تويت
[مجموعة] التحـــدي الكبيــــر مــــــع ورد مديـني ( الدعووووه عاااااااامه للجميع )
السلام عليكم ورحمة الله وبركاته .....صباح الخير يابناات .... اليوم حبيت نغير
شويا من الروتين اللي كنا عليه دايما والقروبات والالوان وزي كدا ....فكرت كثير
وطلعت بهذا التحدي ...اولا قبل لا اكلمكم عنووو ابغى روح رياضيه ...مابغى زعل
ابدااا ....ابغى نكون يد وحده هنااا ....ما سويت هذا التحدي الا ليكم ....وعشانكم
وعشان مصلحتكم ....يعني لو شفت وحده فيكم زعلت لا تلومو الانفسكم ....
على طول بنقفل التحدي ومن الان حذرتكم ....اللي تشوف نفسها زعوووووله
من الان لا تشترك معايا ....بس عمومااا الدعوووه عااامه للجميـــع .....المهم
بكلمكم عن التحدي هذاا .....وكيف طريقتوو ....اولا من الشروط وحاولت اسهل
عليكم الشروووط مررره .....
1: المشي ساعه يوميا وهذا الشرط اللي انا ما استغنى عنو .
2: الانتظام على الدايت اللي تبغيه واهم شي عندي يكون هرمي ومتكامل
وراح احطلكم الجدول عشان تشوفو كيف ابغى طريقة اكلكم لاني بصراحه
مابغى اكسب فيكم ذنب يعني اي بنت بتمشي على رجيم مهو صحي بتطير
من عندي طواااااالي وبدون زعل .
3: شرب تمانيه اكواب من الماء يوميا .
4: شرب الشاهي الاخضر واي مشروبات تسهل الهضم وبطريقه صحيه يابنات
5: تنظيم موعد الوجبات يعني الفطور دايما في الصباح او الظهر الغدا لو تتغدي
في الظهر والا العصر العشا في الليل قبل النوم باربعه ساعات مو يوم تفطري
الساعه سبعه الصباح ويوم الساعه وحده ويوم العصر كدا ابدا ما راح ينزل وزنك
خلاص الفطور في وقتو والغدا في وقتو والعشا في وقتو وابغى وجبات خفيفه
خلاص دي الشروط بالنسبه للدايت .....
خلينا نجي للشروط حقت التحدي الكبيررررر
1: بما انو الدعوه عامه للجميع انا ما راح ارد عليكم يوميا بس انا عند النت
اربعه وعشرين ساعه يعني عايشه في وسط التحدي براقب واشوف واسجل
في دفتري الخاص كل شي عنكم .....اسمعوني كيف راح يكون التحدي
راح تجي وتسجلي انك موافقه عليه وتبدئي بسم الله .....كل يوم تجي وتكتبي
يومياتك وكم مشيتي ؟؟؟ خلاااااص ..انا راح اجي اشوف الاكل تمام والمشي تمام
راح احطك في بالي ....لو شفت انك منتي قد التحدي اخر الاسبوع بدون اي انذار
راح اقلك مع السلامه ما بغاكي تزعلي بس انسحبي بهدووووء لانك اكيد ما
مشيتي والا ما التزمتي بالدايت الصحي ....عندكم مسنجري والخاص تقدرو
تتواصلو بيه عن طريقي انا دايما بكون في الخدمه ...طبعا يابنات انا احبكم ولا
راح اظلمكم ابدا .... طبعا لو قلتلك باي مو انك تروحي مره لا تتوقفي عن التحدي
اسبوع وتحاولي ترجعي الهمه والنشاط لحالك وترجعيلي ......يعني بدون زعل
خلونا نلعب هذا التحدي عشان مصلحتنااا ......فهمتو عليا يابنات خلاص انا طفشت
وانا ارد عليكم والقروب بيكون بارد مره ونايم احسن كدا كل وحده تحسب حساب
انها لوخبصت راح تفارق ورد اسبوع كامل بتجلس لوحدها الين تتعلم انها ما تخبص
وتجيها اراده قووويه وصدقووني كل اللي راح يشترك معايا راح يطلع بقوة فولاذيه
ماعليكم بس انتو اصبرووو وشوفوو بنفسكم ......
