بسم الله الرحمن الرحيم
السلام عليكم ورحمة الله وبركاته
اول شي
اسمحولي احكيلكو اني اشتقتلكو موووووووووووت موووووووووووت
وطبعا انتو اشتقتولي
تشتاقلكو العافية والسعادة يارب
نفوت دغري على الموضوع
هو مالك يا لموسة الطبخة اليوم بس للمرضعات؟
بصراحة انا هلاء بفترة الاربعين
ومن بعد هاي الرحلة بلشنا برحلة تانية وهي رحلة الرضاع والنفاس والاربعين يوم
واللي المفروض تراعي فيها الام الوالدة انها لازم تغذي حالها كويس
وفعلا لا هو مزح ولا هو هزار بدكو يا والدات تتغذو منيح
لانه الوالدة بكون زي ما بحكو الستات الكبار ضهرها بكون مفتح وعظمها طري وشو برم العظم؟ غير الطبيخ المعتبر
ورح اقدملكو بهاي الفترة الاكلات ياللي عنجد بحس انها بدر حليب للبوبو\
واول اكلاتي
البامية
ياللا نشمر عن ايدينا ونفوت نطبخ
نغسل البامية ونقمعها ونحضرها للقلي
نحمي الزيت ونقليها وندير بالنا انه مو لازم نحركها كتير عشان لا تفتح معنا
وبنفس الزيت نقلي اللحمة وهاي عملية مهمه اتعلمتها من فتفوتة قلبي فتافييييييييييت
انه لما نقلي اللحمة بزيت حامي بنسكر مساماتها وبهيك العصارات كلها بضل جواتها وما بتطلع لبرا وبضل اللحمة طرية وبمصطلح الشيفات بتكون jucie جوسي يعني فيها عصير
وبعدين بنرشلها شوية ملح
وهاي طريقتي بسلق اللحمة لليخاني اللي فيها بندورة
بخلط البندورة بالمولينكس وبديرها على اللحمة وبسلق اللحمة بعصير البندورة
وبس تستوي بنشل اللحمة وبصفي مرقة البندورة
وبرجعها على الطنجرة وبضيفلها الباميات المقليات
وبرضه هون ما بحرك كتير البامية عشان برضه ما تفتح وما تطلع منها المادة اللزجة
وبعد 5 دقايق من الغلي برجع اللحمة على المرقة وبقدح للطبخة بتومة وكزبرة...........ممممممممم بشوية سمنة بلدية
وبالاخير القدحة بناخد شوية من مرقة الطبيخ وبضيفها للمقلى عشان تطلع كل النكهات وبرجعها للطنجرة
وهلاء نفلفل الرز والذ شي ل فلفلة الرز انه نقلي الرز اول بشوية زيت او سمنة زي ما تحبي
وبعدين نفلفله بمرقة..............او بمية بس بمرقة ازكى
معلش فش داعي نفكر بالرجيم هلاء في معنا عذر
وبعدها نسكب الطبخة والف صحتين وهنا
وشوفو الحليبات بعديها كيف
والف صحة وهنا على قلبك وعلى قلب بوبيكي
الروابط المفضلة