* وصفة متميزه *الكوسا المحشي مشاركتي باسبوع (بلاد الشام ) ......
هاي اخر مشاركة الي بالاسبوع الشامي
كنت حابة احط مشاركات كمان بس للاسف مافي وقت
عنجد بشكر المشرفات على هيك مسابقة
لاني استمتعت كتير
طبختنا اليوم محببة للكبار قبل الصغار الكوسا المحشي
كل بلد واله طريقته بعمل المحاشي
واليوم جايبتلكم طريقة الفلاحين ههههههه
نيجي للمقادير
3 كيلو كوسا
نص كيلو لحمة مفرومة ناعم مرتين
رز مصري
سمنة + زيت
بهارات انا بحط (فلفل اسود .بهار سادة .زنجبيل مطحون .عصفر )
ملح
بندورة للعصر اختياري
صلصل بندورة معلقتين كبار
فليفلة حلوة حبة صغيرة يا بنحشيها يا بنفرمها وبنحطها مع الكوسا
نص قرن فلفل حار برضه اخيتاري
اول اشي بنغسل الكوسا بمي وشوية ملح
وبعدين بنحفرهم واول لبه بنطولها من الكوساية بنحطها على جنب
انا بفرم اللب وبحطه بالحشوة بعطي الكوسا طعم روعة
وهاي الصور بتحكي
بنحط الرز المنقوع واللحمة والملح والبهارات مع بعض
بنحط الزيت والسمنة عالنار لحتى يحمو وبنصبهم فوق اللحمة على طول
شايفين كيف صار لون اللحمة بس ضفنالها السمنة والزيت
فيكم تحطو زيت لحاله
هاد شكله الحشوة النهائي
ووعالفكرة هاي حشوتي المعتمدة لمعظم المحاشي
البيتنجان بضيف للحشوة شوي من اللب تبعه
والملفلوف بضيف للحشوة تومة مفرومة ناعمة بعطيه طعم روعة
بنحشي الكوسايات وانتبهو ما تحشوها للاخر
عشان نعطي مجال للرز انه يستوي منيح
وبنحطهم بطنجرة الضغط
بنفرم الفليفلة مربعات كبيرة والفلفل الحار وبنحطهم فوق الكوسايان
ازا زاد رز بحشي حبة الفليفلة وبحطها مع الكوسايات
كل ما اعمل كوسا بتزكر لبنان وحبايبه الله يسعدها
كانت تحكي انه الفليفلة بتعطي نكهة غير شكل للكوسا وكلامها مزبوط
بنحط عليهم مي وملح وبنخليها تغلي عالكوسايات غلوتين قبل ما نحط البندورة
بنعصر بندورة فرش وازا ما بدك بتحطي رب بندورة لحاله
شوفو هون حطيت شوية فلفل بحرق مع البندورة
بنعصرها بالخلاط مع شوية مي
وبنصفيها من البذور وبنحطها فوق الكوسايات
ازا المي كانت كتيرة شيلي منها وحطي البندورة ومعها معلقتين رب البندورة
واضغطي الكوسا نص ساعة على نار هاااااااادية
وهاد الصحن لام عدي خص نص ههههههه
ما تنسوني من دعواتكم يا حلوين
رد مع الاستدلال
الروابط المفضلة