✿*موضوع متميز*✿مع صلصات التغميس للفاكهه DIP واول تجاربى

[برنسس لك1]

صلصات التغميس ويا ويلى من صلصات التغميس
يعنى انا مسكه نفسى ادام المحمر والمشمر والمقمر
واجى ادام الحاجات البسيطه ده اضعف
بجد يا نواعم لاحظت انها

1. مبتاخدش وقت خالص فى التحضير
2. انواع صلصات التغميس عالم كامل متكامل
3. انواع واشكال للفاكهه والخضار والعيش والتورتلات والمشويات حتى القراميشوفى منها كمان ما ذكرتوش
4. كانت فرصتى علشان أأكل ولادى اللى ما بيحبوش يكلوه زى الخضار وانواع فاكهه والزبادى والعسل

1. 
   

الاول حبدأ بأذن الله مع الفاكهه
وبرده حبدأ مع الصوصات العاديه للفاكهه
زى صوص الشوكولاته والكراميل

اولا : الكراميل

المكونات
كوب سكر
3/4 كوب كريمه او قشطهقطعه زبده صغيره ما يعادك معلقتين

الطريقه

قبل ما ابدأ كلامى لازم الالتزام باللى بقوله

اضع السكر فى مقلايه او حله عريضه
بعنى ماتكنش ضيقه علشان انا عايزه السكر مفرود ادامى فى المقلايه
اول ما اضع السكر لوحده على النار اضعه على نار هاديه
ممنووووووووووووووع تقليب السكر بالمعلقه
بعد ما تدوب اطراف السكر امسك المقلايه او الحله واهزها بأيدى زى ما اكون بلف السكر اللى جواها
علشان اللى داب ما يتحرقش
او ما يدوب السكر كله بقول يدوووووب مش يتحرق
اضع الكريمه واقلب بسرعه واضيف قطعه الزبده مع التقليب
وبكده الكراميله جاهزه

وتانى صوص الشوكولاته

المكونات

200 جرام شوكولاته
1 كوب كريمه
50 جرام زبده

الطريقه

اضع الكريمه على النار تسخن واول ما اشوف اطرافهها تغلى
اضع عليها الشوكولاته المبشوره وبعد التقليب والدوبان اضع الزبده واقلب كويس وبالهنا والعافيه

وتقدم الصوصات ده غالبا مع الفراوله طعمها راااااااااااااااااااائع

نكمل مع صلصات التغميس الغير تقليديه

اول نوع

مكوناته

4 قطع جبنه كيرى
1/4 كوب كريمه
اقل من 1/2 كوب زبادى
1/3 كوب فراوله مع 2 م ك عسل
او
3 م ك مربى فراوله

وكله يضرب بمضرب البيض لكن اضيف مكون مكون واكمل الخلط ( وممكن بدل الفراوله اخليها موز)


النوع التانى

مكوناته
1/4 كوب كريمه او سور كريم
1 م ك سكر
1/4 م ص فانيليا
1/2 كوب كريم شانتيه مخفوقه
ممكن اضافة اى نوع فاكهه
لكن انا ما اضفتش

الطريقه
اخفق اول 3 مكونات مع بعض
واخلطهم بالكريم شانتيه
وتقدم انواع الصلصات مع الفاكهه

كلها حاجات سهله وبسيطه
لكن بتدى شياكه للتقديم
وبتزيد الطعم لذاذه

انتظروا رحلتى مع الخضار والخبز