مش هاقول وداع

[ملاذالدنيا]

مش هاقول وداع لما الحبيب يخون حبيبته
لانه بساطة مش حبيب
الحبيب الخيانه ما تعرف له طريق
مش هاقول وداع لما الصاحب فى عز الحاجة يغيب
بص فى عينيه ده مش صديق
الصديق فى وسط الحاجة تلاقيه
غاب الوفاء الحنان الحب الصدق كل المعانى الحلوة
اوعى تقول وداع لانها باقية
يمكن تغيب زى الشمس بس بكرة ترجع فجر
يمكن تغيب زى القمر بس بكرة يرجع بدر
وانا
مش هاقول وداع يا بويا لانك جوايا
غبت عن عينى صحيح
بس جوا قلبى وروحى ساكن
وبكرة اهو جاى من جديد
تلاقى فيه الحبيب حبيب
والصديق اللى طبعه الوفا
الدنيا ترجع حلوة تانى ويمكن تكون دنيا تانيه
دنيا جديدة عليا وعليك بس حلوة
هتقول وداع لا مش راح اقول ابدا وداع
مش هاقول وداع لما الغربة تكوينا
تاخد منا احلى سنينا ونغيب عن اغلى ما لينا
الغربة طريق مشينا فيه
بكيفنا غصب عنا طريق
طريق وزى ما ليه اول اكيد هيكون له اخر
واخرة الغربة ما هى برضه رجوع
يبقى ليه اقول وداع وانا راجع
مش هاقول وداع لبلدى خلاص مفيهاش امان
الفقير فيكى ملهوش خيار
هتعيش وتموت من غير وجود
مين اللى قال
بكرة يجى يروح فيه الظلم ويرجع الامان
مش هاقول وداع لما يومى كله ليل
مين اللى قال
انا قاعدة استنى بكرة يجى ومعاه النور
طول ماجواى حس وروح
و لو الحزن خبط على بابى ويمكن يدخل من شباكى
مش مهم ومش هاقول وداع

[hudam]

لاخير في حبيب يخون حبيبه
نعم الحبيب الحقيقي لا يخون
ولا يعرف طريق الخيانه

[ملاذالدنيا]

شكرا على مرورك الهادى

[≈ احـتِـوٍآءْ ≈]

وبإذن الله سيأتي غدا يحمل بك الفرح والسعادة

مشاعر طيبة ... سلم الله يمينك

[*(أم عبدالله)*]

أحاسيس مرهفــة

بارك الله في قلمك ..

[ملاذالدنيا]

شكرا ام عبد الله وعهد الامانى على مروركن الراقى