قصيده... أرجوو ان تعجبكم وشكرا

**AL_SULTAN** · 09-07-2001, 10:19 PM

ما يستوي اللي عــطيته ... ينساك وايبادلــك بجروح
الك الغلا واللي رضـيته ... والك القلب والعين والروح
اهوى الهـوى وانته بديته ... وأختم حياتي بقول مسموح
لا تغالط الصدفه بقصيده ... صدفة لقيتك مالك الروح
واختم كلامـي اللي بديته ... وأكتب بسطور الحب بجروح
انته اللذي قلبــي عطيته ... وانته اللذي بنهيبه الـــروح

ارجووو انت تحوز على رضاكم

**shooq9999** · 09-07-2001, 10:56 PM

لا تفتكر انت العمر وانك وسط يوفي نغم
لا والذي احيا البشر ماانت سوى غلطه وندم
انت الشقا انت القهر انت النهايه والعدم
لو ترتدي كل الصور مايسترك ثوب الوهم
لا تفتكر فيك انجبر ويقول لك قلبي نعم
من يزرع بدربه جمر ويسير به حافي القدم
ومن هو الذي بعد الصبر يسكب على جروحه ألم؟

**AL_SULTAN** · 09-07-2001, 11:06 PM

لا حول من دنيا الكايد والعضال ... ياما وياما شفت فيها البــلايا
وياما سقتني المر كاس وفنجال .... اتجرعه بالغضب ماهو برضايا
وياكم منها ذايق اصناف لهوال ... لكن انا مؤمن برب البرايـــا
عندي يقين ان المخاليق رحال ... مايدوم غير الله عليم الخفايـــا
هذي سفينة والبشر شبه حمال ... ع سطحها ولابد تاتي النهايــا
والموت حق وكل مخلوق بينال ... حقه وعند الله هم بالسوايـــا
هل وكيف كانه حل بالصاحب الفل. يلي لقلبي من اعز اصدقايــا
ياني الخير وتغثبر الحال والبال .. وانسيت نيران اشتعلت في حشايا
قالوا البقيه في حياتك ولي قال ... ياني يعزيني ويقبل عزايــا
قال البقا لله عالم بالاحوال ... لما سلطان تخيرته بالمنايــــا
وانهل دمعي مثلها يود همال ... خسرت مناطيحي ويادت عضايا
مافي المقدر حيله لو بنحتال ... ماقول غير الله يقبل عزايــا

**shooq9999** · 09-07-2001, 11:10 PM

زاد حبك ياأبي واستمع فوق الحدود
واشهد بانك عجيبي وصادق بكل الوعود
كم ناديت وتجيبي ياحلو منك الردود
تبتسم وانته قريبي بالبعد حتى تعود
كلك احساس وطيبي وكل افعالك شهود
واعترف لك ياأبي انته اغلى من الوجود

**AL_SULTAN** · 09-07-2001, 11:16 PM

من بحسنك يانظر عيني ... من يشابه حلو لقبالي
الكلام الزين ياالزينـي ... منك يعجبني ويحلالي
انت بس الي ملا عيني ... والقلب لك دوم ميالي
أبكي واتندم على سنيني ... والعمر لي مر طوالي
شوفتك تسوى الملايني ... يالغلا يالغالي الغالي
ابتسامه منك تكفينـي ... يالظنا ويرد حالــي
ابصراحه زال مافيني ... من هموم وغم واهوالي
لان شوفتكم تهنيني ... ياحياتي وكل آمالي

**shooq9999** · 09-07-2001, 11:23 PM

بمناسبة نجاح اخويه العزيز والغالي على قلبي في الثانويه العامه اهديه هاي القصيدة
مبروك حميد لك العز والشان واكرره مبروك مليون مره
جانا الخبر والكل بالحيل فرحان وزانت ليالينا فرحه ومسره
وعبرت بحر به عواصف وحيتان لين السفينه بندرت وسط بره
واللي صبر اينال حميد من عقب ماكان من نايبات الوقت حلوه ومره
متواضع يوقف مع كل تعبان شيخ المناصير مابدى الوقت غره
حر ولد حر من اصل وفصل ان جروا البدوان له الف جره
وأرجو السموحه كان في القول نقصان واكرره مبروك مليون مره

**AL_SULTAN** · 09-07-2001, 11:26 PM

والله مقدر ارد عليييييج صراحه
مشكوووووووووووووووووووووورة الف مره
وعقبال نفرح بج انشالله يوم تتخرجين من الجامعه
مع كل احترامي لاختي شوق

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: قصيده... أرجوو ان تعجبكم وشكرا

أدوات الموضوع

العرض