجي وتنوري والله عم انتظر زيارتك
ويحمي الي عندك يارب
نورتيتي ياام عبودة بوسيلي ولادك