طيب ....طبعا انا كيف راح اخرج المتسابقه من عندي راح احكم عليها من خلاص
المشي والدايت والانتظام والروح المعنويه العاليه ...يعني من الان ورايح اي وحده
تجي تكتب انا كسوله بطلعها من عندي تكتب انا تعبانه بطلعها من عندي انا والله
مني فايقه امشي بطلعها من عندي ....تخرج الين تكون قد التحدي وبعدين ترجع
انا ماعندي اي اشكاليه بس انها تجي وتكتب كلام يلعب في نفسياتنا ما عندي
هذا الهرج ......المهم كيف راح اقسمكم كل اتنين راح يكونو مع بعض ويختارو لون
لنفسهم ....وعادي لو اتكرر اللون المهم يرتبو نفسهم بنفسهم مو كل يوم اجلس
انا ارتب فيكم ....ابغى كل صديقتين يتعاونو مع بعض قدام الجميع ويسئلو عن بعض
الردود مفتوحه يعني مو بس رد واحد يوميا لكن مو تحطي مليون رد في اليوم لا
اذا شفتي انو شي ضروري تعالي وسجلي الرد عادي مافي مشكله .....
طريقة الكتابه والخط راح تكون زي ماهيا يعني لا تكبري الخط الاعمى يشوفو لا
عشان لا يتشوه شكل التحدي كوووني مرتبه ومنظمه .......التفاؤل والامل و
التعاون والمرح والروح الرياضيه والنشااط عنواااانناا في هذا التحدي الكبيرررررر ....
فهمتوو عليا يابنات انتبهوو عدل مني ولا تجلسو تستنوو ردي انا بجي وارد عليكم
في اخر اليوم بس مو كل بنت برد عليها لا بس انا براقب الين يوم الجمعه والبنت
اللي ما احس انها قد التحدي خلاص بقلها مع السلامه اسبوع اجلسي مع
نفسك حاولي ترتبي حالك واكلك وارجعي ومكانكم كلكم في عيوووني الاتنين
يابنااااااااااااات ...مممممممممم بقي شي ما قلتوو؟؟؟ممممممم اضن خلاص
راح نبدأ التحدي من اليوم ابدئو سجلو يومياتكم وكل وحده تختار صديقه وكل يوم
ابغى اشوفكم واشوف حماسكم وكل وحده تنتبه لا تفقد صديقتها او انها تقصر في الدايت والمشي وتخلي صديقتها وحيده يعني ابغاكم تحاولو قدر المستطاع انكم تمشوو تمااام ويلااااااااااااااااااا انطلقنا على بركة الله .....
علما اني من الان بعطي كل وحده سجلت معايا في التحدي وسام
القووووه والنشاط والروح الرياضيه
انطلقنا على بركة الله .
أختكم : ورد مدينـــي .
ملاحظه : التسجيل مفتووح طوااال استمرارية التحدي يعني اي وحده
شافت التحدي وحابه تدخل معانا تلتزم بالقوانين وتجيب صديقتها وتخش
على طووول معانا بدون اي استئذان يعني لا احد ينتظر اني اقلو طيب
خلاص خشي وقولي بسم الله وشوفي النتيجه اخر الاسبوع وياترى انتي
راح تكملي الاسبوع الجاي معايا والا لا ...بنات لا تخافو انا راح اراسلكم دايما
وبكون وراكم واحذركم يعني خشي ولا تخافي وخليكي قووووويه ....ومو معناتو
اتوقفتي يعني انو تزعلي وتروحي ولا ترجعي لا حاولي وحاولي وحاولي وحاولي
الين تنجحي وصدقيني راح تنجحي في النهاااايه ....احبكم كلكم يلا موفقين .
تعليق