♥ღ♥ ملف تجميعى لمشاركاتى خلال حمله صيفنا إبداع 1431 ^^ بركن الحلويات ^^ ♥ღ♥

[♥أخت فى الله♥]

حبيت أجمع لكم حبيباتى كل مشاركاتى لأخواتى بركن الحلويات ويارب أكون قدمت شئ مفيد

مشاركه رقم (1)

ღ♥كنافه على شكل كب كيك ღ♥مشاركتى للغاليه أم عبد المعز فى ملف حلوياتنا والمكسرات

سبحان الله و الحمد لله و الله أكبرو لا حول و لا قوة إلا بالله و لا إله إلا الله
أنا عملت لكو النهارده كنافه بشكل جديد على شكل الكب كيك يارب تعجبكوا حبيباتى,

فى الأول جبت الكنافه و قطعتها قطع صغيره جدا و بعدين حطيت عليها تقريبا ربع قالب من الزبده السايحه و فركتها بالزبده كويس أوى لحد ما تشربتها تمام


وبعدين جبت قالب الكب كيك و بدأت أحط فى كل جزء منه شوية كنافه و أضغط عليها جامد لحد ما إتملت كل القوالبحطيت فى كل كب شوية مكسرات مكونه من جوز هند و زبيب و لوز مبشور و غطيت كل كب تانى بالكنافه و ضغطتها جامد أوىدخلتها الفرن على درجة حراره متوسطه لحد ما اتحمرت و لما طلعتها ساقيتها بالشربات البارد
بعدين رشيت عليها فستق مجروش
و هنا شوفوا شكلها بتجننننن

يارب تكون عجبتكم الفكره حبيباتى فى الله

مشاركه رقم (2)
ღ♥ღ كنافه بالقشطه و الجبنه الموتزاريلا ღ♥ღ مشاركتى للغاليه ميمى فى ملف الكنافه
اللهم صلى على محمد وعلى ال محمد كما صليت على إبراهيم و على ال إبراهيم إنك حميد مجيد.اللهم بارك على محمد وعلى ال محمد كما باركت على إبراهيم و على ال إبراهيم إنك حميد مجيد.
أنا عملت لكو النهارده كنافه نصفها بالقشطه و النص التانى بالجبنه الموتزاريلا يارب تعجبكو
فى الأول جبت الكنافه و قطعتها قطع صغيره جدا و بعدين حطيت عليها تقريبا ربع قالب من الزبده السايحه و فركتها بالزبده كويس أوى لحد ما تشربتها تمام

بعدين جبت صينية الفرن دهنتها زبده و حطيت نص مقدار الكنافه فيها و فردتها و ضغطتها كويس أوى

حطيت نصف الصينيه جبنه موتزاريلا و النص التانى قشطه بالشكل ده

بعدين غطيتها مره تانيه بالنصف التانى من مقدار الكنافه و ضغطتها بإيدى كويس

سقيتها تانى بحوالى ربع قالب من الزبده السايحه
حطيتها فى فرن حامى على درجة حراره 180 لحد ما أخدت لون ذهبى

سقتها شربات أو قطر بارد

زينتها بالفستق المجروش

و ده شكلها بعد التقطيع

ودى كمان صوره

يا رب تكون عجبتكم

[♥أخت فى الله♥]

مشاركه رقم (3)

ღ♥ღطريقة عمل القطايف فى البيت من الألف للياااء...مشاركتى للغاليه نانى فى الشيره ღ♥ღ ( 123

هقولكوا إن شاء الله فى الموضوع ده عن طريقتى لإعداد القطايف فى البيت

طبعا و لأنى مقيمه بألمانيا...مفيش قطايف هنا فأنا بعملها فى البيت و على فكره أنا جربت أكتر من طريقه بس الطريقه دى بجد تحفففه. جربوها و إن شاء الله تعجبكوا

المقادير

2 ملعقة صغيرة خميرة
1 ملعقة صغيرة سكر

350 مللى ماء

200 جرام دقيق

مقدار الشيره أو الشربات

كوب و نصف سكر
كوب ماء
عصير ليمون
و فانيليا

طريقة الشربات

نضع الماء و السكر على النار حتى يغلى.نضيف الفانيليا وعصير الليمون و يترك ليبرد

طريقه القطايف

- نخلط الخميره مع قليل من السكر مع قليل من الماء الدافئ ( وليس ساخن) و نتركهم قليلا.

