$$$ على بركة الله نبدا ورشة الشال الأول $$$ "تريكو وبس"

[om medoa]

تسلمي لي يا أم ميدو يا جميله

ما تيجي تشتغلي معانا وكلنا نشجع بعض علشان نخلص الشال ونتدفا

هشتغل معاكم انشاء الله بس لما اشترى الخيط

[mistry]

انا بدات الاطار واللغرزة جميلة بس للاسف مافيش كاميرا انا اتابع معاكم

ما شاء الله
ولا يهمك يا حبيبتى
طبعاً كان يهمنا نشوف تطبيقك الجميل
لكن أهم حاجة إنه الحمد لله الدنيا ماشية معاكى
وأى استفسار أنا حاضرة بعون الله

[mistry]

هشتغل معاكم انشاء الله بس لما اشترى الخيط

مستنيينك يا قمر
بس بسرعة عشان تلحقينا

[فراشة الرحمة]

حياكم بنات
سويت العينه بس ما قدرت أنزلها لأن ضاع السلك
ان شاء الله بنزلها قريب
وأبدأ الشال لكن أبغى أصغره أخليه 20 سم
ايش رأيك وكيف التقسيم

[mistry]

حياكم بنات
سويت العينه بس ما قدرت أنزلها لأن ضاع السلك
ان شاء الله بنزلها قريب
وأبدأ الشال لكن أبغى أصغره أخليه 20 سم
ايش رأيك وكيف التقسيم

اهلا بيكى يا قمر
ان شاء الله نشوف العينة ومعاها السكارف كمااااااااااان

زى ما انتى عارفة احنا الغرزة مضاعفات العدد 12
فعشان نقلل العرض
هنتحكم فى عدد الوحدات الكاملة
يعنى ننقص 12 غرزة يبقى نقصنا وحدة واحدة
لو نقصنا 24 غرزة يبقى نقصنا وحدتين
وهكذا

فانتى قيسى عرض العينة بتاعتك بالمسطرة
وقوليلى انتى عاملاها على كام غرزة وعرضها كام سم
وأنا أقسم لك
أنا فى الانتظار

[أمنية تتحقق]

أنا مبتدئة ممكن حد يعلمني غرزة الرزة

[فراشة الرحمة]

عزيزتي ميستري بالنسبة للعينه أسويها نفس شرح غرزة الـ Basket Weave: أم كيف ؟

وألحين بديت أسوي القطعة

سويت 42 غرزة كيف أسوي الرزة ؟

أبدأ أسوي السطر الأول غرزة عدلة بعدين مقلوبة بالتناوب ولازم أنهي بعدله

لكن عشانها عدد زوجي ينتهي بمقلوبة صح فكيف أسوي

والسطر الثاني المقصود أقلب القطعة وأبدأ أسوي مقلوبة فعدله أم ماذا

الله يجزيكي خير لو تشرحين لي

لأني فكيت العينه

ولا عرفت أسوي الرزة

[فراشة الرحمة]

شرح غرزة الـ Basket Weave:

الغرزة بتتكون من مضاعفات العدد 12 + 8
وهى عبارة عن 8 أسطر

ما تنسوش اننا بنرمز دايماً للغرزة العدلة بالرمز (ع)، والغرزة المقلوبة بالرمز (م)

السطرالأول:
(خلف الشغل)
كله مقلوب

السطر الثانى:
(8 م - 4 ع) - يكرر ما بين القوسين وينتهى السطر بـ 8 م

السطر الثالث:
(8 ع - 4 م) - يكرر ما بين القوسين وينتهى السطر بـ 8 ع

السطر الرابع:
(8 م - 4 ع) - يكرر ما بين القوسين وينتهى السطر بـ 8 م

السطر الخامس:
كله م

السطر السادس:
2م (4 ع - 8 م) - يكرر ما بين القوسين وينتهى السطر بـ 4 ع - 2 م

السطر السابع:
2ع (4 م - 8 ع ) - يكرر ما بين القوسين وينتهى السطر بـ 4 م - 2 ع

السطر الثامن:
2م (4 ع - 8 م) - يكرر ما بين القوسين وينتهى السطر بـ 4 ع - 2 م

متهيأ لى ما فيش أسهل من كدة

ملحوظة:
العينة اللى أنا عملتها 32 غرزة وكررتها مرتين (يعنى 16 سطر)

ايش تقصدين
السطرالأول:
(خلف الشغل)
وماذا تقصدين من
ملحوظة:
العينة اللى أنا عملتها 32 غرزة وكررتها مرتين (يعنى 16 سطر)
تقصدين 3وحدات
وكررتي 8أسطر ثم عدتيها مرة ثانيه 8أسطر بنفس الترتيب أم ماذا

معليش ميستري طفشتك الله يجزيك خير

[mistry]

أنا مبتدئة ممكن حد يعلمني غرزة الرزة

أهلا بيكى يا قمر
نورتى المنتدى والركن

من عيونى يا حبيبتى
بصى يا حبيبتى
انتى بتعرفى طبعاً تعملى الغرزة العدلة والغرزة المقلوبة

غرزة الرزة سهلة جداً

بالنسبة للشال بتاعنا احنا هنبدأ يعدد زوجى من الغرز
فالغرزة عبارة عن سطر واحد كالتالى:

غرزة عدل - غرزة مقلوب وهكذا لغاية آخر السطر
وطبعاً هينتهى السطر بغرزة مقلوب
ونكرر السطر ده بالطول المطلوب

يعنى احنا بالنسبة لنا فى الشال
محتاجين 7 أسطر بغرزة الرزة
وبعدين هنكمل بيها اطار فى بداية ونهاية الأسطر لغاية ما نوصل لطول الشال
وبعدين برضه هنقفل الشغل بـ 7 أسطر رزة برضه

ماشى يا قمر

يلا اعملى عينة من 20 غرزة مثلاً وورينى تطبيقك
واذا حاجة وقفت معاكى برضه اسألى
فى انتظار تطبيقك أو استفساراتك
لا تتحرجى

[اوراق الياسمين]

ماشاء الله عالنشاط
ربنا يوفق الجميع