علبة هدايا على شكل قلب اهديها لمن تحبين ^_^

**نجمة الفجر 2000** · 27-02-2010, 09:01 AM

السلام عليكم الغاليات

هذا درس عن علبة على شكل قلب ان شاء الله تستفيدون منه

الخطوات :

1- نفتح على برنامج الرسام ونرسم شكل قلب ولو في حالة ما عندنا طباعة الاحسن انا نشفها بأوراق الطباعة العادية .

2- بها الشكل .

3- نقص عدد خمس قلوب من الورق المقوى اللي بنشتغل عليه ..

4- بعدين نقص على حيط القلب بس لان القلب كبير فانا قصيت ومستطيل طوله طول ورقة الـA4 وعرضه 4 سم + 1سم للتلصيق ..

5- نلصق المستطيلين مع بعض علشان تكفي على كامل محيط القلب ..

6- بها الشكل ..

7- نقصص الواحد سم بطريقة مشرشرة نفس الصورة ..

8- الصورة اللي تحت تبين الشكل بعد ما لصقت المستطيلين على القلب ..

9- وهنيه يبنا القلب الثاني وحطينا عليه الصمغ ..

10 - وغطينا بالقلب الثاني اثار تلصيق المستطيلين على القلب القاعدة ..

11- حبيت اجرب فكرة هنيه العلبة الشفافة فاستخدمت الاوراق الشفافة المقواة نفس اللي في الصورة + الصمغ الخاص بها ..

12- نييب ورقتين شفافتين ونصمغهم مع بعض مثل ما سوينا في المستطيلين ونقيس 1 سم وبعدين نقصصهم كرانيش وهم المكان نلصقهم مع العلبة القلب مثل الصورة طبعا نحن استخدمنا ورقة الشفافة كامل يعني عرضها وطولها كامل بس ناقص 1 سم لانه المكان اللي نلصق فيه بس ..

*

*

*

يتبع

**نجمة الفجر 2000** · 27-02-2010, 09:32 AM

12- نييب ورقتين شفافتين ونصمغهم مع بعض مثل ما سوينا في المستطيلين ونقيس 1 سم وبعدين نقصصهم كرانيش وهم المكان نلصقهم مع العلبة القلب مثل الصورة طبعا نحن استخدمنا ورقة الشفافة كامل يعني عرضها وطولها كامل بس ناقص 1 سم لانه المكان اللي نلصق فيه بس ..

13- علشان نغطي شكل تصميغ الشفاف بالعلبة نحط صمغ على القلب الثالث مثل الصور وبعدين نلصقه فوق القلب اللي ملصق فوقه الشفاف علشان يكون المنظر اوكي ..

بها الشكل ...

هذي صورة للعلبة بعد الانهاء من تثبيت الشفاف المقوى في العلبة القاعدة ممكن تشوفون ان في وسخ للاسف من الصمغ فحاولوا وانتوا تقومون بعملية التصميغ تنتبهون وايد لان اقل شي ويترك علامة للاسف

14- الحين نبدأ في صنع الغطاء ,, ونحتاج نفس القاعدة ( مستطيلين نلصقه مع بعض للجوانب وقلبين نفس قياس وحجم قلبين القاعدة ,,

15- بعد ما صمغنا المستطيلين مع بعض نقوم بقصقصتها بطريقة شرشرة بقياس 1 سم

16- نحن في مستطيلين القاعدة حطينا الصمغ من ورا الزيادة لانا صمغنا فوق القلب القاعدة اما في الغطاء بنصمغ الزيادة مثل الصورة ...

بحيث يوم نخلص من التصميغ يطلع الشكل بها الطريقة ..

وهذا شكله من داخل ...

18- نحطي صمغ على القلب الخامس بها الشكل علشان نغطي فيه المكان اللي مصمغين الجوانب بالقلب الغطاء ..

بها الشكل يعني ...

19- ونغطي العلبة بعد ما نكون طبعا حطينا فيها الهدية اللي نباها ... انا صراحة ما كان عندي وقت احطي فيها اي شي يعني سويت الدرس بسرعة فاسفة بس ممكن تحطون فيها اشياء وايد ,, دبدوب صغير ومعاه كوب فخار واكياس شوكولاته لان العلبة اصلا كبيرة بس جايه بالطول مش بالعرض ...

20- وقت التزيين عندي خرامة عليها هالشكل جتني هدية من انسانة عزيزة على قلبي جزاها الله كل خير ,, وطبعا عندي بقايا الورق المقوى الاحمر اللي قصيت منه شكل القلوب ,, فخرمته بهالخرامة ,,, + ورق مقوى بيج تقريبا خرمت منه شوي

وصمغت القصاصات بها الشكل وحطيت عليهم شوي كريستالات بس لان اللي كان عندي صغير فمابين للاسف ..

واكيد اخر شي لفينا على العلبة بشريطة لون بيج وان شاء الله عجبتكم العلبة

ومثل ما تشوفون بأشياء بسيطة ممكن تسوون اشياء مميزة

والله يوفق الجميع وييسر الخير لما يحب ويرضى

@ اختكم في الله @

ام ناصر وعالية وشما