- نضع نص مقدار الدقيق مع نص مقدار المايه و نقلب جيدا

- نضع الخميره و ننتظر 5 دقايق حتى نتأكد من عمل الخميره

- نضع بقية مقدار الدقيق و بقية الماء و نقلب جيدا لنحصل على عجينه سمكها مثل الطحينة

- نتركها لتخمر لمدة ساعتين وكل نصف ساعه نطلعها نقلبها لنحصل عل عجينه مطاطه....وهذا هو سر نجاح القطايف

- نسخن طاسه تيفال على النار و نضع فيها دوائر من العجينه بملعقة الغرف

خروج فقاعات أثناء عمل العجينه على النار دليل على نجاح القطايف
- نحمرها فقط من جانب واحد و نخرجها على ورق مطبخ

- تحشى مكسرات

تحمر فى زيت غزير حار و تخرج لتوضع فى الشربات أو الشيره و تقدم هكذا

يارب تكون عجبتكم

مشاركه رقم (4)

مشاركتى للغاليه نانى فى ملف الشيرة وحلوياتنا الرمضانية.ღ بسبوسه جناان وبالخطوات المصو

المقادير:

- 2 كوب سميد

-3 ملاعق كبيره جوزهند

- ثلاثة أرباع كوب سكر.

- ملعقة الباكينج باودر.

- ربع قالب زبدة

- كوب زبادي.

- قليل من اللوز أو البندق للزينة.

مقادير الشربات

- 2كوب سكر.

- 2كوب ماء، فانيلا.

- ملعقة عصيرليمون.

الطريقة:

- يحضر القطر بغلي السكر مع الماء، وقبل انتهاء الغلي يضاف عصير الليمون والفانيلا ويترك ليبرد

- تخلط المكونات الجافة أي السميد و جوز الهند والسكر والباكينج باودر مع بعضها، ثم تضاف إليها الزبدة

- يدعك هذا المزيج بالزبادي للحصول على عجينة (لازم تكون مفرفره مش ماسكه فى بعضها)، تدهن الصينية بالزيت والدقيق ويسكب فيها الخليط ويترك حتى يختمر.

- يقطع محتوى الصينية إلى أشكال مربعة منتظمة وتوضع حبة لوز أو بندق في كل مربع،

تخبز الصينية في الفرن حتى تحمر.

- يصب القطر فوق البسبوسة وبالهنا والشفا

وده شكلها بعد التقطيع

يارب تكون عجبتكم

[♥أخت فى الله♥]

مشاركه رقم (5)

مشاركتى فى حلويات صيفيه بارده.....تيراميسو جناااااااان ( 12345)

بصوا حبايبى أنا هقولكوا على أحلى طريقه للتيراميسو

زى ما عودتكوا أجيب لكوا الصوره فى الأول علشان أفتح نفسكوا

المقادير

كريم شانتيه
جبنة ماسكاربون
بسكويت اصابع
2 ملعقة كبيرة نسكافيه
شوكولا مبشور
معلقة كاكاو

الطريقه

-أنا بضرب الكريم شانتيه بالمضرب وبعدين بضرب الجبنه الماسكربون و أحطهم على بعض.
-بعدين بدوب النسكافيه في كوب من الماء البارد لازم يكون الماء بارد
-بدهن صينية متحركة القاعدة بملعقتين من الكريمه
-صفي البسكويت بشكل طولي حول جدار الصينية
-إغمسي البسكويت بشكل عمودي في الكوب بسرعة علشان ما تشربش مايه كتير
-ضعي طبقه اخرى من الكريمه فوق البسكويت ثم طبقة أخرى من البسكويت المغمس ثم كميه وفيره من الكريمه
-رشي الوجه بالكاكاو البودره
-ضعيها في الثلاجة لمدة لاتقل عن ست ساعات و قدميها باردة
ملحوظه مهمه

- يعتبر الخمر مكوناً أساسياً في وصفة التيراميسو الأصلية , لذا يجب توخي الحذر عند تناوله في البلاد الغربية .
وده شكلها تانى يا قمرات

مشاركه رقم (6)

♥ ♥♥ الشاتوه بس إييييييه....... حكايه♥♥ ♥ مشاركتى للغاليه...أم عبد المعز فى ملف الصوص

طبعا مقادير الشاتوه معروفه بس أنا بقلل الزيت شويتين
مقاديرى

- كوب دقيق
- كوب سكر
- نص كوب زيت
- كوب لبن
- 4 بيضات
- باكو بيكنج بودر-فانيليا
-3 أو 4 ملاعق كبيره كاكاو
- شيكولاته مبشوره للزينه

* الطريقة

-يضرب الزيت مع اللبن والسكر والكاكاو فى الخلاط وأبدأ أزود فى الزيت نقطه نقطه لحد ما يبقى قوامه تقييل
- نأخذ ملء كوب من هذا الخليط (الصوص) ونضعه بالفريزر- نضع البيض والفانيليا على باقى الخليط ويضرب بالمضرب الكهربائى
- ينخل الدقيق والبيكنج بودرويقلب بخفة على الخليط ثم يصب فى صنية مدهونة ويوضع فى فرن مسخن مسبقا على درجه حراره 180
- تخرج الصنية من الفرن بعد تمام النضج ويترك ليبرد- تقسم من النصف وتوزع نصف كوب الصوص ونوزع الباقى على وجه الشاتوه- توضع فى التلاجه 6 ساعات على الاقل
- تقطع على شكل قطعة الجاتوه ويرش فوق كل قطعه شيكولاته مبشوره وبالف هنا

