تويت
☁Ξ جهد ملموس Ξ ☁ وصلتي للوزن المثالي ؟؟؟؟؟ تعالي عايزاكي
ازيكم يا بنات
الفترة اللي فاتت دي ما شاء الله فيه بنات كتير وصلوا للوزن المثاااااااااااااااااالي (عقبالنا كلنا بألف صحة و عافية)
و انا فكرت في نفسي يا تري من جواهم بيفكروا في ايه؟
و خفت عليهم اوي حبيت اني أعمل الموضوع ده كلام من القلب للقلب
اول حاجة عايزة اقولك ياللي وصلتي للمثالي
علي ايه بقي؟
مش علي انك وصلتي للمثالي بس لا فيه كذا سبب تاني
1- انك استطعتي و لمدة شهوووووووووور ان لم يكن أكثر ان تلتزمي بنظام غذائي صحي و تجنبتي كل ده
ايوة قدرتي انك ماتاكليش الأكل الضار او الحلويات غير مرة في الاسبوع فقط
صح؟
برافو عليكي شطورة لأنك عملتي ده لفترة طويلة
و عرفتي معلومات عن الهرم الغذائي و طرق التغذية السليمة
و أكيد في رحلتك دي عرفتي ازاي توازني أكلك و ازاي تعملي أكلات منخفضة السعرات و ازاي تطبخي اكل صحي قليل الدهون
وكمان عرفتي الكميات اللي تناسبك
و أكيد معدتك أخدت علي جحم و كمية معينة من الأكل
براااااااااااااااااافو عليكي قدرتي تعملي كل ده و لفترة طويلة
و ايه كمان؟
كمان انك قدرتي تلتزمي بالريااااااااضة و بقيتي نشيطة
و عرفتي انك تقللي السكر و انتقلتي من الأكلات و المشروبات كاملة الدسم الي قليلة الدسم و عرفتي ازاي تقللي من الدسم في كل ما تأكلين
صح؟
طيب تعرفي بقي انك عشان تتعودي علي حاجة و تبقي دي من عاداتك العادية لازم تعمليها لمدة 21 يوم متواصلة؟
وبعدها بتصبح عادة طبيعية جدا
طيب عايزة اقول ايه يعني؟
1-يعني لما وصلتي للمثالي اوعي تبوظي اللي عملتيه
اوعي تحسي انك كنتي في فترة تعذيب او تدريب و خلااااااااااااااااااااص وصلت لخط النهاية ارتاح بقي
لا يا قلبي
حافظي علي اللي عملتيه
فالأنجاز كل الأنجاز في رأيي
هو في الاستمرار علي نمط غذائي و نمط حياة صحي لفترة طويلة و لا تقولي ضعفت كتير
ده طبيعي جدا بس اكبر دليل علي قوة ارادتك انك دايما كنتي بترجعي للطريق الصحيح بدليل انك وصلتي للمثالي اهو
2-حافظي علي العادات الحلوة اللي اكتسبتيها لأنك اتعودتي عليها خلاص
نفسك في حاجة كلي منها بس انتي عارفة بقي ازاي توازني نفسك
3-خلي الميزان و شريط القياس أصدقائك حتي تستمري علي الطريق
يعني ينفع تنضفي البيت تنضيف عميق و راااااااااااائع و بعدين تسيبيه لمدة سنة بدون متابعة؟ تخيلي كده هيبقي ايه؟
هيبقي شكله كده
في النهاية تذكري دائما ان الأحتفاظ بالقمة أصعب من الوصول ليها
و لكل البنات و انا معاهم اللي لسة علي الطريق أهدي لنا هذه الصورة المعبرة جدااااااااااااااااااا حتي نتشجع و نقوم بما علينا فعله
تعليق