هلا بحبايبنا ومرحبا تفضلو يمنا البيت العراقي

**الام60** · 08-04-2010, 09:29 AM

تفضلوا عيني حبايب هلا بيكم
وجكليت وورد ننثر حواليكم
وبكل مكان صبية حلوة تحييكم
يا ما احلا لمتنا ببيتنا العراقي بيت الكرم والجود
تفوح منه ريحة القهوة ام الهيل
ونقدم البقلاوة والكليجة ومن السما مع الشكرلمة
وكل الهلا ويارب يحميكم تفضلوا

**iraqi flower** · 08-04-2010, 09:58 AM

صباح الخير بنيات
تسلمين شذاوي حبيبتي ع البيت ويارب دومه عامر بأهله وبجودهم
اني اليوم اجيت من وقت لان دلول يم جدها بره بالحديقه فكلت اجي اصبح عليكم واروح

**ام مرمر و ليلو** · 08-04-2010, 10:08 AM

صباح الخيررررررررررررر
مبارك البيت الجديد ام طيبة عقبال مانجي نباركلك وانتي راجعة لحظن اهلك واحبابك وبيتك
يام قلب الطيب دائماً تذكريني بامي الله يحفظها ويحفظك لاحبابك
اني الحمدلله احسن
انطتني الدكتورة دواءللقالون وبس
وسويت سونار لينة افندي طلبت منها سوناررباعي الابعاد
وحولتني للدكتور المختص واول شي قتله اريد صورة لوجها حتى اشوفها تشبه منو مستعجلة ههههه
ضحك الدكتور وقالي بعدمااخلص فحص الجنين واشوفه سليم ان شاء الله
طبعاً ضل نص ساعة بالسونار اني صرت ارجف وابو مريم يقوله خوما بيها شي
يكوله لا كلشي مابيها بس نتأكدمن جميع اجزاء جسمها بالرباعي الابعاد
المهم آخر شي وطلعلي صورة وجها وصرنا نشوفها وجان تقوم تحرك بعيونها
الدكتور صار يضحك واني حسيت بفرحة بداخلي
حتى الدكتور صار يعيد اللقطة اللي تتحرك بيها العيون
وتوة يريد يطبع صورة لوجها والافندية تخلي ايدها على وجها
وايريد يحاول الدكتور توخر ايدها وهي ابد اصرت انه متوخر ايدها
تالي انطاني صورة وهي حاطة ايدها على وجها ههههههههه
شلون وكيحة من هسة ماينقدر لها
واني من البارحة مقابلة الصورة وبس اشوف ليونة
حتى ابو مريم يقولي شبيك عبالك اول مرةى تخلفين ههههههه
حسيت كل الهم راح من قلبي من شفتها
وجمالة بس تضرب بيهة بوكسات وجلاليق خخخخخخخخخخخخ
ومريم اليوم موعدها مع دكتور العيون
واليوم نتائج تحاليلي واختبار فحص الحمل السكري تطلع
وبسسسسسسسسسسسس
سلامي للجميييييييييييييع
اروح اخذ فرة بالمنتدى

**ام مرمر و ليلو** · 08-04-2010, 10:53 AM

شوفوا ابداعات رسوووووووووووووووولة

**dodoالعراقية** · 08-04-2010, 11:13 AM

الله يرجع كول وحده بعيده عن بلده

**الام60** · 08-04-2010, 11:21 AM

عاشت الايادي
والله يتم عليك بخير يا ام مريم ويحفظ لك البنوتات وابوهم ويفرحكم بهما
قبل 22 سنة كان السونار جديد وكانت عندنا بالموصل دكتورة شذى الحلي اختصاصية امواج صوتية وحيل شاطرة وسونارها مضبوط وكنت حامل ببنتي رسل واحتجت سونار خوف الاسقاط وكانت الدكتورات ماتطلبه الاللحاجة الضرورية مومثل هسا بكيفنا نروح حتى نعرف جنس الجنين وطبعا كانت الناس تخاف من السونار لا ياذي الجنين مثل الاشعة ورحت عملت سونار واخذت لي صورة للجنين كلمن شافها تخبل اشون البيبي ينشاف من داخل الرحم وحماتي وامي يقولون علم الانسان ما لم يعلم تصوري ماشاء الله تطور الطب والتقنية وقامو ياخذون صورة رباعية وتبدو حقيقية سبحان الله صحيح علم الانسان مالم يعلم
وفي انفسكم افلا تبصرون
سبحان الله رب العرش العظيم كما يتقلب الجنين في بطن امه ويراه الطبيب كذلك ربنا يرانا في تقلبنا وقيامنا وقعودنا ان ماذكرت من تصوير يثير في القلب خشية الله سبحانه وتعالى ويزيد المؤمنين ايمانا ويلين قلوبهم

**الام60** · 08-04-2010, 11:26 AM

اهلا بدودو العراقية بيننا في بيت المحبة والحنين
عرفينا عنك حتى تتوطد العلاقة ونعرفك خوش انا ام طيبة وبنتي ام محمد غسق الليل معنا وباقي الحبايب بيناتهم خوات وجارات وكلتنا من بيت واحد الي هو العراق الحبيب وتعودي سالمة وغانمة للعراق انت وكل المغتربين انا في تركيا حاليا عندي اقامة 4سنوات نرجع للاهل ولبيتنا بالموصل بالعطلة ان شاء الله خلي حر وهنا ربيع دايم
نرجع ونغني حتى نارك جنة والله ياوطنا واهلا بك

**iraqi flower** · 08-04-2010, 12:12 PM

كتبت بواسطة dodoالعراقية

الله يرجع كول وحده بعيده عن بلده

هلو بيج دودو العراقيه في بيتنا الجديد
اعرفج بنفسي اني اسمي رغد ام دلول بنتي اسمهه داليا عمرهه سنه وكم يوم
طبعا اسمج لفت انتباهي لان بنتي اكثر اسم ندلعها بي هو دودو

**youssor** · 08-04-2010, 12:30 PM

مبروك ع البيت الجديد حبايب

جبت ويايه الورد للورد

**youssor** · 08-04-2010, 12:37 PM

معرف شجيبلكم بعد
عااااااااا شون ضوجه عكب باجر ابده بالمراجعه والله يستر

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: هلا بحبايبنا ومرحبا تفضلو يمنا البيت العراقي

أدوات الموضوع

العرض