[♥أخت فى الله♥]

مشاركه رقم (7)

♥ღ كيكة التفاح الألمانيه......تحفففففففففففففه ♥ مشاركتى للغاليه نانى فى ملف القرفه

المقادير

كوب دقيق

كوب سكر

125 جم زبده

باكو بيكنج بودر

باكو فانيليا

3 بيضات

سكر بنى و قرفه للزينه

• الطريقه
• نضرب البيض مع الفانيليا بالمضرب الكهربائى جيدا

نضيف السكر و نستمر بالضرب حتى يذوب السكر

نضيف الزبده ( بدرجة حرارة الغرفه ) و نستمر بالضرب

و اخيرا نبدأ بإضافة الدقيق و البيكنج بودر بالتناوب مع الضرب حتى يتجانس الخليط

يصب الخليط فى قالب الفرن ثم يقطع التفاح حلقات و يوضع فوق خليط الكيك بهذا الشكل

يوضع الكيك فى فرن مسخن مسبقا على درجة حراره 200 لوقت من 30-45 دقيقه حتى تمام السواء

وده شكلها لما إستوت

يرش قرفه و سكر مطحون أو سكر بنى فوق التفاح لتكون بالشكل التالى

تترك لتبرد قليلا و تقطع دافئه و تقدم

يارب تكون عجبتكم يا حلوين

وده طبعا الزوووووووووووووووووم بتاعى

مشاركه رقم (8)

مشاركتى للغاليه أم عبد المعز بملف الحلويات التراثيه♥ღ أحلى كل و اشكر ....تحفففففففففففففه ♥ღ

[♥أخت فى الله♥]

مشاركه رقم (9)

مشاركتى الثانيه للغاليه أم عبد المعز بملف الحلويات التراثيه♥ღ عيش السرايا...... بس إيه يجننننن♥ღ

فى البدايه هقول لكو سبب تسميته بهذا الإسم

السرايا تعنى القصر (هكذا يطلق عليها البعض بمصر )

و المقصود به القصر الملكى

و ترجع تسمية هذا النوع من الحلويات بهذا الإسم يدل على أنه كان طبق الحلويات المفضل لدى الطبقه الحاكمه و من ثم للأغنياء ووجهاء القوم

و لكن الحمد لله بعد ذوال الملكيه أصبح من حق عامة الشعب تناول عيش السرايا و ينافس الأغنياء فى الحلويات الخاصه بهم.

مقادير عيش السرايا

نصف كيس من التوست مقطع الجوانب

نصف لتر من الحليب كامل الدسم

فانيليا

3-4 ملاعق نشا

سكر على حسب الرغبه

قطر أو شيره

الطريقه

فى فرن حار توضع شرايح التوست لتحمر قليلا ( أنا بصراحه عندى توستر سخته فيه)فى طبق بايركس تصف شرايح التوست المحمر و تسقى بالشيره




نضع على النار الحليب حتى يغلى نضيف له السكر حسب الرغبه ( إذا كان بتحبوه حلو أوى أو لا)

نحضر النشا فى كوب و نضع عليها نصف كوب من الماء البارد و نذوبه جيدا ثم نضعها على الحليب المغلى مع التقليب المستمر حتى يغلظ القوام و نهدى النار و نستمى بالتقليب حتى يغلظ القوام أكثر








نضع خليط الحليب بالنشا فوق شرائح التوست


يرش بالفستق المجروش ( أنا وضعت بندق مجروش)




وده شكله من الجنب


يوضع فى الثلاجه 3 أو 4 ساعات ثم يقطع ويقدم










يارب تكون الوصفه عجبتكم

ملحوظه بعض الناس تضع قشطه على شرائح التوست بدلا من خليط الحليب بالنشا

[زهرة الشآم]

يا عيني يا عيني

بيشوهووا والله

يعيشوا ايديك حبيبتي

شطورة وبارعة ما شاء الله عنك

يسلموو حبيبتي

::

[حبيبة قلب امها]

تسلم ايدك ياقمر

[مجد الاقصى]

ما شاء الله ملف بغاية الروعة
تسلم ايدك يارب

[لالي لافندر]

بسم الله ماشاء الله
تسلم الايادي اللي تتلف بحرير
ابدعتي يا قمر
وصفاتك بجد كلها حلوة وتشهييييي
بارك الله فيك يا مبدعة ويعطيك الف عافية

[حنان(البحرين)]

سلمت يداكِ يالغاليه على الوصفات الرائعه